1 Atarıwshılardın' jetekshisine. Tarlı a'sbaptın' shertiliwinde aytılatug'ın Asaftın' jırı
2 Shadlanıp baqırın' ku'sh-quwatımız bolg'an Qudayg'a, Quwanıshlı tu'rde qıshqırın' Yaqıptın' Qudayına!
3 Qosıq aytın', da'p qag'ın', Jag'ımlı dawıslı lira ha'm arfa shertin'.
4 Ka'rnay shertin' jan'a ayda, Tolıq ayda, bayram ku'nimizde.
5 Bul İzrail ushın bir qag'ıydadur, Yaqıptın' Qudayının' qararıdur
6 Quday Mısırg'a qarsı ju'ris qılg'anda, Ol bunı Yusup urpag'ına nızam qılıp qoydı. Men bir tanıs bolmag'an dawıstı tın'lap turman:
7 «Jelken'izden ju'kti alıp tasladım, Qolların'ızdı awır sebetten azat qıldım.
8 Basın'ızg'a apat tu'skende, Meni shaqırdın'ız, Sonda sizlerdi qutqarıp aldım, Gu'ldirmama arasınan sizlerge juwap berdim, Meriba suwları janında sizlerdi sınadım.
9 Tın'la, xalqım, sizlerge eskertemen: İzrail, qa'ne endi, sen Mag'an qulaq salg'anın'da!
10 Aran'ızda basqa quday bolmasın, Jat qudayg'a tabınban'.
11 Seni Mısırdan alıp shıqqan, Qudayın' Jaratqan İye – Men bolaman. Awzın'dı ash, onı toltıraman.
12 Biraq xalqım, sen dawısıma qulaq salmadın', İzrail, sen Mag'an boysınıwdan bas tarttın'.
13 Men de ju'reklerin'izdin' qaysarlıg'ınsha qaldırıp, Jol qoydım o'z qa'lewlerin'iz benen ju'riwin'izge.
14 Qa'ne endi xalqım, sen Mag'an qulaq salg'anın'da, İzrail, sen Menin' jollarım menen ju'rgenin'de!
15 Dushpanların'ızdı da'rhal boysındırar edim, Jawların'ızg'a qarsı qolımdı ko'terer edim!
16 Meni jek ko'retug'ınlar Mag'an qullıq etetug'ın edi, Olardın' bul awhalı ma'n'gi dawam eter edi.
17 Xalqım, sizlerdi en' jaqsı biyday menen azıqlandırar edim, Jartastag'ı pal menen toydırar edim».
