1 Atqarıwshılardın' jetekshisine. «Joq etpe» namasına aytıladı. Dawıttın' jırı
2 Ha'y, hu'kimdarlar, shınında da, sizler a'dil qarar shıg'arasız ba? Adam ulların a'dalatlıq penen hu'kim qılasız ba?
3 Yaq, sizler ju'regin'izde nahaqlıq du'zesiz, Zorlıq shashar qolların'ız jer ju'zinde.
4 Jawızlar ele tuwılmasınan aldın joldan adasar, Anasının' qarnında-aq adasıp, jalg'an so'yler.
5 Olardın' za'ha'ri jılannın' za'ha'rindey, Kobraday qulaqların bekitedi.
6 Jılan oynatıwshılardın' dawısın, Ku'shli porxannın' zikirin esitpeydi.
7 Quday, olardın' awzındag'ı tislerin sındır, Arıslanlardın' jaqların sındır, Jaratqan İye!
8 Ag'ıp ketetug'ın suwday joq bolsın, Sadaqların kergende, oqları sınıp ketsin.
9 Erip ketken suw o'gizindey joq bolsın, Ana qarnınan tu'sken tu'siktey, olar quyashtı ko'rmesin.
10 Janıp turg'an tiken qazandı qızdırmay turıp, Olardı sonshelli tez joq qıl.
11 Jawızdan o'sh alıng'anın ko'rip, haq adam quwanar, Ayaqların jawızlardın' qanına juwar.
12 Sonda adamlar: «Shınında, haq adamg'a sıylıq bar, Jer ju'zinde hu'kim shıg'arıwshı Quday bar», – deydi.
