Wazshı 5 bob
1 Tilin' so'ylewge asıqpasın. Qudaydın' aldında so'z so'ylewge ju'regin' asıqpasın. Quday aspanda, sen bolsan', jerdesen'. Sonlıqtan ga'pin' qısqa bolsın.
2 Mashqala ko'p bolg'anda, adam ko'p tu's ko'retug'ını sıyaqlı, Ko'p so'ylegende, aqılsızlıq ju'zege keledi.
3 Qudayg'a wa'de bersen', onı orınlawdı keshiktirme. Ol aqılsızlardı unatpaydı. Al sen wa'den'di orınla.
4 Wa'de berip, orınlamag'annan go're, wa'de bermegenin' jaqsıraq.
5 Tilin'nin' seni gu'nag'a baslawına jol qoyma ha'm Qudaydın' ruwxaniyine: «Wa'de berip, qa'te qıldım», – deme. So'zlerin' menen Qudaydın' g'a'zebin keltirme. Bolmasa, Ol qolların' menen islegen islerin'di joq qıladı.
6 Ko'p so'ylew de, ko'p tu's ko'riw de paydasız. Jaqsısı, Qudaydan qorq!
7 Eger sen bir jerde jarlıg'a zulımlıq qılınıp, a'dillik ha'm haqlıqtın' ayaq astı etilip atırg'anın ko'rsen', bug'an hayran bolma. Sebebi ha'meldardın' u'stinen qadag'alawshı u'lkeni bar, al olardın' u'stinen qadag'alawshı olardan da u'lkeniregi bar.
8 Ha'r bir adam jerdin' o'nimine o'sh, ha'tte, patsha da atızdan alıng'an o'nimnen o'zinin' payın aladı.
9 Puldı su'ygen, pulg'a toymas, Baylıqtı su'ygen baylıqqa toymas. Bul da biyhudalıq.
10 Mal-da'wlet ko'beyse, olardı isletiwshiler de ko'beyedi. Sonda baylıqtın' iyesi o'z baylıg'ına telmirip, qızıqsınıp qarawdan basqa ne payda tabadı?
11 Jumısshı az jese de, ko'p jese de tınısh uyıqlaydı. Al baydı baylıg'ı uyqıdan mahrum qıladı.
12 Men quyash astında ja'ne bir qayg'ılı waqıyanı ko'rdim: Jıynalg'an baylıq iyesine zıyan keltirdi.
13 Bul baylıq a'wmetsizligi sebepli joq bolıp ketti, Ulı tuwılg'anda, Ulına hesh na'rse qaldıra almadı.
14 Adam anadan qalay jalan'ash tuwılg'an bolsa, Bul du'nyadan da solay ketedi.İslegen miynetinin' jemisinen Hesh na'rseni de qollarına alıp kete almaydı.
15 Mınaw da awır qayg'ılı na'rse: Adam qalay kelgen bolsa, solay ketedi. Onda qurı dalag'a miynet etiwdin' ne keregi bar?
16 Ol o'mir boyı nanın qaran'g'ılıqta jeydi, Qıyınshılıqtı, kesellikti ha'm ashıwshaqlıqtı bastan keshiredi.
17 Men insan ushın jaqsı ha'm a'jayıp na'rse – bul Qudaydın' o'zine bergen qısqa o'miri ishinde iship-jew, quyash astında islegen barlıq miynetinin' ra'ha'tin ko'riw ekenin bildim. İnsang'a tiygen pay – usı.
18 Men insan ushın jaqsı ha'm a'jayıp na'rse – bul Qudaydın' o'zine bergen qısqa o'miri ishinde iship-jew, quyash astında islegen barlıq miynetinin' ra'ha'tin ko'riw ekenin bildim. İnsang'a tiygen pay – usı.
19 Quday onın' ju'regin quwanıshqa toltırıp qoyg'anlıqtan, bunday adam qansha o'miri ketip, qanshası qalg'anlıg'ı tuwralı kem oylaydı.
