3 Patshalar 21 bob

Nabottın' bag'ı(1-29).

¹ Aradan biraz waqıt o'tip, mınaday waqıya ju'z berdi: İzreelde, Samariya patshası Axabtın' sarayının' janında izreelli Nabottın' bir ju'zim bag'ı bar edi.

² Bir ku'ni Axab Nabotqa: – Ju'zim bag'ın'dı mag'an ber. Ol menin' sarayıma jaqın bolg'anı ushın, onın' ornına palız eginlerin o'sireyin. Bag'ın'nın' ornına basqa jaqsıraq bag' beremen. Eger qa'lesen', bag'ın'nın' bahasın gu'mis penen to'leymen, – dedi.

³ Biraq Nabot Axabqa: – Ata-babalarımnan qalg'an miyrastı sizge beriwden meni Jaratqan İyenin' O'zi saqlasın! – dedi.

⁴ zreelli Nabottın': «Ata-babalarımnan qalg'an miyrastı sizge bermeymen», – degen so'zine qattı ashıwlang'an Axab u'yine tunjırayıp keldi. Ol to'segine kirip, ju'zin teris qaratıp jatıp aldı ha'm duz tatpadı.

⁵ Hayalı İzabel onın' janına kelip: – Nege ruwxın'ız tu'sken? Nege awqat jemey atırsız? – dedi.

⁶ Axab hayalına: – Men izreelli Nabotqa: «Ju'zim bag'ın'dı mag'an gu'miske sat, eger qa'lesen', onın' ornına sag'an basqa bir bag' bereyin», – degenimde, ol mag'an: «Ju'zim bag'ımdı sag'an bermeymen», – dep juwap berdi, – dedi.

⁷ Hayalı İzabel Axabqa: – Siz İzraildın' patshasına say is tutıp atırsız ba? Ornın'ızdan turıp, nan jep alın' da, tınıshlanın'. İzreelli Nabottın' bag'ın sizge o'zim alıp beremen, – dedi.

⁸ İzabel Axabtın' atınan xat jazıp, onı Axabtın' mo'ri menen tastıyıqladı. Son' bul xattı Nabot jasaytug'ın qalanın' aqsaqalları menen aqsu'yeklerine jiberdi.

⁹ Xatta bılay dep jazılg'an edi: «Oraza tutıwdı ja'riyalap, Nabottı xalıq arasındag'ı sıylı orıng'a otırg'ızın'lar.

¹⁰ Onın' aldına: „Ha'y Nabot, sen Qudayg'a ha'm patshag'a til tiygizdin'“, – dep gu'walıq beretug'ın eki jalaxor adamdı otırg'ızın'lar. Son'ınan onı sırtqa alıp shıg'ıp, tas boran qılıp o'ltirin'ler».

¹¹ Nabot jasaytug'ın qalanın' aqsaqalları menen aqsu'yekleri İzabeldin' xat arqalı o'zlerine jazg'an buyrıg'ın orınladı.

¹² Olar oraza ja'riya etip, Nabottı xalıq arasındag'ı sıylı orıng'a otırg'ızdı.

¹³ Son'ınan eki jaramas adam kelip, Nabottın' qarsı aldına otırdı ha'm xalıqtın' aldında: «Nabot Qudayg'a ha'm patshag'a til tiygizdi», – dep gu'walıq berdi. Sonda Nabottı qalanın' sırtına alıp shıg'ıp, tas boran qılıp o'ltirdi.

¹⁴ Keyin İzabelge: «Nabot tas boran qılıp o'ltirildi», – dep xabar jiberdi.

¹⁵ 5 İzabel Nabottın' tas boran qılıp o'ltirilgenin esitiwden, da'rriw Axabqa: «Barıp, sizge gu'miske satqısı kelmegen izreelli Nabottın' ju'zim bag'ına iyelik etin'. Sebebi ol endi joq, o'ldi», – dedi.

¹⁶ Axab izreelli Nabottın' o'ltirilgenin esite sala, onın' bag'ın mu'lik etip alıw ushın sol jerge ketti.

¹⁷ Sol waqıtta Jaratqan İyeden tishbeli İliyas payg'ambarg'a mınaday so'z tu'sti:

¹⁸ «Samariyadag'ı İzrail patshası Axabtı ko'riwge bar. Ha'zir ol Nabottın' ju'zim bag'ında, onı iyelep alıw ushın sol jerge keldi.

¹⁹ Og'an mına so'zlerdi jetkiz: Jaratqan İye bılay deydi: „Sen onı o'ltirip, mu'lkin de iyelep aldın' ba?“ Ja'ne bılay dep ayt: Jaratqan İye bılay deydi: „İytler Nabottın' qanın jalag'an jerde, senin' qanın'dı da jalaydı“».

²⁰ Axab İliyasqa: – Ha'y, dushpanım, meni tawıp keldin' be? – dedi. İliyas og'an bılay dedi: – Awa, tawıp keldim. O'ytkeni siz Jaratqan İyenin' na'zerinde jawız bolg'an islerdi islewge berilip ketkensiz.

²¹ Sol sebepli Jaratqan İye bılay deydi: «Seni apatqa ushıratıp, ku'lin'di ko'kke suwıraman. İzrailda Axabtın' na'silinen bolg'an pu'tkil erkek zatın: ol qul bolsa da, azat bolsa da, ha'mmesin qırıp taslayman.

²² İzraildı gu'nag'a baslap, Menin' g'a'zebimdi keltirgenin' ushın, senin' u'y-ishin'di Nabat ulı Yarobam ha'm Axiya ulı Baashanın' u'y-ishi sıyaqlı qılaman».

²³ İzraildı gu'nag'a baslap, Menin' g'a'zebimdi keltirgenin' ushın, senin' u'y-ishin'di Nabat ulı Yarobam ha'm Axiya ulı Baashanın' u'y-ishi sıyaqlı qılaman».

²⁴ Axabtın' na'silinen qalada o'lgenleri iytlerge, dalada o'lgenleri ko'ktegi quslarg'a jem boladı».

²⁵ Axabtay bolıp, Jaratqan İyenin' na'zerinde jawız bolg'an islerdi islewge bunshelli berilgen adam bolmadı. Hayalı İzabel onı iytermelep turatug'ın edi.

²⁶ Axab Jaratqan İye İzrail xalqı aldınan quwıp jibergen amorlarg'a uqsap, butlarg'a tabınıp, ju'da' jerkenishli islerdi isledi.

²⁷ Axab Jaratqan İye İzrail xalqı aldınan quwıp jibergen amorlarg'a uqsap, butlarg'a tabınıp, ju'da' jerkenishli islerdi isledi.

²⁸ Sonda Jaratqan İyeden tishbeli İliyas payg'ambarg'a mınaday so'z tu'sti:

²⁹ Sonda Jaratqan İyeden tishbeli İliyas payg'ambarg'a mınaday so'z tu'sti: