Nexemiya 3 bob

Diywaldın' tikleniwi(1-32).

¹ Sonnan son', bas ruwxaniy Elyashib ha'm onın' ruwxaniy tuwısqanları iske kirisip, Qoy da'rwazasın qayta qurdı. Olar da'rwazanı bag'ıshlaw ra'siminen o'tkerip, qapıların ornına qurdı. Ju'zlik minarasına deyingi diywallardı tiklep, onı bag'ıshlaw ra'siminen o'tkerdi. Ja'ne de, olar Xananel minarasına shekemgi diywallardı da tikledi.

² Erixolılar onnan keyingi bo'legin, al onnan keyingi bo'lekti İmriy ulı Zakkur qurdı.

³ Balıq da'rwazasın Hassenanın' ulları qurdı. Olar da'rwazanın' bo'renelerin qoyıp, qapıların qurdı, qulıp ha'm ta'mbilerin ornattı.

⁴ Onnan keyingi bo'lekte Haqqostın' aqlıg'ı Uriyanın' ulı Meremot du'zetiw islerin alıp bardı. Onnan keyingi bo'lekti Meshezabeldin' aqlıg'ı Berexiyanın' ulı Meshullam, al onnan keyingi bo'lekti Baana ulı Sadoq du'zetti.

⁵ Olardan keyingi bo'lekti teqoalılar du'zetti. Biraq olardın' aqsu'yekleri o'z qadag'alawshılarının' buyrıg'ın orınlaw ushın qa'ddin bu'kpedi.

⁶ Eshana da'rwazasın Paseax ulı İoyada ha'm Besodiya ulı Meshullam du'zetti. Olar da'rwazanın' bo'renelerin qoyıp, qapıların qurdı, qulıp ha'm ta'mbilerin ornattı.

⁷ Olardan keyingi bo'lekti gibonlı Melatiya ha'm meronotlı Yadon da'ryanın' arg'ı jag'ındag'ı ha'kimnin' qol astındag'ı Gibon ha'm Mispa turg'ınları menen birge du'zetti.

⁸ Olardan keyingi bo'lekti zerger Xarhaya ulı Uzziel, al onnan keyingi bo'lekti xosh iyisli zatlar tayarlawshı Xananiya du'zetti. Olar Erusalim diywallarının' Ken' diywalg'a deyingi aralıg'ın qayta tikledi.

⁹ Olardın' janındag'ı bo'lekti Erusalim u'lkesinin' yarımının' basqarıwshısı Xur ulı Refaya du'zetti.

¹⁰ Olardan keyingi bo'lekti, o'z u'yinin' qarama-qarsısın Xarumaf ulı Edaya, al onnan keyingi bo'lekti Xashabniya ulı Xattush du'zetti.

¹¹ Xarim ulı Malkiya menen Paxat-Moab ulı Xashshub basqa bir bo'lekti ha'm Tandırlar minarasın du'zetti.

¹² Keyingi bo'lekti Erusalim u'lkesinin' yarımının' basqarıwshısı Halloxesh ulı Shallum o'z qızları menen birge du'zetti.

¹³ Xanun ha'm Zanoax turg'ınları Oypatlıq da'rwazasın du'zetti. Olar da'rwaza bo'renelerin qoyıp, qapıların qurdı, qulıp ha'm ta'mbilerin ornattı. Ja'ne de, olar diywaldın' Tezek da'rwazasına shekemgi mın' shıg'anaq aralıg'ın du'zetti.

¹⁴ Al Tezek da'rwazasın Beyt-Hakkerem u'lkesinin' basqarıwshısı Rexab ulı Malkiya du'zetti. Ol da'rwazanı qurıp, qapıların, qulıp ha'm ta'mbilerin ornattı.

¹⁵ Bulaq da'rwazasın Mispa u'lkesinin' basqarıwshısı Kol-Xoze ulı Shallun du'zetti. Ol da'rwazanı qurıp, u'stin jawdı, qapıların, qulıp ha'm ta'mbilerin ornattı. Ol patsha bag'ının' qasındag'ı Shelax hawızının' diywalın da Dawıttın' qalasınan to'menge tu'setug'ın tekshege shekem du'zetti.

¹⁶ Onın' janındag'ı bo'lekti, yag'nıy Dawıttın' mazarının' qarama-qarsısına shekemgi orınnan hawızg'a ha'm Batırlar u'yine deyingi aralıqtı Beyt-Sur u'lkesinin' yarımının' basqarıwshısı Azbuq ulı Nexemiya du'zetti.

¹⁷ Onın' janındag'ı bo'lekti Baniy ulı Rexumnın' basshılıg'ında lebiyliler du'zetti. Onnan keyingi bo'lekte Keila u'lkesinin' yarımının' basqarıwshısı Xashabiya o'z u'lkesi atınan du'zetiw islerin alıp bardı.

¹⁸ Onnan keyingi bo'lekti Xashabiyanın' tuwısqanları Keila u'lkesinin' qalg'an yarımının' basqarıwshısı Xenadad ulı Binnuy basshılıg'ında du'zetti.

¹⁹ Onnan keyin Mispanın' basshısı Eshua ulı Ezer qural-jaraq saqlaw bo'lmesine ko'teriletug'ın joldın' aldınan diywaldın' mu'yeshine shekemgi aralıqtı du'zetti.

²⁰ Onnan keyin mu'yeshten baslap, bas ruwxaniy Elyashibtin' u'yinin' qapısının' kirer awzına deyingi aralıqtı Zabbay ulı Barux ıqlas penen du'zetti.

²¹ Onın' janındag'ı Elyashibtin' u'yinin' qapısının' kirer awzınan baslap, onın' u'yinin' aqırına shekemgi aralıqtı Haqqostın' aqlıg'ı Uriyanın' ulı Meremot du'zetti.

²² Onnan keyingi bo'lekti do'gerektegi aymaqlardan kelgen ruwxaniyler du'zetti.

²³ Olardan keyin Benyamin ha'm Xashshub o'z u'ylerinin' qarsı aldındag'ı bo'lekti, al olardan keyin Ananiyanın' aqlıg'ı Maaseyanın' ulı Azariya o'z u'yinin' janındag'ı bo'lekti du'zetti.

²⁴ 4Onnan keyin Azariyanın' u'yinen diywaldın' mu'yeshine ha'm aylanbasına shekemgi aralıqtı Xenadad ulı Binnuy du'zetti.

²⁵ Mu'yeshtin' ha'm saqshılar ha'wlisindegi patshanın' joqarg'ı sarayına shıg'atug'ın minaranın' qarsısın Uzay ulı Palal du'zetti. Onnan keyin Parosh ulı Pedaya.

²⁶ 6Ofel to'beshiginde jasaytug'ın İbadatxana xızmetshileri menen birge shıg'ıs ta'reptegi Suw da'rwazasının' qarsı aldına ha'm Shıg'ın'qı minarasına shekemgi aralıqtı du'zetti.

²⁷ Shıg'ın'qı minarasının' qarsısınan Ofel to'beshigindegi diywalg'a shekemgi basqa bo'lekti teqoalılar du'zetti.

²⁸ Ruwxaniyler At da'rwazasının' joqarısın, ha'r biri o'z u'yinin' qarsı aldın du'zetti.

²⁹ Olardan keyin İmmer ulı Sadoq o'z u'yinin' qarsısın, onnan keyingi bo'lekti shıg'ıstag'ı da'rwazanın' qarawılı Shekaniya ulı Shemaya du'zetti.

³⁰ Onnan keyingi basqa bir bo'lekti Shelemiya ulı Xananiya ha'm Salaftın' altınshı ulı Xanun du'zetti. Olardan keyin Berexiya ulı Meshullam o'z bo'lmesinin' qarsı aldın du'zetti.

³¹ Onnan keyin Mifkad da'rwazasına qarsı turg'an İbadatxana xızmetshileri menen sawdagerlerdin' u'yine ha'm mu'yeshtegi joqarg'ı bo'lmege shekemgi aralıqtı zerger Malkiya du'zetti.

³² Al mu'yeshtegi joqarg'ı bo'lmeden Qoy da'rwazasına shekemgi aralıqtı zergerler ha'm sawdagerler du'zetti.