Jaratılıs 5 bob
1 Adamnın' shejiresi mınaday: Quday adamdı jaratqanda, onı O'zine uqsatıp jarattı.
2 Olardı erkek ha'm hayal qılıp jarattı ha'm sol ku'ni olardı jarılqap, olarg'a «adam» dep at qoydı.
3 Adam bir ju'z otız jasqa shıqqanda, o'zine uqsas, o'zinin' biynesindey bir balalı bolıp, og'an Shet dep at qoydı.
4 Shet tuwılg'annan son', Adam ja'ne segiz ju'z jıl jasadı. Onın' basqa da ulları ha'm qızları boldı.
5 Adam barlıg'ı bolıp tog'ız ju'z otız jıl o'mir su'rip, qaytıs boldı.
6 Shet bir ju'z bes jasqa shıqqanda, ulı Enosh tuwıldı.
7 Enosh tuwılg'annan son', Shet ja'ne segiz ju'z jeti jıl jasadı. Onın' basqa da ulları ha'm qızları boldı.
8 Shet barlıg'ı bolıp tog'ız ju'z on eki jıl o'mir su'rip, qaytıs boldı.
9 Enosh toqsan jasqa shıqqanda, ulı Kenan tuwıldı.
10 Kenan tuwılg'annan son', Enosh ja'ne segiz ju'z on bes jıl jasadı. Onın' basqa da ulları ha'm qızları boldı.
11 Enosh barlıg'ı bolıp tog'ız ju'z bes jıl o'mir su'rip, qaytıs boldı.
12 Kenan jetpis jasqa shıqqanda, ulı Mahalalel tuwıldı.
13 Mahalalel tuwılg'annan son', Kenan ja'ne segiz ju'z qırıq jıl jasadı. Onın' basqa da ulları ha'm qızları boldı.
14 Kenan barlıg'ı bolıp tog'ız ju'z on jıl o'mir su'rip, qaytıs boldı.
15 Mahalalel alpıs bes jasqa shıqqanda, ulı Ered tuwıldı.
16 Ered tuwılg'annan son', Mahalalel ja'ne segiz ju'z otız jıl jasadı. Onın' basqa da ulları ha'm qızları boldı.
17 Mahalalel barlıg'ı bolıp segiz ju'z toqsan bes jıl o'mir su'rip, qaytıs boldı.
18 Ered bir ju'z alpıs eki jasqa shıqqanda, ulı Xanox tuwıldı.
19 Xanox tuwılg'annan son', Ered ja'ne segiz ju'z jıl jasadı. Onın' basqa da ulları ha'm qızları boldı.
20 Ered barlıg'ı bolıp tog'ız ju'z alpıs eki jıl o'mir su'rip, qaytıs boldı.
21 Xanox alpıs bes jasqa shıqqanda, ulı Metushelax tuwıldı.
22 Metushelax tuwılg'annan son', Xanox u'sh ju'z jıl dawamında Quday menen tıg'ız baylanısta jasadı. Onın' basqa da ulları ha'm qızları boldı.
23 Xanox barlıg'ı bolıp u'sh ju'z alpıs bes jıl jasadı.
24 Ol Quday menen tıg'ız baylanısta jasadı. Son'ınan ol jer betinen g'ayıp boldı. O'ytkeni Quday onı O'zinin' janına alg'an edi.
25 Metushelax bir ju'z seksen jeti jasqa shıqqanda, ulı Lamex tuwıldı.
26 Lamex tuwılg'annan son', Metushelax ja'ne jeti ju'z seksen eki jıl jasadı. Onın' basqa da ulları ha'm qızları boldı.
27 Metushelax barlıg'ı bolıp tog'ız ju'z alpıs tog'ız jıl o'mir su'rip, qaytıs boldı.
28 Lamex bir ju'z seksen eki jasqa shıqqanda, bir balalı boldı.
29 Ol: «Jaratqan İyenin' na'letlegen jeri sebepli shekken azabımızdı ha'm miynetimizdi bul bala jen'illetip, ra'ha't beredi», – dep balag'a Nux* dep at qoydı.
30 Nux tuwılg'annan son', Lamex ja'ne bes ju'z toqsan bes jıl jasadı. Onın' basqa da ulları ha'm qızları boldı.
31 Lamex barlıg'ı bolıp jeti ju'z jetpis jeti jıl o'mir su'rip, qaytıs boldı.
32 Nux bes ju'z jıl jasag'annan son', ulları Sam, Xam ha'm Yafet tuwıldı.
