1 Jılnama 4 bob

Yahudanın' urpag'ı(1-23),Shimonnın' urpag'ı(24-43).

¹ Yahudanın' urpaqları: Peres, Xesron, Karmiy, Xur ha'm Shobal.

² Shobaldın' ulı Reaya Yaxattın' a'kesi edi. Yaxat Axumay menen Lahadtın' a'kesi edi. Bular Sora turg'ınlarının' tiyreleri edi.

³ İzreel, İshma, İdbash ha'm olardın' qarındası Haselelponiydin' a'kesi Etamnın' tiykarın salg'an edi.

⁴ Penuel Gedordın' ha'm Ezer Xushanın' tiykarın salg'an edi. Bular Beytlehemnin' tiykarın salıwshılar ha'm Efratanın' tun'g'ısh ulı Xurdın' urpaqları edi.

⁵ Teqoa qalasının' tiykarın salg'an Ashxurdın' Xela ha'm Naara degen eki hayalı bar edi.

⁶ Naara Ashxurg'a Axuzzam, Xefer, Temeni ha'm Axashtariydi tuwıp berdi. Bular Naaranın' ulları edi.

⁷ Ashxurdın' Xeladan tuwılg'an ulları: Seret, Soxar, Etnan

⁸ ha'm Qos. Qos Anub penen Hassobebanın' a'kesi ha'm Harum ulı Axarxel tiyrelerinin' tu'p babası edi.

⁹ Yabes degen bir adam tuwısqanlarına qarag'anda abıraylıraq edi. Anası: «Onı azap shegip tuwdım», – dep, atın Yabes qoyg'an edi.

¹⁰ Yabes İzraildın' Qudayına: «Qa'nekey, Sen meni jarılqap, jerlerimdi ken'eytkenin'de edi! Qolın' menin' u'stimde bolıp, azap shekpewim ushın, meni jamanlıqtan saqlasan' edi!» – dep jalbarındı. Quday onın' tilegin orınladı.

¹¹ Shuxanın' tuwısqanı Kelub Mexirdin' a'kesi, Mexir Eshtonnın' a'kesi edi.

¹² Eshtonnan Beyt-Rafa, Paseax ha'm Texinna tuwıldı. Texinna İrNaxashtın' tiykarın saldı. Bular burın Rexada jasaytug'ın edi.

¹³ Kenazdın' ulları: Otniel ha'm Seraya. Otnieldin' ulları: Xatat ha'm Meonotay.

¹⁴ Meonotay Ofranın' a'kesi edi. Seraya Ge-Xarashimnın' tiykarın salg'an İoabtın' a'kesi edi. Bulay atalıwının' sebebi, sol jerdin' turg'ınları o'nermentshilik penen shug'ıllanatug'ın edi.

¹⁵ Efunne ulı Kalebtin' ulları: İru, Ela ha'm Naam. Elanın' ulı: Kenaz.

¹⁶ 6Ehalleleldin' ulları: Zif, Zifa, Tiriya ha'm Asarel.

¹⁷ Ezranın' ulları: Eter, Mered, Efer, Yalon. Mered faraonnın' qızı Biteag'a u'ylenip, ol Meredke Ma'riyamdı, Shammaydı ha'm Eshtemoanın' tiykarın salg'an İshbaxtı tuwıp berdi.

¹⁸ Mered ja'ne yahudalı qızg'a u'ylendi. Bul hayalı og'an Gedordın' tiykarın salg'an Eredti, Soxonın' tiykarın salg'an Xeberdi ha'm Zanoaxtın' tiykarın salg'an Equtieldi tuwıp berdi.

¹⁹ Hodiya Naxamnın' qarındasına u'ylendi. Onnan tuwılg'an ullar Keilada jasaytug'ın Garm tiyresinin' ha'm Eshtemoada jasaytug'ın Maaxa tiyresinin' tu'p babası edi.

²⁰ Shimonnın' ulları: Amnon, Rinna, Ben-Xanan ha'm Tilon. İshiydin' urpaqları: Zoxet ha'm Ben-Zoxet.

²¹ Yahudanın' ulı Shelanın' ulları: Lexanın' tiykarın salg'an Er, Mareshanın' tiykarın salg'an Laada, Beyt-Ashbeadag'ı hasıl zıg'ır toqıwshılardın' a'wladları,

²² İokim, Kozeba turg'ınları, Moab penen Yashubiy-Lexemdi basqarg'an İoash penen Saraf. Bul mag'lıwmatlar a'yyemgi jazbalardan alıng'an.

²³ Olar Netaim ha'm Gederada jasaytug'ın ha'm gu'lalshılıq etip, patsha ushın xızmet etetug'ın edi.

²⁴ Shimonnın' urpaqları: Nemuel, Yamin, Yarib, Zerax ha'm Shaul.

²⁵ Shauldan Shallum, Shallumnan Mibsam, Mibsamnan Mishma tuwıldı.

²⁶ Mishmanın' urpaqları: Mishmadan Xammuel, Xammuelden Zakkur, Zakkurdan Shimey tuwıldı.

²⁷ Shimeydin' on altı ulı, altı qızı bar edi. Biraq onın' tuwısqanlarının' perzentleri az bolg'anlıqtan, olardın' urıwı Yahuda urıwınday u'lken bolmadı.

²⁸ Shimonnın' urpaqları Beer-Sheba, Molada, Xasar-Shual,

²⁹ Bilha, Esem, Tolad,

³⁰ Betuel, Xorma, Siklag,

³¹ Beyt-Markabot, Xasar-Susim, Beyt-Biriy ha'm Shaarayım qalalarında jasadı. Dawıttın' patshalıg'ına deyin usı qalalar Shimonnın' urpaqlarına tiyisli boldı.

³² Olardın' a'wladları Etam, Ayın, Rimmon, Toxen ha'm Ashan atlı bes qalada da jasadı.

³³ Baalg'a deyin sozılg'an bul qalalardın' do'geregindegi barlıq awıllar da olarg'a tiyisli boldı. Olar sol jerlerde jasap, o'zlerinin' shejiresin jazıp bardı.

³⁴ Shimonnın' basqa urpaqları: Meshobab, Yamlex, Amasiya ulı İosha,

³⁵ İoel, Asieldin' shawlıg'ı Serayanın' aqlıg'ı İoshibiyanın' ulı Ehu,

³⁶ Elyoenay, Yaaqoba, Eshoxaya, Asaya, Adiel, Esimiel, Benaya

³⁷ ha'm Shemayanın' jawlıg'ı Shimriydin' quwlıg'ı Edayanın' shawlıg'ı Allonnın' aqlıg'ı Shifiy ulı Ziza.

³⁸ Joqarıda atı atalg'anlardın' ha'r biri tiyre basshıları edi. Olardın' na'silleri ko'beyip, ken'nen taradı.

³⁹ Olar mallarına jaylaw izlep, Gedordın' janına, oypatlıqtın' shıg'ısına deyin bardı.

⁴⁰ Ol jerde mol ha'm jaqsı jaylawlar bolıp, u'lke ken', tınısh ha'm qa'wipsiz edi. Burın ol jerde Xamnın' urpaqlarının' ayırımları jasag'an edi.

⁴¹ Yahuda patshası Xizkiyanın' da'wirinde, joqarıda atı atalg'an Shimon urpaqları Xam urpaqlarına ha'm sol jerde jasap atırg'an Meunim urpaqlarına hu'jim jasap, olardı tolıq qırıp tasladı. Son'ınan o'zleri sol jerge jaylasıp aldı, olar bu'gin de sol jerde jasaydı. Sebebi ol jerde su'riwleri ushın jaylaw bar edi.

⁴² Keyin İshiydin' ulları Pelatiya, Neariya, Refaya ha'm Uzziel basshılıg'ında Shimonnın' urpag'ınan bes ju'z adam tawlı Seir u'lkesine barıp,

⁴³ Amalek na'silinen aman qalg'anlardı qırıp tasladı. Shimon urpaqları bu'gin de sol jerlerde jasap kelmekte.