1 Jılnama 9 bob
1 Solay etip, pu'tkil İzrail xalqı İzrail patshalarının' jılnama kitabında jazılg'an shejirege kirgizilgen edi.Yahuda xalqı Jaratqan İyege qıyanet islegeni ushın, Babilong'a su'rgin etilgen edi.
2 O'z qalalarındag'ı o'z iyeliklerine izraillılar ruwxaniyler, lebiyliler ha'm İbadatxana xızmetshileri menen birge birinshi bolıp qaytıp kelip, qonıs bastı.
3 Yahuda, Benyamin, Efrayım ha'm Menashshe urıwınan bolg'an mına adamlar Erusalimde jasadı:
4 Yahudanın' ulı Perestin' urpag'ınan: Baniydin' quwlıg'ı İmriydin' shawlıg'ı Omriydin' aqlıg'ı Ammihudtın' ulı Utay.
5 Shelanın' urpag'ınan: tun'g'ısh ulı Asaya ha'm onın' ulları.
6 Zeraxtın' urpag'ınan: Euel ha'm onın' tuwısqanları. Yahuda urıwınan ha'mmesi bolıp altı ju'z toqsan adam edi.
7 Benyamin urıwınan: Hassenuanın' shawlıg'ı Hodawiyanın' aqlıg'ı Meshullamnın' ulı Sallu,
8 Eroxamnın' ulı İbneya, Mixriydin' aqlıg'ı Uzziydin' ulı Ela ha'm İbniyanın' shawlıg'ı Reueldin' aqlıg'ı Shefatiyanın' ulı Meshullam.
9 Shejiresinde jazılg'anı boyınsha Benyamin urıwınan tog'ız ju'z eliw altı adam edi. Bulardın' ha'mmesi a'wlad basshıları edi.
10 Ruwxaniyler: Edaya, Ehoyarib, Yaxin
11 ha'm Azariya. Azariya Xilkiyanın' ulı Meshullamnın' aqlıg'ı Sadoqtın' shawlıg'ı Merayottın' quwlıg'ı Axitubtın' jawlıg'ı edi. Axitub Qudaydın' U'yinin' bas xızmetkeri edi.
12 Malkiyanın' shawlıg'ı Pashxurdın' aqlıg'ı Eroxamnın' ulı Adaya ha'm İmmerdin' jawlıg'ı Meshillemittin' quwlıg'ı Meshullamnın' shawlıg'ı Yaxzeranın' aqlıg'ı Adieldin' ulı Maasay.
13 A'wlad basshıları bolg'an İbadatxana xızmetshileri barlıg'ı bir mın' jeti ju'z alpıs adam edi. Olar Qudaydın' U'yindegi islerdi sheberlik penen atqaratug'ın edi.
14 Lebiyliler: Merariy urpag'ınan: Xashabiyanın' shawlıg'ı Azriqamnın' aqlıg'ı Xashshubtın' ulı Shemaya,
15 Baqbaqqar, Xeresh, Galal ha'm Mattaniya. Mattaniya Asaftın' shawlıg'ı Zixriydin' aqlıg'ı Mixanın' ulı edi.
16 Edutunnın' shawlıg'ı Galaldın' aqlıg'ı Shemayanın' ulı Obadiya ha'm netofalılardın' awıllarında jasap atırg'an Elqananın' aqlıg'ı Asanın' ulı Berexiya.
17 İbadatxanadag'ı da'rwaza qarawılları: Shallum, Aqqub, Talmon, Aximan. Olardın' tuwısqanı Shallum olardın' basshısı edi.
18 Olar bu'ginge deyin, shıg'ıs ta'reptegi Patsha da'rwazasında xızmet etip keledi. Lebiylilerdin' ordasınan bolg'an da'rwaza qarawılları da usılar edi.
19 Qoraxtın' shawlıg'ı Ebyasaftın' aqlıg'ı Qorenin' ulı Shallum ha'm onın' Qorax a'wladınan bolg'an tuwısqanları İbadatxananın' kirer awzın qarawılladı. Olardın' ata-babaları da Jaratqan İyenin' Muxaddes shatırının' kirer awzın qarawıllag'an edi.
20 Aldıng'ı waqıtları Elazar ulı Pinexas da'rwaza qarawılların basqarg'an edi ha'm Jaratqan İye onın' menen birge edi.
21 Meshelemiya ulı Zexariya Ushırasıw shatırının' da'rwazasının' qarawılı edi.
22 Tan'lap alıng'an da'rwaza qarawılları barlıg'ı bolıp eki ju'z on eki adam edi. Olar awılları boyınsha shejirege kirgizildi. Olardı bul juwapkershilikli wazıypag'a Dawıt ha'm ko'zi ashıq Samuel tayınlag'an edi.
23 Olar ha'm olardın' urpaqları Jaratqan İyenin' İbadatxanasının', yag'nıy Shatırının' da'rwazasında saqshılıq qılatug'ın edi.
24 Olar to'rt ta'reptegi: shıg'ıs, batıs, arqa ha'm qubladag'ı da'rwazalardı qarawılladı.
25 Olardın' awıllarda jasaytug'ın tuwısqanları waqtı-waqtı kelip, jeti ku'nlik xızmetti olar menen bo'lisip islewge minnetli boldı.
26 Bas da'rwaza qarawıllarının' to'rtewi de lebiyli bolıp, olarg'a Qudaydın' İbadatxanasındag'ı bo'lmeler ha'm g'a'ziynexanalar isenip tapsırılg'an edi.
27 Olarg'a Qudaydın' İbadatxanasın qarawıllaw ha'm ha'r tan'da qapılardı ashıw wazıypası ju'klengenlikten, olar tu'ndi Qudaydın' U'yi a'tirapında o'tkeretug'ın edi.
28 Lebiylilerdin' bazıları İbadatxana xızmetinde qollanılatug'ın zatlarg'a juwapker boldı. Olar zatlardı xızmet ushın bergende de, qaytarıp alg'anda da sanaytug'ın edi.
29 Olardın' basqaları İbadatxanadag'ı buyımlarg'a ha'm basqa barlıq zatlarg'a, sonday-aq sapalı ung'a, sharapqa, za'ytu'n mayına, livan shayırına ha'm xosh iyisli zatlarg'a juwapker edi.
30 Al ruwxaniylerdin' bazıları xosh iyisli zatlardı aralastırıp tayarlaw xızmetin atqardı.
31 Qoraxtın' urpag'ınan Shallumnın' tun'g'ısh ulı, lebiyli Mattitiya sadaqa etip usınılatug'ın nanlardı tayarlaw xızmetine qoyılg'an edi.
32 Onın' Qohat urpag'ınan bolg'an bazı tuwısqanlarına bolsa, ha'r Shabbat ku'ni usınılatug'ın nanlardı tayarlap, olardı usınıw xızmeti ju'klendi.
33 Lebiylilerdin' a'wlad basshıları bolg'an sazende ha'm qosıqshılar İbadatxana bo'lmelerinde jasadı. Olar ku'ni-tu'ni xızmette bolg'anlıqtan, xızmettin' basqa tu'rlerinen azat boldı.
34 Bulardın' ha'mmesi urpaq shejiresi boyınsha lebiylilerdin' a'wlad basshıları edi ha'm olar Erusalimde jasaytug'ın edi.
35 Gibonnın' tiykarın salg'an Eiel Gibonda jasadı. Onın' hayalının' atı Maaxa edi.
36 Eieldin' tun'g'ısh ulı Abdon bolıp, basqa ulları mınalar edi: Sur, Kish, Baal, Ner, Nadab,
37 Gedor, Axyo, Zexariya ha'm Miklot.
38 Miklot Shimeamnın' a'kesi edi. Bular Erusalimde, ag'ayinlerinin' janında jasadı.
39 Ner Kishtin', Kish Shauldın' a'kesi edi. Shaul İonatan, Malkiy-Shua, Abinadab ha'm Eshbaaldın' a'kesi edi.
40 İonatan Merib-Baaldın', MeribBaal Mixanın' a'kesi edi.
41 Mixanın' ulları: Piton, Melex, Taxrea.
42 Axaz Yaranın', Yara Alemet, Azmawet ha'm Zimriydin' a'kesi edi. Zimriy Mosanın',
43 Mosa Bineanın', Binea Refayanın', Refaya Elasanın', Elasa Aseldin' a'kesi edi.
44 Aseldin' altı ulı bar edi. Olardın' atları mınaday: Azriqam, Boxeru, İsmayıl, Sheariya, Obadiya ha'm Xanan. Bulardın' barlıg'ı Aseldin' ulları edi.
