1 Jılnama 25 bob
1 Dawıt penen orda a'skerbasıları xızmet ushın Asaftın', Hemannın' ha'm Edutunnın' ullarınan ayırımların lira ha'm arfa shertiw ha'm kimbaldı dan'g'ırlatıp, ruwxlanıp qosıq aytıw ushın ayırıp qoydı. Bul xızmet ushın tayınlang'anlardın' dizimi mınaw:
2 Asaftın' ullarınan: Zakkur, Yusup, Netaniya ha'm Asarela. Bular Asaftın' basshılıg'ı astında bolıp, patshanın' buyrıg'ı boyınsha, ruwxlanıp qosıq aytatug'ın edi.
3 Edutunnın' ullarınan: Gedaliya, Seriy, İyshaya, Shimey, Xashabiya ha'm Mattitiya – ja'mi altı adam. Olar lira naması astında Jaratqan İyeni ta'riyipleytug'ın ha'm ruwxlanıp, alg'ıs-maqtawlar menen qosıq aytatug'ın a'kesi Edutunnın' basshılıg'ı astında edi.
4 Hemannın' ullarınan: Bukkiya, Mattaniya, Uzziel, Shebuel, Erimot, sonday-aq Xananiya, Xananiy, Eliata, Giddaltiy, Romamtiy-Ezer, ja'ne de İoshbeqasha, Mallotiy, Hotir ha'm Maxaziot.
5 Bulardın' ha'mmesi patshanın' wa'liyi Hemannın' ulları edi. Sebebi Quday O'zinin' Hemandı abıraylı qılaman degen wa'desi boyınsha, Hemang'a on to'rt ul ha'm u'sh qız sıylag'an edi.
6 Olardın' barlıg'ı o'z a'kesinin' basshılıg'ı astında Qudaydın' U'yindegi xızmet waqtında kimbaldı dan'g'ırlatıp, arfa ha'm lira shertip, Jaratqan İyenin' U'yinde sazendelik qılatug'ın edi. Asaf, Edutun ha'm Heman patshanın' basshılıg'ı astında boldı.
7 Jaratqan İyege alg'ısmaqtaw aytıw ushın u'yretilgen sheber sazendeler ag'ayinleri menen birge eki ju'z seksen segiz adam edi.
8 Olar u'lken-kishi, ustaz-sha'kirt dep ayırıp otırmastan, ha'r biri o'z xızmet wazıypasın bilip alıw ushın shek tasladı.
9 Birinshi shek Asaf urıwınan Yusupke, onın' ullarına ha'm ag'ayinlerine tu'sti. Olar on eki adam edi. Ekinshi shek Gedaliyag'a, onın' o'zine, ullarına ha'm ag'ayinlerine tu'sti. Olar on eki adam edi.
10 U'shinshi shek Zakkurg'a, onın' ullarına ha'm ag'ayinlerine tu'sti. Olar on eki adam edi.
11 To'rtinshi shek İsriyge, onın' ullarına ha'm ag'ayinlerine tu'sti. Olar on eki adam edi.
12 Besinshi shek Netaniyag'a, onın' ullarına ha'm ag'ayinlerine tu'sti. Olar on eki adam edi.
13 Altınshı shek Bukkiyag'a, onın' ullarına ha'm ag'ayinlerine tu'sti. Olar on eki adam edi.
14 Jetinshi shek Esarelag'a, onın' ullarına ha'm ag'ayinlerine tu'sti. Olar on eki adam edi.
15 Segizinshi shek İyshayag'a, onın' ullarına ha'm ag'ayinlerine tu'sti. Olar on eki adam edi.
16 Tog'ızınshı shek Mattaniyag'a, onın' ullarına ha'm ag'ayinlerine tu'sti. Olar on eki adam edi.
17 Onınshı shek Shimeyge, onın' ullarına ha'm ag'ayinlerine tu'sti. Olar on eki adam edi.
18 On birinshi shek Azarelge, onın' ullarına ha'm ag'ayinlerine tu'sti. Olar on eki adam edi.
19 On ekinshi shek Xashabiyag'a, onın' ullarına ha'm ag'ayinlerine tu'sti. Olar on eki adam edi.
20 On u'shinshi shek Shubaelge, onın' ullarına ha'm ag'ayinlerine tu'sti. Olar on eki adam edi.
21 On to'rtinshi shek Mattitiyag'a, onın' ullarına ha'm ag'ayinlerine tu'sti. Olar on eki adam edi.
22 On besinshi shek Eremotqa, onın' ullarına ha'm ag'ayinlerine tu'sti. Olar on eki adam edi.
23 On altınshı shek Xananiyag'a, onın' ullarına ha'm ag'ayinlerine tu'sti. Olar on eki adam edi.
24 On jetinshi shek İoshbeqashag'a, onın' ullarına ha'm ag'ayinlerine tu'sti. Olar on eki adam edi.
25 On segizinshi shek Xananiyge, onın' ullarına ha'm ag'ayinlerine tu'sti. Olar on eki adam edi.
26 On tog'ızınshı shek Mallotiyge, onın' ullarına ha'm ag'ayinlerine tu'sti. Olar on eki adam edi.
27 Jigirmalanshı shek Eliatag'a, onın' ullarına ha'm ag'ayinlerine tu'sti. Olar on eki adam edi.
28 Jigirma birinshi shek Hotirge, onın' ullarına ha'm ag'ayinlerine tu'sti. Olar on eki adam edi.
29 Jigirma ekinshi shek Giddaltiyge, onın' ullarına ha'm ag'ayinlerine tu'sti. Olar on eki adam edi.
30 Jigirma u'shinshi shek Maxaziotqa, onın' ullarına ha'm ag'ayinlerine tu'sti. Olar on eki adam edi.
31 Jigirma to'rtinshi shek Romamtiy-Ezerge, onın' ullarına ha'm ag'ayinlerine tu'sti. Olar on eki adam edi.
