1 Qosıq. Dawıttın' jırı
2 Ju'regim Sag'an sadıq, Quday, Pu'tkil barlıg'ım menen Seni jırlap, saz shertemen.
3 Oyan, ha'y arfa ha'm lira, Erte tan'dı men oyatayın!
4 Xalıqlar arasında Seni alg'ıslayman, Jaratqan İye, Milletler arasında saz shertip, Sag'an alg'ıs aytaman.
5 Su'yispenshiligin' ko'klerden asar, Sadıqlıg'ın' bultlarg'a tiyer.
6 Ko'kten de joqarı ullılana ber, Quday, Dan'qın' pu'tkil jer ju'zine jayılsın!
7 On' qolın' menen jen'is ber, esit bizlerdi, O'z su'ygenlerin' qutqarılsın!
8 Quday Muxaddes ma'kanında bılay dedi: «Shadlanıp, Shexemdi bo'lemen, Sukkot oypatlıg'ın o'lshep beremen.
9 Gilad Menikidur, Menashshe de Meniki, Efrayım duwlıg'am, Yahuda hu'kimdarlıq hasam.
10 Moab juwınatug'ın la'genim, Edomg'a ayaq kiyimimdi taslayman, Filist jerinde jen'is dabılın qag'aman».
11 Kim meni bekinisli qalag'a alıp baradı? Kim mag'an Edomg'a deyin jol ko'rsetedi?
12 Quday, Sen emessen' be? Biraq Sen bizlerden ju'z burdın'. A'skeriy ordamızg'a basshılıq etpey qoydın'.
13 Dushpang'a qarsı gu'reste ja'rdem ber, Adamzattın' ja'rdemi biyhudadur.
14 Quday, Senin' ja'rdemin' menen qaharmanlıq ko'rsetemiz, Dushpanlarımızdı basqılap taslaysan'.
