1 Atqarıwshılardın' jetekshisine. «Uzaqtag'ı u'nsiz kepter» namasına. Filist xalqı Dawıttı Gat qalasında tutıp alg'anda, onın' aytqan jırı
2 Quday, mag'an rehim et, Adamlar meni quwdalap atır, Ku'ni boyı hu'jim qılıp, qısqıg'a alıp atır.
3 Dushpanlarım ku'ni boyı izime tu'sip, meni izlep atır, Mag'an qarsı shıqqanlar ko'pdur, ullı Quday!
4 Qorqqanımda, Sag'an u'mit baylayman.
5 Quday, so'zin'di maqtayman, Qudayg'a u'mit baylayman, qorqpayman. Adamzat mag'an ne qıla aladı?
6 Ku'ni boyı jawlarım so'zlerimdi buzıp ko'rsetedi, Olardın' oy-pikirleri mag'an jawızlıq islew.
7 Olar til biriktirip, buqqıda jatadı, Janımdı alıw ushın, ha'r bir adımımdı an'lıydı.
8 Jınayatlarının' jazasınan qutılıp qala ma olar? Quday, g'a'zebin' menen olardı jerge ur!
9 Sergizdan ku'nlerim Senin' aldın'da esaplı, Ko'z jaslarımdı ıdısın'a salıp qoy. Bular kitabın'da jazılg'an emes pe?
10 Seni shaqırg'an waqtımda, Dushpanlarım artqa sheginedi. Mınanı bilemen: Quday men ta'repte.
11 So'zin o'zim maqtap atırg'an Qudayg'a, So'zin o'zim maqtap atırg'an Jaratqan İyege,
12 Qudayg'a u'mit baylayman, qorqpayman, Adamzat mag'an ne qıla aladı?
13 Quday, Sag'an bergen wa'delerimdi orınlayman, Minnetdarshılıq qurbanlıqların Sag'an arnayman.
14 Janımdı o'limnen qutqarıp qaldın', Ayaqlarımdı su'rnigiwden saqladın', Sonın' ushın, Quday, Senin' aldın'da, O'mir nurında ju'remen.
