1 Atqarıwshılardın' jetekshisine. Dawıttın' jırı
2 Quday, qulaq sal arzıma, Janımdı dushpan qorqınıshınan qorg'a.
3 Napa'klerdin' jawız jobasınan, Jawızlardın' toparınan saqla meni.
4 Olar tillerin qılıshtay etip qayrap, Za'ha'rli so'zleri oq sıyaqlı nıshandı go'zlegen.
5 Olar ayıpsızg'a oq atıw ushın buqqıda jatadı, Og'an ku'tilmegende qorqpastan atadı.
6 Bir-birinin' jawız niyetlerin qollap quwatlaydı, Jasırın duzaq qurıw ushın til biriktiredi, «Bunı kim ko'rer edi?» desedi.
7 Olar a'dilsizlikti izlep, «A'jayıp bir joba du'zdik», – dep aytadı. Adamzattın' ishki du'nyası ha'm ju'regi teren' sırdur.
8 Biraq Quday olarg'a oq atadı, Tosattan olar jaraqatlanadı.
9 O'z tilleri menen o'z basına jetedi, Awhalın ko'rgenlerdin' ju'regi suwlaydı.
10 Barlıq adamlardı qorqıw biyleydi, Olar Qudaydın' islerin ja'riyalaydı, Onın' isleri haqqında oylanadı.
11 Haq adam Jaratqan İyede quwanıshqa toladı, Onnan pana tabadı, Barlıq pa'k ju'rekliler quwanıshın ja'riyalaydı.
