Nexemiya 11 bob
1 Xalıq basshıları muxaddes qala Erusalimde qalıp, sol jerge ornalastı. Xalıqtın' onnan birinin' muxaddes qalag'a, Erusalimge kelip jasawı ushın shek taslandı. Al qalg'an tog'ız bo'legi o'z qalalarında qaldı.
2 Ja'ne Erusalimde jasap qalıwdı qa'legenlerdin' ha'mmesine xalıq pa'tiya berdi.
3 Degen menen, bazı izraillılar, ruwxaniyler, lebiyliler, İbadatxana xızmetshileri, Sulaymannın' xızmetshilerinin' urpag'ınan bolg'anlar o'z iyeliklerinde, Yahuda qalalarında jasadı. Erusalimde jasaytug'ın wa'layat basshıları mınalar edi:
4 Yahuda ha'm Benyamin urpaqlarınan bazıları Erusalimge ornalastı. Yahuda urpaqlarınan: Peres na'silinen Ataya. Ataya Uzziya ulı, Uzziya Zexariya ulı, Zexariya Amariya ulı, Amariya Shefatiya ulı, Shefatiya Mahalalel ulı edi.
5 Shela na'silinen Maaseya. Maaseya Barux ulı, Barux Kol-Xoze ulı, Kol-Xoze Xazaya ulı, Xazaya Adaya ulı, Adaya İoyarib ulı, İoyarib Zexariya ulı edi.
6 Peres urpaqlarınan 468 adam Erusalimge ornalastı. Olar batır jawıngerler edi.
7 Benyamin urpag'ınan: Meshullam ulı Sallu. Meshullam İoed ulı, İoed Pedaya ulı, Pedaya Qolaya ulı, Qolaya Maaseya ulı, Maaseya İtiel ulı, İtiel Eshaya ulı edi.
8 Sallug'a Gabbay ha'm Sallay qosılıp, ha'mmesi bolıp 928 adam boldı.
9 Zixriy ulı İoel olarg'a basshılıq etti, al Hassenua ulı Yahuda qalada İoelden keyingi ekinshi basshı edi.
10 Ruwxaniylerden: İoyarib ulı Edaya, Yaxin,
11 Qudaydın' İbadatxanasının' bas xızmetshisi Seraya. Seraya Xilkiya ulı, Xilkiya Meshullam ulı, Meshullam Sadoq ulı, Sadoq Merayot ulı, Merayot Axitub ulı edi.
12 Olardın' Qudaydın' İbadatxanasında xızmet etetug'ın tuwısqanlarının' sanı 822 adam; Eroxam ulı Adaya. Eroxam Pelaliya ulı, Pelaliya Amsiy ulı, Amsiy Zexariya ulı, Zexariya Pashxur ulı, Pashxur Malkiya ulı edi.
13 Adayanın' a'wlad basshıları bolg'an tuwısqanları barlıg'ı bolıp 242 adam; Azarel ulı Amashsay. Azarel Axzay ulı, Axzay Meshillemot ulı, Meshillemot İmmer ulı edi.
14 Amashsaydın' batır jawınger bolg'an tuwısqanları 128 adam. Olardın' basshısı Haggedolim ulı Zabdiel edi.
15 Lebiylilerden: Xashshub ulı Shemaya. Xashshub Azriqam ulı, Azriqam Xashabiya ulı, Xashabiya Bunniy ulı edi.
16 Lebiylilerdin' basshılarınan Shabbetay ha'm İozabad. Olar Qudaydın' İbadatxanasının' sırtqı isleri menen shug'ıllanatug'ın edi.
17 Mixa ulı Mattaniya ta'riyiplew duwasın alıp barıwshı bas jetekshi edi. Mixa Zabdiy ulı, Zabdiy Asaf ulı edi. Mattaniyanın' tuwısqanlarınan biri Baqbuqıya onnan keyingi ekinshi da'rejeli xızmetshi edi. Ja'ne de, Shammua ulı Abda da bar edi. Shammua Galal ulı, Galal Edutun ulı edi.
18 Muxaddes qalada jasaytug'ın lebiyliler barlıg'ı bolıp 284 adam edi.
19 Da'rwaza qarawılları: Da'rwazalarda Aqqub, Talmon ha'm olardın' tuwısqanları na'wbetshilik etetug'ın edi. Olar ha'mmesi bolıp 172 adam edi.
20 İzraillılardın', ruwxaniylerdin' ha'm lebiylilerdin' qalg'anları Yahudanın' barlıq qalaları boylap, o'z u'lesine tiygen jerde jasadı.
21 İbadatxana xızmetshileri Ofel to'beshiginde jasadı. Olardı Sixa menen Gishpa basqardı.
22 Lebiylilerdin' Erusalimdegi basshısı Baniy ulı Uzziy bolıp, Baniy Xashabiya ulı, Xashabiya Mattaniya ulı, Mattaniya Mixa ulı edi. Uzziy Qudaydın' İbadatxanasında qosıq aytıw xızmetin atqarıp kelgen Asaftın' urpaqlarınan edi.
23 Patshanın' qosıqshılarg'a bergen ayrıqsha pa'rmanı bar edi. Qosıqshılarg'a ha'r ku'n ushın belgilengen mug'darda qarjı ajıratılg'an edi.
24 Yahuda ulı Zerax urpaqlarınan Meshezabel ulı Petaxiya İzrail xalqına baylanıslı barlıq islerde Persiya patshasının' ken'esshisi boldı.
25 Yahuda urıwının' ayırım adamları o'z atızlarına jaqın jerdegi qalalarda jasap qaldı. Olar: Kiryat-Arbada ha'm og'an tiyisli awıllarda, Dibonda ha'm og'an tiyisli awıllarda, Eqabseelde ha'm og'an tiyisli awıllarda,
26 Eshuada, Moladada, Beyt-Pelette,
27 Xasar-Shualda, BeerShebada ha'm og'an tiyisli awıllarda,
28 Siklagta, Mexonada ha'm og'an tiyisli awıllarda,
29 En-Rimmonda, Sorada, Yarmutta,
30 Zanoaxda, Adullamda ha'm og'an tiyisli awıllarda, Laxishte ha'm og'an tiyisli atızlarda, Azeqada ha'm og'an tiyisli awıllarda jasap qaldı. Olar BeerShebadan Hinnom oypatlıg'ına shekemgi jerlerge ornalastı.
31 Benyamin urpaqları Geba, Mixmas, Ayya, Beyt-El ha'm onın' a'tirapındag'ı awıllarda,
32 Anatot, Nob, Ananiya,
33 Xasor, Rama, Gittayım,
34 Xadid, Seboim, Neballat,
35 Lod, Ono ha'm O'nermentshiler oypatlıg'ında jasadı.
36 Yahuda jerinen kelgen lebiylilerdin' ayırım toparları benyaminliler arasına ornalastı.
