1 Atqarıwshılardın' jetekshisine. Dawıttın' jırı
2 Qudaydın' ullılıg'ın ko'kler ja'riyalap turadı, Onın' do'retpesi haqqında aspan gu'mbezi xabarlaydı.
3 Bunı ku'n ku'nge ja'riyalaydı, Tu'n tu'nge ma'lim qıladı.
4 Ol jerde bir so'z de, bir ga'p te aytılmas, Shıqpas olardan hesh qanday ses.
5 Biraq xabarları ha'r ta'repke tarqalar, So'zleri du'nyanın' to'rt ta'repine jetip barar.Quday quyash ushın ko'klerde shatır qurdı.
6 Quyash shımıldıqtan shıqqan ku'yew balag'a uqsaydı, Juwırmaqshı bolg'an juwırıwshı yan'lı quwanadı.
7 Aspannın' bir shetinen shıg'ıp, Jolın basqa bir shetine qaray dawam etedi, Onın' ha'wirinen hesh na'rse jasırına almaydı.
8 Jaratqan İyenin' nızamı minsiz, Ol jang'a jan qosar, Jaratqan İyenin' buyrıqları isenimli, Ol sadanı dana qılar.
9 Jaratqan İyenin' pa'rmanları durıs, Ju'rekti shadlıqqa toltırar. Jaratqan İyenin' buyrıqları anıq, Olar ko'zlerge nur berer.
10 Jaratqan İyeden qorqıw pa'klik, Bul ma'n'gi dawam eter. Jaratqan İyenin' qag'ıydaları haqıyqat, Barlıg'ı a'dildur.
11 Bular altınnan, sap altınnan da qa'dirli, Pal ko'zgenekten tamg'an paldan da mazalı.
12 Bular qulın' bolg'an mag'an na'siyat berer, Olarg'a a'mel qılg'anlar ullı sıy alar.
13 Kim o'z qa'tesin ko're aladı? Bilmey qılg'an gu'nalarımnan O'zin' pa'kle.
14 Bile tura gu'na islewden saqla qulın'dı, Gu'nanın' meni basqarıwına jol qoyma! Sonda men minsiz bolaman, Awır gu'nadan da uzaqta bolaman.
15 Awzımnan shıqqan so'zler, Ju'regimdegi oy-pikirler, Senin' aldın'da maqul bolsın, Jaratqan İye, qorg'awshı jartasım, a'mengerim!
