1 Jaratqan İye patshalıq qılmaqta, Titiresin xalıqlar! Kerublar arasındag'ı taxtına otır, Shayqalsın jer ju'zi!
2 Sionda Jaratqan İye ullı, Ol barlıq xalıqlardan da joqarı.
3 Olar Senin' ullı ha'm aybatlı atın'dı alg'ıslasın! Ol muxaddesdur.
4 A'dalatlıqtı su'yetug'ın qu'diretli Patsha, Sen a'dillikti ornattın', Yaqıp urpag'ında a'dalatlıq ha'm a'dillik ornattın'.
5 Qudayımız Jaratqan İyeni ullılan', Onın' ayaq qoyg'ıshının' aldına jıg'ılıp, sıyının'! Ol muxaddesdur.
6 Onın' ruwxaniyleri arasında Muwsa menen Xaron da bar edi, Samuel de Onın' atın aytıp shaqırg'anlar arasında edi. Olar Jaratqan İyege jalbarındı, Ol da olarg'a juwap berdi.
7 Minara sıyaqlı bult ishinen olar menen so'ylesti, Olar Onın' buyrıqlarına, O'zlerine berilgen qag'ıydalarg'a a'mel qıldı.
8 Qudayımız Jaratqan İye, Sen olarg'a juwap berdin', İslegen jawızlıqları ushın jazalasan' da, Keshiriwshi Quday boldın'.
9 Qudayımız Jaratqan İyeni ullılan', Sıyının' Og'an muxaddes tawında! Qudayımız Jaratqan İye muxaddesdur!
