1 Atqarıwshılardın' jetekshisine. Edomlı Doeg Shauldın' aldına barıp:
2 «Dawıt Aximelextin' u'yine kirdi», dep xabar bergen waqıtta*, Dawıttın' aytqan ayrıqsha jırı
3 Ne ushın maqtanasan' jawızlıg'ın' menen, ha'y, ku'shli adam? Qudaydın' miyrim-sha'pa'a'ti ha'mme waqıtta menin' menen birge.
4 Tilin' menen apat keltirersen', O'tkir pa'kige uqsar tilin', Aldawg'a sen shebersen'.
5 Sen jaqsılıqtan go're, jawızlıqtı, Haqıyqattan go're, o'tirikti jaqsı ko'resen'.
6 Zıyan tiygizetug'ın so'zlerdi jaqsı ko'resen', O'tirikshi tildi su'yesen'.
7 Biraq Quday seni ma'n'gi wayran qıladı, Seni uslap, shatırın'nan tartıp shıg'aradı, Tiriler a'leminen tamırın' menen qurtadı.
8 Haq adamlar bunı ko'rip, qorqadı, U'stin'nen ku'lip, bılay deydi:
9 «Qaran'lar, bul adam Qudayg'a qorg'anım dep su'yenbedi, Mol baylıg'ına u'mit bayladı, Basqalarg'a qırg'ın keltirip, ku'sheydi».
10 Al men Qudaydın' u'yinde jasıl za'ytu'n ag'ashındayman, Qudaydın' su'yispenshiligine ma'n'gi-baqıy isenemen.
11 İslerin' ushın Sag'an ma'n'gi alg'ıs aytaman, Sadıq qulların'nın' ja'miyetinde, İygilikli atın'a u'mit baylap, ku'temen.
