1 Atqarıwshılardın' jetekshisine. «Lala gu'l» namasına aytıladı. Qorax a'wladının' ayrıqsha jırı. Muhabbat qosıg'ı
2 Ju'regimnen go'zzal so'zler to'gildi, Patshag'a arnayman qosıg'ımdı, Tilim sheber jazıwshının' qa'lemindey bolsın.
3 Adam ulları arasındag'ı en' sulıwısan', Miyrim to'giler tilin'nen. Awa, Quday seni ma'n'gi jarılqag'an.
4 Ha'y batır, dan'qın' ha'm saltanatın' menen, Belin'e qılıshın'dı bayla.
5 Ullılıg'ın' menen atlanıp, alg'a bas, Haqıyqat, kishipeyillik ha'm a'dalat ushın jen'iske eris! On' qolın' tan' qalarlıq isler ko'rsetsin.
6 Patshanın' dushpanlarının' ju'regin, O'tkir oqların' tesip o'ter. Xalıqlar ayaqların'nın' astına jıg'ılar.
7 Quday, taxtın' ma'n'gi-baqıy turar, Senin' patshalıq hasan' – a'dalat hasasıdur.
8 Sen a'dillikti su'yip, jawızlıqtı jek ko'resen', Sonın' ushın, Quday, senin' Qudayın', Dosların'nan go're ko'birek seni, Quwanısh mayı menen mayladı.
9 Barlıq kiyimin'nen mirra, aloe ha'm kassiya xosh iyisleri shıg'adı, Pil su'yeginen bezelgen saraylarda tarlı a'sbaplardın' hawazı, Senin' kewlin'di ko'teredi!
10 Patsha qızları izzetli hayalların' arasında, Ofir altınları menen bezelgen xanbiyke turar on' jag'ın'da.
11 Tın'la, ha'y qız, qara, qulaq sal, Xalqın'dı ha'm a'ken'nin' u'yin umıt.
12 Patsha senin' go'zzallıg'ın'a ha'wes, Xojayının' bolg'anı ushın, aldında ta'jim qıl.
13 Qız Tir sawg'alar alıp keler, Xalıqtın' bay adamları miyrimin'e erisiwdi qa'ler.
14 Sarayg'a kirip kiyatırg'an sol qız qanday go'zzal, Kiyimleri bezelgen altın sabaq penen.
15 Nag'ıslı kiyimde onı alıp keler patsha aldına, Onın' artınan qızlar, onın' dosları erip keler.
16 Olar quwanısh ha'm shadlıq penen alıp keliner, Patshanın' sarayına kirip keler.
17 Babaların'nın' ornın ulların' alsın, Olardı ha'kim etip qoyarsan' pu'tkil u'lkege.
18 Atın'dı a'wladtan-a'wladqa umıtılmas qılaman, Solay etip, xalıqlar seni ma'n'gi alg'ıslaydı.
