1 Atqarıwshılardın' jetekshisine. Dawıttın' jırı
2 Qanday baxıtlı jarlını oylaytug'ın! Apat ku'ninde onı Jaratqan İye qutqarar.
3 Jaratqan İye onı qorg'ap, o'mirin saqlar, Ol elde baxıtlı bolar, Dushpanlarının' qolına tapsırılmas.
4 To'sekke jatıp qalg'anında, Ja'rdem berer og'an Jaratqan İye, Onı keselinen tolıq ayıqtırar.
5 Men: «Oh, Jaratqan İye, mag'an rehim qıl, Sag'an qarsı gu'na qıldım, shıpa ber!» – dedim.
6 Dushpanlarım jawız niyet penen: «Qashan o'lip, atı o'sher eken?» – deydi.
7 Olar meni ko'riw ushın kelgende, jalg'an so'yleydi, İshinen o'sek so'zler toqıydı, Keyin sırtqa shıg'ıp, o'sek tarqatadı.
8 Meni jek ko'retug'ınlardın' ha'mmesi, Mag'an zıyan tiygiziwdi jobalastıradı, Birgelikte men haqqında sıbırlasıp:
9 «Awır kesellikke shalıng'an ol, Endi tura almas to'seginen», – deydi.
10 Menin' nanımdı jegen jaqın dostım, Mag'an qarsı qol ko'terdi.
11 Sen mag'an rehim qıl, ayaqqa turg'ız, Jaratqan İye, Qılmıslarına jarasa, o'zlerine qaytarayın.
12 Dushpanlarım mennen u'stin shıqpasa, Mennen kewlin' tolg'anın bilemen.
13 Ayıpsızlıg'ım ushın meni aman saqlaysan', Meni da'rgayın'da ma'n'gi turg'ızasan'.
14 A'zelden ma'n'gige deyin, İzraildın' Qudayı Jaratqan İyege alg'ıslar bolsın! Awmiyin! Awmiyin!
