1 Jaratqan İyeni ta'riyiplen', Ol iygilikli, Sadıqlıg'ı ma'n'gi dawam etedi.
2 Alg'ıs aytın' qudaylar Qudayına, Sadıqlıg'ı ma'n'gi dawam etedi.
3 Minnetdarshılıq bildirin' iyeler İyesine, Sadıqlıg'ı ma'n'gi dawam etedi.
4 Jalg'ız Ol ka'ramatlı isler isleydi, Sadıqlıg'ı ma'n'gi dawam etedi.
5 Danalıq penen ko'klerdi jarattı, Sadıqlıg'ı ma'n'gi dawam etedi.
6 Jerdi suwlar u'stine ornattı, Sadıqlıg'ı ma'n'gi dawam etedi.
7 Ullı jaqtılıqlardı jarattı, Sadıqlıg'ı ma'n'gi dawam etedi.
8 Ku'ndizdi basqarıw ushın quyashtı jarattı, Sadıqlıg'ı ma'n'gi dawam etedi.
9 Tu'ndi basqarıw ushın ay ha'm juldızlardı jarattı, Sadıqlıg'ı ma'n'gi dawam etedi.
10 Mısırdın' birinshi tuwılg'anların o'ltirdi, Sadıqlıg'ı ma'n'gi dawam etedi.
11 İzraildı Mısırdan alıp shıqtı, Sadıqlıg'ı ma'n'gi dawam etedi.
12 Bunı ku'shli ha'm qu'diretli qolın sozıp, ju'zege asırdı, Sadıqlıg'ı ma'n'gi dawam etedi.
13 Qamıs ten'izin ekige bo'ldi, Sadıqlıg'ı ma'n'gi dawam etedi.
14 İzraildı ten'izdin' ortası menen alıp o'tti, Sadıqlıg'ı ma'n'gi dawam etedi.
15 Faraon ha'm onın' la'shkerlerin, Qamıs ten'izine batırıp jiberdi, Sadıqlıg'ı ma'n'gi dawam etedi.
16 O'z xalqın sho'l arqalı alıp ju'rdi, Sadıqlıg'ı ma'n'gi dawam etedi.
17 Ullı patshalardı qıyrattı, Sadıqlıg'ı ma'n'gi dawam etedi.
18 Qu'diretli patshalardı joq qıldı, Sadıqlıg'ı ma'n'gi dawam etedi.
19 Amor patshası Sixondı o'ltirdi, Sadıqlıg'ı ma'n'gi dawam etedi.
20 Bashan patshası Ogtı o'ltirdi*, Sadıqlıg'ı ma'n'gi dawam etedi.
21 Olardın' jerlerin mu'lik qılıp berdi, Sadıqlıg'ı ma'n'gi dawam etedi.
22 Qulı İzrailg'a mu'lik qılıp berdi, Sadıqlıg'ı ma'n'gi dawam etedi.
23 Jag'dayımız to'menlegende, bizlerdi esledi, Sadıqlıg'ı ma'n'gi dawam etedi.
24 Jawlarımızdan bizlerdi qutqardı, Sadıqlıg'ı ma'n'gi dawam etedi.
25 Barlıq janzatlardı azıqlandıradı, Sadıqlıg'ı ma'n'gi dawam etedi.
26 Alg'ıs aytın' ko'klerdin' Qudayına, Sadıqlıg'ı ma'n'gi dawam etedi.
