1 Kelin', Jaratqan İyege shadlanıp baqırayıq, Qutqarıwshı jartasqa shadlanayıq.
2 Alg'ıs aytıp, Onın' aldına keleyik, Og'an ba'lent dawıs penen qosıq aytayıq!
3 Jaratqan İye ullı Qudaydur, Barlıq qudaylardan u'stem turıwshı ullı patshadur.
4 Jerdin' tun'g'ıyıqları Onın' qolında, Taw shın'ları da Og'an tiyisli.
5 Ten'iz Onıki, onı O'zi jarattı, Qurg'aq jerdi de O'z qolı menen do'retti.
6 Kelin', ta'jim qılıp, iyileyik, Bizlerdi jaratqan Jaratqan İyenin' aldında dize bu'geyik.
7 Ol bizlerdin' Qudayımız, Bizler Onın' bag'ıp atırg'an xalqımız, Qolının' astındag'ı qoylarımız. Eger bu'gin Onın' dawısın esitsen'iz,
8 Meribada, sol ku'ni sho'ldegi Massada bolg'anı sıyaqlı, Tas qılman'lar ju'reklerin'izdi.
9 İslegen islerimdi ko'rgen bolsa da, Ata-babaların'ız sol jerde Meni sınap, tekserdi.
10 Qırıq jıl dawamında ol a'wladtan jerkenip, bılay dedim: «Olar ju'rekleri azg'ırılg'an xalıq, Menin' jollarımdı bilmeydi».
11 Sonlıqtan g'a'zeplenip, bılay dep ant ishtim: «Olar Menin' tınıshlıq beretug'ın ma'kanıma hasla kirmeydi!»
