Wazshı 3 bob
1 Ha'r na'rsenin' o'z ma'ha'li bar, quyash astındag'ı ha'r istin' o'z waqtı bar.
2 Tuwılıwdın' da, o'liwdin' de o'z waqtı bar. Egiwdin' de, egisti jıynawdın' da o'z waqtı bar.
3 O'ltiriwdin' de, shıpa beriwdin' de o'z waqtı bar, Buzıwdın' da, qurıwdın' da o'z waqtı bar.
4 Jılawdın' da, ku'liwdin' de o'z waqtı bar, Joqlaw aytıp jılawdın' da, oyıng'a tu'siwdin' de o'z waqtı bar.
5 Tas atıwdın' da, onı jıynawdın' da o'z waqtı bar, Qushaqlasıwdın' da, onnan o'zin tıyıwdın' da o'z waqtı bar.
6 zlewdin' de, jog'altıwdın' da o'z waqtı bar, Saqlap qoyıwdın' da, taslap jiberiwdin' de o'z waqtı bar.
7 Jırtıwdın' da, tigiwdin' de o'z waqtı bar, U'ndemewdin' de, so'ylewdin' de o'z waqtı bar.
8 Su'yiwdin' de, jek ko'riwdin' de o'z waqtı bar, Urıstın' da, tınıshlıqtın' da o'z waqtı bar.
9 Jumısshı islegen miynetinen qanday payda tabadı?
10 İnsanlardın' ter to'giwi ushın, Quday bergen awır jumıslardı ko'rdim.
11 Quday ha'mme na'rseni o'z waqtında a'jayıp etip jarattı. Ol adamlarg'a da'wirdi tu'siniw mu'mkinshiligin berdi. Sonda da adam Qudaydın' islegen islerin basınan aqırına deyin tu'sine almaydı.
12 Adam ushın o'mirde ra'ha'tlenip jasawdan ha'm jaqsılıq islewden artıq hesh na'rsenin' joq ekenin bildim.
13 Eger adam iship-jese ha'm o'z miynetinin' ra'ha'tin ko'rse, bul og'an Qudaydan berilgen sıy.
14 a'ne de, Quday islegen ha'r bir istin' ma'n'gige o'zgermeytug'ının bildim. Onnan hesh na'rse alınıp, og'an hesh na'rse qosılmaydı. Quday adamlardın' O'zinen qorqıwı ushın usılay isledi.
15 Ha'zir ne bolsa, o'tmishte de sol boldı, Keleshekte bolatug'ınlar ha'zir de bolıp atır, Quday bolıp o'tkenlerdi ja'ne qaytarar.
16 Men quyash astında mına na'rseni: A'dalat qarar tabıwı tiyis orında nızamsızlıqtı, a'dillik iske asıwı tiyis orında jawızlıqtı ko'rdim.
17 Sonda men ishimnen: «Quday jaqsını da, jamandı da hu'kim qıladı. Ol ha'r bir na'rse ha'm ha'r bir is ushın hu'kim qılatug'ın waqıt belgilegen», – dedim.
18 elgilegen», – dedim+. 18 Ja'ne, adamlar tuwralı ishimnen bılay dedim: «Quday adamlardın' o'zlerinin' de haywanlarday ekenin ko'rsetiwi ushın, olardı sınaydı».
19 Adamlardın' basına tu'sken na'rse haywanlardın' da basına tu'sedi: adamlar da o'ledi, haywanlar da o'ledi. Ekewinde de birdey jan bar, adamnın' haywannan u'stinligi joq. Awa, ha'mmesi biyhuda.
20 Ekewi de bir jerge baradı, topıraqtan jaratılg'an, topıraqqa qaytadı.
21 Adam balasının' ruwxı joqarıg'a ko'terile me, haywannın' ruwxı to'menge, jer astına kire me, bunı kim biledi?
22 Sonda men adam ushın o'z miynetinen ra'ha'tleniwden basqa jaqsı na'rsenin' joq ekenin tu'sindim. Onın' payına tiygen na'rse usı. O'zinen keyin bul du'nyada ne bolatug'ının og'an kim ko'rsete aladı?
