1 Haliluya! Qanday baxıtlı Jaratqan İyeden qorqatug'ın, Onın' buyrıqların orınlap, ra'ha'tlenetug'ın adam!
2 Onın' a'wladı qu'diretli bolar jer ju'zinde, Haqlardın' a'wladı jarılqaw aladı.
3 Molshılıq ha'm baylıq u'yinde boladı, Haqlıg'ı ma'n'gi dawam etedi.
4 Qaran'g'ılıqta nur shıg'adı haqlar ushın, Miyrim-sha'pa'a'tli, rehimli ha'm a'dil adamlar ushın.
5 Qolı ashıq, qarız beretug'ın, İslerin a'dalatlıq penen isleytug'ın adam abadan turmısqa erisedi!
6 Ol hasla su'rnikpeydi, Haq adam ma'n'gi eske alınadı.
7 Ol jaman xabardan qorqpaydı, Jaratqan İyege isengen ju'regi bekkem.
8 Onın' ju'regi mıqlı, qorqıw degendi bilmeydi, Dushpanlarının' jen'ilisin ko'redi.
9 Ol mu'ta'jlerge saqıylıq penen ja'rdem beredi, Onın' haqlıg'ı ma'n'gi dawam etedi, Qu'diretli ha'm abıraylı boladı.
10 Jawız adam bunı ko'rip, ashıwlanadı, Tislenip, o'zin-o'zi jep, joq boladı, Jawızlardın' qa'lewi pushqa shıg'adı.
