1 Atqarıwshılardın' jetekshisine. Tarlı saz a'sbaplarında aytılatug'ın Asaftın' jırı. Qosıq
2 Yahudada Quday belgili, İzrailda Onın' atı ullı.
3 Onın' qonısı Salim qalasında, Jasaytug'ın ma'kanı Sionda.
4 Ol jerde sındırdı otlı oqlardı, Qalqan, qılısh ha'm sawash quralların.
5 An'g'a tolı tawlardag'ı arıslan kibi, Saltanatlı ha'm qu'diretlisen'.
6 Qaza tawıp tonalg'an batır jawıngerler, Ma'n'gi uyqıg'a ketti. Ku'shli jigitlerdin' hesh biri qolın qozg'alta almaydı.
7 Yaqıptın' Qudayı, Senin' qorqınıshlı dawısın'nan, Atlar ha'm arbakeshler esten tandı.
8 Jalg'ız Sen aybatlısan', Kim aldın'da tura aladı g'a'zeplengenin'de?
9 Du'nyadag'ı ezilgenlerdi qutqarayın dep, Hu'kim shıg'arıw ushın turdın',
10 Quday, Ko'klerden hu'kimin'di ja'riyalag'anın'da, Jer ju'zi qorqıp, tım-tırıs bolıp qaldı.
11 Adamzattın' g'a'zebi Senin' dan'qın'a aylanar, Qalg'an g'a'zebin O'zin' basasan'.
12 Wa'de berin'ler Qudayın'ız Jaratqan İyege, Orınlan'lar o'z wa'delerin'izdi. Onın' do'gereginde bolg'an barlıg'ın'ız, Qorqınıshlı Qudayg'a sıylar alıp kelin'.
13 Ol hu'kimdarlardın' ruwxın so'ndirer, Qorqınısh salar jer ju'zindegi patshalarg'a.
