1 Jılnama 7 bob
1 İssaxardın' Tola, Pua, Yashub ha'm Shimron degen to'rt ulı bar edi.
2 Tolanın' ulları: Uzziy, Refaya, Eriel, Yaxmay, İbsam ha'm Samuel. Olar o'z a'wladlarının' basshıları edi. Dawıt patshalıq etken da'wirde, Tola urpaqlarının' shejiresinde olardan jigirma eki mın' altı ju'z ma'rt jawınger esapqa alıng'an.
3 Uzziydin' ulı İzraxiya. İzraxiyanın' ulları: Mixail, Obadiya, İoel ha'm İshshiya. Olardın' besewi de a'wlad basshıları edi.
4 Olardın' hayalları da, balaları da ko'p bolg'anlıqtan, a'wladının' shejiresi boyınsha olarda urısqa jaramlı otız altı mın' adam bar edi.
5 Urıw shejiresi boyınsha, İssaxar urıwının' tiyrelerinen seksen jeti mın' ma'rt jawınger esapqa alıng'an.
6 Benyaminnin' u'sh ulı bar edi: Bela, Bexer ha'm Ediael.
7 Belanın' bes ulı bar edi: Esbon, Uzziy, Uzziel, Erimot ha'm İriy. Olardın' besewi de a'wlad basshıları edi. Olardın' shejiresinde jigirma eki mın' otız to'rt ma'rt jawınger dizimge alıng'an edi.
8 Bexerdin' ulları: Zemira, İoash, Eliezer, Elyoenay, Omriy, Eremot, Abiya, Anatot ha'm Alemet. Bulardın' ha'mmesi Bexerdin' ulları edi.
9 Olardın' shejiresinde a'wlad basshıları ha'm jigirma mın' eki ju'z ma'rt jawınger dizimge alıng'an.
10 Ediaeldin' ulı: Bilhan. Bilhannın' ulları: Eush, Benyamin, Ehud, Kenaana, Zetan, Tarshish ha'm Axishaxar.
11 Ediaeldin' barlıq ulları a'wlad basshıları edi. Olarda urısqa jaramlı on jeti mın' eki ju'z ma'rt jawınger bar edi.
12 Shuppim ha'm Xuppim İrdin', Xushim bolsa, Axerdin' urpaqları edi.
13 Naftaliydin' ulları: Yaxsiel, Guniy, Eser ha'm Shallum. Olar Yaqıptın' hayalı Bilhadan tarag'an urpaqlar edi.
14 Menashshenin' ulları: aramlı toqalınan tuwılg'an ulları Asriel ha'm Maxir. Maxir Giladtın' a'kesi edi.
15 Maxir Xuppim menen Shuppimnin' qarındası Maaxanı hayallıqqa aldı. Menashshenin' basqa urpag'ının' atı Selofexad bolıp, onın' tek g'ana qızları boldı.
16 Maxirdin' hayalı Maaxa ul tuwıp, atın Peresh dep qoydı. Onın' inisinin' atı Sheresh edi. Shereshtin' Ulam ha'm Rekem atlı eki ulı boldı.
17 Ulamnın' ulı Bedan. Menashshenin' aqlıg'ı Maxirdin' ulı Giladtın' a'wladı usılardan ibarat edi.
18 Maxirdin' qarındası Hammolexet İshhodtı, Abiezerdi ha'm Maxlanı tuwdı.
19 Shemidanın' ulları: Axiyan, Shexem, Likxiy ha'm Aniam.
20 Efrayımnın' Shutelax degen ulı bar edi. Shutelaxtan Bered, Beredten Taxat, Taxattan Elada, Eladadan Taxat,
21 Taxattan Zabad, Zabadtan Shutelax tuwıldı. Efrayımnın' Shutelaxtan basqa Ezer ha'm Elad degen ulları da boldı. Ezer menen Elad Gat qalasının' tiykarg'ı turg'ınlarına qaraslı mallardı urlap alıp ketpekshi bolg'anda, gatlılar olardı o'ltirdi.
22 Olardın' a'kesi Efrayım uzaq waqıt aza tuttı. Sonda tuwısqanları onı jubatıwg'a keldi.
23 Efrayım ja'ne hayalı menen jattı ha'm hayalı ju'kli bolıp, bir ul tuwdı. U'yinde baxıtsızlıq ju'z bergeni ushın, a'kesi balanın' atın Beria dep qoydı.
24 Onın' Sheera degen qızı da bar edi. Sheera to'mengi ha'm joqarg'ı BeytXoron ha'm Uzzen-Sheera qalalarının' tiykarın saldı.
25 Efrayımnın' Refax atlı basqa bir ulı da bar edi. Refaxtan Reshef, Resheften Telax, Telaxtan Taxan,
26 Taxannan Laadan, Laadannan Ammihud, Ammihudtan Elishama,
27 Elishamadan Nun, Nunnan Eshua tuwıldı.
28 Efrayımlılardın' jaylasqan jerleri Beyt-Eldi ha'm onın' do'geregindegi awıllardı, shıg'ıstag'ı Naarandı, batıstag'ı Gezerdi ha'm onın' do'geregindegi awıllardı, Shexemdi, Ayyanı ha'm olardın' do'geregindegi awıllardı o'z ishine aldı.
29 Menashshe urıwının' jerlerine shegaralas Beyt-Shean, Taanax, Megiddo ha'm Dor qalaları, ja'ne olarg'a tiyisli awıllar bar edi. İzrail ulı Yusuptin' urpag'ı usı jerlerde jasadı.
30 Asherdin' ulları: İmna, İshwa, İshwiy, Beria ha'm olardın' qız tuwısqanı Serax.
31 Berianın' ulları: Xeber ha'm Birzaittın' tiykarın salg'an Malkiel.
32 Xeberdin' Yaflet, Shomer, Xotam atlı ulları ha'm Shuwa atlı bir qızı bar edi.
33 Yaflettin' ulları: Pasax, Bimhal ha'm Ashwat. Yaflettin' ulları usılar edi.
34 Shemerdin' ulları: Axiy, Rohaga, Xubba ha'm Aram.
35 Onın' tuwısqanı Helemnin' ulları: Sofax, İmna, Shelesh ha'm Amal.
36 Sofaxtın' ulları: Suax, Xarnefer, Shuwal, Beriy, İmra,
37 Beser, Hod, Shamma, Shilsha, İtran ha'm Beera.
38 Eterdin' ulları: Efunne, Pispa ha'm Ara.
39 Ullanın' ulları: Arax, Xanniel ha'm Risiya.
40 ulardın' ha'mmesi Asherden tarag'an urpaqlar bolıp, olar a'wlad basshıları, tan'lang'an ma'rt jawıngerler, abıraylı basshılar edi. Asher urıwının' shejiresi boyınsha, urısqa jaramlı jigirma altı mın' adam esapqa alıng'an edi.
