1 Jılnama 2 bob
1 İzraildın' ulları mınalar: Ruben, Shimon, Lebiy, Yahuda, İssaxar, Zebulon,
2 Dan, Yusup, Benyamin, Naftaliy, Gad ha'm Asher.
3 Yahudanın' ulları: Er, Onan ha'm Shela. Yahudag'a bul u'sh uldı kenaanlı Shuanın' qızı tuwıp berdi. Yahudanın' tun'g'ısh ulı Er Jaratqan İyenin' na'zerinde jawız bolg'an isti islegeni ushın, Jaratqan İye onı o'ltirdi.
4 Yahudanın' kelini Tamara da og'an Peres penen Zeraxtı tuwıp berdi. Yahudanın' barlıg'ı bolıp bes ulı boldı.
5 Perestin' ulları: Xesron ha'm Xamul.
6 Zeraxtın' ulları: Zimriy, Etan, Heman, Kalkol ha'm Dara. Olar barlıg'ı bolıp besew edi.
7 Karmiydin' ulı: bag'ıshlang'an na'rselerge qıyanet islep, İzrailg'a apat a'kelgen Axar.
8 Etannın' ulı: Azariya.
9 Xesronnın' ulları: Eraxmeel, Ram ha'm Kelubay.
10 Ramnan Amminadab, Amminadabtan Yahuda urıwının' ko'semi Naxshon tuwıldı.
11 Naxshonnan Salma, Salmadan Boaz,
12 Boazdan Obid, Obidten İshay tuwıldı.
13 İshaydın' jeti ulı boldı: tun'g'ıshı Eliab, ekinshisi Abinadab, u'shinshisi Shimea,
14 to'rtinshisi Netanel, besinshisi Radday,
15 altınshısı Osem, jetinshisi Dawıt.
16 Olardın' Seruya ha'm Abigayıl degen qarındası boldı. Seruyanın' u'sh ulı bar edi: Abishay, İoab ha'm Asahel.
17 İsmayıl urpag'ınan bolg'an Eterge turmısqa shıqqan Abigayıl Amasanı tuwdı.
18 Xesronnın' ulı Kalebtin' Azuba ha'm Eriot degen hayalları boldı. Onın' Azubadan tuwılg'an ulları: Esher, Shobab ha'm Ardon.
19 Azuba o'lgennen keyin, Kaleb Efratag'a u'ylendi. Efrata og'an Xurdı tuwıp berdi.
20 Xurdan Uriy tuwıldı. Uriyden Besalel tuwıldı.
21 Bunnan son', Xesron Giladtın' a'kesi Maxir degen adamnın' qızı menen jattı ha'm alpıs jasında u'ylengen bul hayalı og'an Segubtı tuwıp berdi.
22 Yair Segubtın' ulı edi. Yairdin' Gilad jerinde jigirma u'sh qalası bar edi.
23 Biraq Geshur menen Aram Yairge tiyisli qalalardı, sonday-aq, Kenattı ha'm onın' aylanasındag'ı alpıs qalanı basıp aldı. Bul jerlerde jasap atırg'an barlıq xalıq Giladtın' a'kesi Maxirdin' urpag'ınan edi.
24 Xesron Kaleb-Efratada qaytıs bolg'annan son', hayalı Abiya Ashxurdı tuwdı. Ashxur Teqoanın' a'kesi edi.
25 Xesronnın' tun'g'ısh ulı Eraxmeeldin' ulları: tun'g'ısh ulı Ram, keyin Buna, Oren, Osem ha'm Axiya.
26 Eraxmeeldin' Atara degen basqa bir hayalı bolıp, ol Onamnın' anası edi.
27 Eraxmeeldin' tun'g'ısh ulı Ramnın' ulları: Maas, Yamin ha'm Eker.
28 Onamnın' ulları: Shammay, Yada. Shammaydın' ulları: Nadab, Abishur.
29 Abishurdın' Abihayıl degen hayalı bolıp, usı hayalı og'an Axban menen Molidti tuwıp berdi.
30 Nadabtın' ulları: Seled ha'm Appayım. Seled biyperzent du'nyadan o'tti.
31 Appayımnın' ulı: İshiy. İshiydin' ulı: Sheshan. Sheshannın' ulı: Axlay.
32 Shammaydın' tuwısqanı Yadanın' ulları: Eter ha'm İonatan. Eter biyperzent du'nyadan o'tti.
33 İonatannın' ulları: Pelet ha'm Zaza. Bular Eraxmeeldin' urpaqları edi.
34 Sheshannın' ulı bolmay, tek qızları bar edi. Sheshannın' Yarxa degen mısırlı bir qulı bar edi.
35 Sheshan qızın qulı Yarxag'a hayallıqqa berdi. Hayalı og'an Attaydı tuwıp berdi.
36 Attaydan Natan tuwıldı. Natannan Zabad,
37 Zabadtan Eflal, Eflaldan Obid,
38 Obidten Ehu, Ehudan Azariya,
39 Azariyadan Xeles, Xelesten Elasa,
40 Elasadan Sismay, Sismaydan Shallum,
41 Shallumnan Eqamiya, Eqamiyadan Elishama tuwıldı.
42 Eraxmeeldin' inisi Kalebtin' ulları: tun'g'ısh ulı Ziftin' a'kesi Mesha ha'm ekinshisi Xebronnın' a'kesi Maresha boldı.
43 Xebronnın' ulları: Qorax, Tappuax, Rekem ha'm Shema.
44 Shemadan Raxam, Raxamnan İorqoam tuwıldı. Shemanın' a'jag'ası Rekemnen Shammay tuwıldı.
45 Shammaydan Maon, Maonnan Beyt-Sur tuwıldı.
46 Kalebtin' toqalı Efa og'an Xaran, Mosa ha'm Gazezdi tuwıp berdi. Xarannın' ulının' atı da Gazez edi.
47 Yahadaydın' ulları: Regem, İotam, Geshan, Pelet, Efa ha'm Shaaf.
48 Kalebtin' Maaxa atlı basqa toqalı og'an Sheber menen Tirxananı tuwıp berdi.
49 Maaxa Madmannanın' a'kesi Shaaftı ha'm Maxbena menen Gibanın' a'kesi Shewanı da tuwdı. Kalebtin' Axsa degen bir qızı boldı.
50 Bulardın' ha'mmesi Kalebtin' urpaqları edi. Kalebtin' hayalı Efratadan tuwılg'an tun'g'ısh ulı Xurdın' ulları: KiryatYarimnin' tiykarın salg'an Shobal,
51 Beytlehemnin' tiykarın salg'an Salma, Beyt-Gaderdin' tiykarın salg'an Xaref.
52 Kiryat-Yarimnin' tiykarın salg'an Shobaldan Haroe tiyresi, Menuxotta jasaytug'ın xalıqtın' yarımı ha'm
53 Kiryat-Yarimde ma'kan basqan iter, put, shumat, mishra tiyreleri payda boldı. Bul tiyrelerden Sora menen Eshtaol turg'ınları kelip shıqtı.
54 Salmadan tarag'an urpaqlar: Beytlehem, Netofa, Atrot-Beyt-Yoab, Manaxattın' yarımı ha'm Sora turg'ınları,
55 Yabeste jasaytug'ın xatkerlerdin' tirat, shimeat ha'm suxat tiyreleri. Bular Rexab urpaqlarının' babası Xammattın' na'silinen kelip shıqqan ken xalqı boladı.
