Hikmetleri 5 bob
1 Balam, danalıg'ıma itibar ber, Men tu'singen na'rselerge qulaq sal.
2 Solay etsen', sana-sezimin' jog'almas, Awzın' bilimdi saqlap qalar.
3 Buzıq hayaldın' awzınan pal tamar, So'zleri maydan da jumsaq bolar.
4 Biraq onın' aqıbeti juwsanday ashshı, Eki ju'zli qılıshtay o'tkir.
5 Ayaqları o'limge tu'sip barar, Qa'demleri o'liler ma'kanına qaray jeteler.
6 O'mir jolı tuwralı ol oylamas, Qıysıq jol menen ju'rgenin an'g'armas.
7 Solay eken, balalarım, meni tın'lan'lar, Aytqan so'zlerimnen bas tartpan'lar!
8 Onday hayaldan awlaq bol, Onın' esigine de jolama.
9 Bolmasa, abırayın'dı basqalarg'a, O'mirin'di tas bawırg'a beresen'.
10 Baylıg'ın'nan basqalar ra'ha'tlenip, Miynetin' basqa u'ydi bayıtadı.
11 Etin' su'yegin'e taqalıp, o'mirin' aqırlag'anda, Ah shegip, bılay dep pa'riyad qılarsan':
12 «Men nege na'siyattı jek ko'rdim? Nege ju'regim eskertiwdi pisent etpedi?
13 Mug'allimlerimdi tın'lamadım, Ustazlarıma qulaq aspadım.
14 Sonlıqtan men jıynalg'an ja'miyettin' aldında, İyt masqara bolayın dep qalıppan!»
15 Suwdı o'z suw saqlag'ıshın'nan, O'z qudıg'ın'nan shıqqan suwdan ish.
16 Bulaqların' ko'she boylap, Ag'ın suwların' maydanlar boylap aqsın ba?
17 Bulaqların' ko'she boylap, Ag'ın suwların' maydanlar boylap aqsın ba?
18 Bulag'ın' bereketli bolsın, Jaslay qosılg'an qostarın'nan la'zzet al.
19 Ol su'ykimli suwın, na'zik kiyikke uqsaydı. Onın' ko'kiregine ba'rqulla qanaat etip, Ba'rqulla muhabbatınan la'zzet al.
20 Balam, sag'an tiyisli emes hayaldan la'zzet alıwdın', Basqanın' gewdesin qushıwdın' ne keregi bar?
21 Adamnın' jolları Jaratqan İyenin' ko'z aldında, Ol onın' barlıq adımların baqlap turadı.
22 Zalımnın' ayıplı isleri onın' o'zin duzaqqa tu'siredi, Ol o'z gu'nalarına shırmalıp qaladı.
23 Ol ta'rbiyasızlıqtan o'lip ketedi, Aqmaqlıg'ı onı joldan shıg'aradı.
