Esawdın' urpaqları (1-19),Seirdin' urpaqları (20-30),Edom patshaları (31-43)
Jaratılıs 36 bob
1 Esawdın', yag'nıy Edomnın' shejiresi mınaday:
2 Esaw mına qananlı qızlarg'a u'ylendi: birinshisi xet xalqınan bolg'an Elonnın' qızı Ada, ekinshisi xiw xalqınan bolg'an Sibonnın' aqlıg'ı, Ananın' qızı Oholibama.
3 Ja'ne de, ol İsmayıldın' qızı, Nebayottın' qarındası Basematqa da u'ylendi.
4 Ada Esawg'a Elifazdı, Basemat Reueldi,
5 Oholibama Eushtı, Yalamdı ha'm Qoraxtı tuwıp berdi. Bular – Esawdın' Qananda tuwılg'an ulları edi.
6 Keyin Esaw hayalların, ulların, qızların, u'yindegi barlıq adamların, ha'mme malların ha'm Qananda arttırg'an pu'tkil mal-mu'lkin alıp, inisi Yaqıptan bo'leklendi de, basqa bir elge ko'ship ketti.
7 Olardın' mal-mu'lki sonshelli ko'p bolg'anlıqtan, olar endi birge jasay almadı. O'zleri jasag'an bul jerler olardın' mallarına tarlıq etip qalg'an edi.
8 Solay etip, Esaw, yag'nıy Edom tawlı Seir jerine ornalastı
9 Tawlı Seir jerinde jasawshı edomlılardın' tu'p atası bolg'an Esawdın' shejiresi mınaday:
10 Esawdın' ullarının' atları: onın' hayalı Adadan Elifaz, al hayalı Basemattan Reuel tuwıldı.
11 Elifazdın' ulları: Teman, Omar, Sefo, Gatam ha'm Kenaz.
12 Esawdın' ulı Elifazdın' toqalı Timna ku'yewine Amalekti tuwıp berdi. Bular – Esawdın' hayalı Adanın' aqlıqları.
13 Reueldin' ulları: Naxat, Zerax, Shamma ha'm Mizza. Bular – Esawdın' hayalı Basemattın' aqlıqları.
14 Sibonnın' aqlıg'ı ha'm Ananın' qızı bolg'an Oholibamanın' ku'yewi Esawg'a tuwıp bergen ulları: Eush, Yalam ha'm Qorax.
15 Esawdın' urpaqlarınan kelip shıqqan urıw biyleri mınalar: Esawdın' tun'g'ıshı Elifazdın' ulları: Teman biy, Omar biy, Sefo biy, Kenaz biy
16 Qorax biy, Gatam biy ha'm Amalek biy. Bular Edom jerinde Elifazdın' urpag'ınan shıqqan biyler bolıp, Adanın' aqlıqları edi.
17 Esawdın' ulı Reueldin' ulları: Naxat biy, Zerax biy, Shamma biy ha'm Mizza biy. Bular Edom jerinde Reueldin' urpag'ınan shıqqan biyler bolıp, Esawdın' hayalı Basemattın' aqlıqları edi.
18 Esawdın' hayalı Oholibamanın' ulları: Eush biy, Yalam biy ha'm Qorax biy. Bular – Ananın' qızı, Esawdın' hayalı Oholibamadan tarag'an biyler edi.
19 Bulardın' ha'mmesi Esawdın', yag'nıy Edomnın' ulları ha'm urıw biyleri.
20 Edom jerinde jasag'an xor xalqınan bolg'an Seirdin' ulları mınalar: Lotan, Shobal, Sibon, Ana,
21 Dishon, Eser ha'm Dishan. Bular – Seirdin' ulları bolıp, Edom jerinde xor xalqının' urıw biyleri edi.
22 Lotannın' ulları: Xoriy ha'm Hemam. Timna Lotannın' qarındası edi.
23 Shobaldın' ulları: Alwan, Manaxat, Ebal, Shefo ha'm Onam.
24 Sibonnın' ulları: Ayya ha'm Ana. A'kesi Sibonnın' esheklerin bag'ıp ju'rip, sho'lde ıssı bulaq tapqan usı Ana edi.
25 Ananın' balaları: Dishon ha'm qızı Oholibama.
26 Dishonnın' ulları: Xemdan, Eshban, İtran ha'm Keran.
27 Eserdin' ulları: Bilhan, Zaawan ha'm Aqan.
28 Dishannın' ulları: Us ha'm Aran.
29 Xor xalqının' urıw biyleri mınalar: Lotan biy, Shobal biy, Sibon biy, Ana biy
30 Dishon biy, Eser biy ha'm Dishan biy. Bular – Seir jerindegi xor xalqının' urıw biyleri edi.
31 İzrailda patsha bolmastan burın, Edom elinde to'mendegi patshalar hu'kimdarlıq etti:
32 Beor ulı Bela Edom patshası boldı. Onın' qalasının' atı Dinhaba edi.
33 Bela o'lgennen keyin, onın' ornına Bosra qalasınan bolg'an Zeraxtın' ulı İobab patsha boldı.
34 obab o'lgennen son', temanlılardın' jerinen Xusham patsha boldı.
35 Xusham o'lgennen son', Moab elinde midyanlılardı qıyratqan, Bedadtın' ulı Hadad patsha boldı. Onın' qalasının' atı Awit edi.
36 Hadad o'lgennen son', onın' ornına Masreqadan bolg'an Samla patsha boldı.
37 Samla o'lgennen son', onın' ornına da'rya boyındag'ı Rexobottan bolg'an Shaul patsha boldı.
38 Shaul o'lgennen son', onın' ornına Axbordın' ulı Baal-Xanan patsha boldı.
39 Axbordın' ulı Baal-Xanan o'lgennen son', onın' ornına Hadar patsha boldı. Ol Pau qalasınan bolıp, onın' hayalı Matredtin' qızı, Mezahabtın' aqlıg'ı Mehetabel edi.
40 Tiyrelerine ha'm jerlerine qaray Esawdın' urpag'ınan kelip shıqqan biylerdin' atları mınaday: Timna biy, Alwa biy, Etet biy,
41 Oholibama biy, Ela biy, Pinon biy,
42 Kenaz biy, Teman biy, Mibsar biy,
43 Magdiel biy ha'm İram biy. Bular – o'zleri iyelik etken u'lkede jasag'an jerlerine o'zlerinin' atların bergen Edom biyleri edi. Edomlılardın' tu'p babası – Esaw edi.
