Shıg'ıw 20 bob
1 Sonda Quday mına so'zlerdi ayttı:
2 Men – seni Mısırdan, qul bolg'an jerin'nen alıp shıqqan Qudayın' Jaratqan İyemen.
3 Senin' Mennen basqa qudayların' bolmasın.
4 Joqarıdag'ı aspanda, to'mendegi jer ju'zinde ha'm jer astındag'ı suwlarda bolg'an hesh bir na'rsenin' ko'rinisin sog'ıp, o'zin'e but jasama.
5 Olarg'a tabınba ha'm xızmet qılma. Sebebi Men – senin' Qudayın' Jaratqan İye, qızg'anshaq Qudayman. Meni jek ko'rgenlerdi a'kesinin' gu'nası ushın balaların, olardın' u'shinshi, to'rtinshi a'wladına shekem jazalayman.
6 6Biraq Meni su'ygenlerge ha'm buyrıqlarımdı orınlag'anlarg'a mın'ınshı urpag'ına deyin jaqsılıq qılaman.
7 Qudayın' bolg'an Jaratqan İyenin' atın jo'nsiz tilin'e alma. O'ytkeni Jaratqan İye atın bosqa tilge alg'anlardı jazasız qaldırmaydı.
8 Shabbat ku'nin muxaddes tutıwdı este saqlaAltı ku'n jumıs islep, barlıq islerin'di isle.
9 Altı ku'n jumıs islep, barlıq islerin'di isle.
10 Al jetinshi ku'n Mag'an, Qudayın' Jaratqan İyege arnalg'an Shabbat ku'ni. Sol ku'ni hesh qanday is qılma. Ulın' da, qızın' da, qulın' da, shorın' da, malların' da, aran'ızdag'ı kelgindi adam da hesh qanday is qılmasın.
11 Sebebi Men – Jaratqan İye altı ku'n ishinde aspandı, jerdi, ten'izdi ha'm olardag'ı pu'tkil barlıqtı jaratıp, jetinshi ku'ni dem aldım. Sonlıqtan Men Shabbat ku'nin jarılqap, onı muxaddes qılıp ayırdım.
12 Ata-anan'dı hu'rmetle. Sonda Qudayın' Jaratqan İyenin' sag'an beretug'ın jerinde o'mirin' uzaq boladı.
13 Adam o'ltirme.
14 Neke hadallıg'ın buzba.
15 Urlıq isleme.
16 Hesh kimge qarsı jalg'an gu'walıq berme.
17 Hesh bir adamnın' u'yin ku'seme. Onın' hayalın, qulın, shorısın, o'gizin, eshegin, hesh bir na'rsesin ku'seme+.
18 Pu'tkil xalıq gu'ldirmamanı ha'm ka'rnay sestin esitip, shaqmaqtı ha'm tawdın' basındag'ı tu'tindi ko'rgende, qorqqanınan qaltıray basladı. Olar uzaqta turıp,
19 Muwsag'a: – Bizler menen o'zin' so'yles. Bizler seni tın'laymız. Biraq Quday bizlerge so'ylemesin. Bolmasa, o'lip qalamız, – dedi.
20 Muwsa xalıqqa: – Qorqpan'lar! Sebebi Quday sizlerdi sınaw ushın ha'm Onnan qorqıp, gu'na islemewin'iz ushın keldi, – dedi.
21 Xalıq uzaqta tura berdi, al Muwsa Quday turg'an tas tu'nek qaran'g'ılıqqa jaqınlastı.
22 Jaratqan İye Muwsag'a bılay dedi: – İzraillılarg'a bılay dep ayt: «Menin' sizlerge aspannan so'ylegenimdi esittin'ler.
23 Mennen basqa qudayların' bolmasın. O'zlerin'izge gu'misten bolsa da, altınnan bolsa da, hesh qanday butlar sog'ıp alman'lar
24 Menin' ushın topıraqtan qurbanlıq orın islen'ler. Ol jerde qoy ha'm bug'aların'ızdı jandırılatug'ın qurbanlıq ha'm tatıwlıq qurbanlıg'ı etip berin'ler. Mag'an sıyınıwın'ız ushın O'zim tan'lag'an ha'r bir jerge kelip, sizlerdi jarılqayman.
25 Eger Mag'an tastan qurbanlıq orın qurajaq bolsan'ız, jonılmag'an taslardı qollanın'lar. O'ytkeni tasqa qashaw tiygizsen'iz, onı haramlaysızlar.
26 Ja'ne de, Mag'an arnalg'an qurbanlıq orıng'a tekshe arqalı shıqpan'lar, bolmasa ko'terilgenin'izde jalan'ash jerin'iz ko'rinip qalıwı mu'mkin».
