1 Jılnama 24 bob
1 Xaron urpaqları mınaday toparlarg'a bo'lindi. Xaronnın' ulları: Nadab, Abihu, Elazar ha'm İtamar.
2 Biraq Nadab penen Abihu a'kesinen burın, ul ko'rmey o'lip ketkenlikten, tek Elazar menen İtamar ruwxaniy boldı.
3 Dawıt Xaron urpaqların orınlaytug'ın xızmetleri boyınsha toparlarg'a bo'ldi. Bul iste og'an Elazar urpag'ınan Sadoq ha'm İtamar urpag'ınan Aximelex ja'rdem berdi.
4 Elazar urpaqları arasında a'wlad basshıları İtamar urpaqlarına qarag'anda ko'birek bolıp shıqtı. Sonlıqtan Elazar urpaqları on altı toparg'a, İtamar urpaqları segiz toparg'a bo'lindi.
5 Elazar urpaqları arasında da, İtamar urpaqları arasında da Muxaddes orıng'a ha'm Qudaydın' aldındag'ı baslı xızmetlerge juwapker bolg'an basshılar bar edi. Sol sebepli xızmetler hesh kimdi jaqlamastan, shek taslaw jolı menen bo'lip berildi.
6 Lebiyli Netanel ulı xatker Shemaya patshanın' ha'm xalıq basshılarının', ruwxaniy Sadoqtın', Abiyatar ulı Aximelextin', ruwxaniylerdin' ha'm lebiylilerdin' a'wlad basshılarının' ko'z aldında shek taslawdın' juwmag'ın jazıp bardı. Shek boyınsha, Elazar urpaqlarınan bir shan'araqtan, İtamar urpaqlarınan bir shan'araqtan gezekpe-gezek alındı.
7 Birinshi shek Ehoyaribke, Ekinshisi Edayag'a tu'sti.
8 U'shinshi shek Xarimge, To'rtinshisi Seorimge,
9 Besinshisi Malkiyag'a, Altınshısı Miyaminge,
10 Jetinshisi Haqqosqa, Segizinshisi Abiyag'a,
11 Tog'ızınshısı Eshuag'a, Onınshısı Shekaniyag'a,
12 On birinshisi Elyashibke, On ekinshisi Yakimge,
13 On u'shinshisi Xuppag'a, On to'rtinshisi Eshebabqa,
14 On besinshisi Bilgag'a, On altınshısı İmmerge,
15 On jetinshisi Xezirge, On segizinshisi Happisseske,
16 On tog'ızınshısı Petaxiyag'a, Jigirmalanshısı Exezkelge,
17 Jigirma birinshisi Yaxinge, Jigirma ekinshisi Gamulg'a,
18 Jigirma u'shinshisi Delayag'a, Jigirma to'rtinshisi Maaziyag'a tu'sti.
19 İzraildın' Qudayı Jaratqan İyenin' buyrıg'ı boyınsha, babası Xaron olarg'a qag'ıydalar bergen edi. Jaratqan İyenin' U'yine kirgende, olardın' xızmetinin' belgilengen ta'rtibi sog'an tiykarlang'an edi.
20 Lebiylilerdin' basqa urpaqları mınalar: Amramnın' ullarınan Shubael, Shubaeldin' ullarınan Exdeya.
21 Rexabiya ullarınan tun'g'ıshı İshshiya.
22 İshardın' urpaqlarınan Shelomit. Shelomittin' ullarınan Yaxat.
23 Xebronnın' ulları: tun'g'ıshı Eriya, ekinshisi Amariya, u'shinshisi Yaxaziel, to'rtinshisi Eqamam.
24 Uzzieldin' ulı: Mixa. Mixanın' ulı: Shamir.
25 Mixanın' tuwısqanı: İshshiya. İshshiyanın' ulı Zexariya.
26 Merariydin' ulları: Maxliy, Mushiy ha'm Yaziya.
27 Merariydin' urpaqlarınan Yaziyanın' ulları: Shoham, Zakkur ha'm İbri.
28 Maxliyden Elazar tuwıldı. Elazardın' ulı bolmadı.
29 Kishtin' urpag'ınan Eraxmeel.
30 Mushiydin' ulları: Maxliy, Eder ha'm Erimot. Lebiy urıwınan bolg'an a'wladlar usılar edi.
31 Olar da tuwısqanları Xaronnın' urpaqları sıyaqlı, patsha Dawıttın', Sadoqtın', Aximelextin', ruwxaniylerdin' ha'm lebiylilerdin' a'wlad basshılarının' ko'z aldında shek taslap, o'z wazıypaların belgilep aldı. Shek taslag'anda, u'lken uldın' shan'arag'ı menen kishkene uldın' shan'arag'ının' huqıqı ten'dey boldı.
