Qosıqlar qosıg'ı 7 bob
1 Qayt, shulamlı qız, izge qayt! Seni bir ko'reyik, izge qayt!Qız-jigitler arasında ayaq oyıng'a tu'sip atırg'anday, Ne ushın meni ko'rejaqsız?
2 Qanday sulıw sandal kiygen ayaqların', Ha'y, hasılzadanın' qızı! Domalaq bo'kselerin' zergerdin', Qolınan shıqqan ga'whar mısalı.
3 Kindigin' ba'rqulla xosh da'mli sharapqa tolı, Domalaq kese mısalı. Belin' lalalar menen oralg'an, Biyday u'yindisi mısalı.
4 Qos anarın' qos suwın, Egiz jeyran mısalı.
5 Moynın' pil su'yeginen qurılg'an minaraday, Ko'zlerin' Bat-Rabbim da'rwazası janındag'ı, Xeshbon ha'wizlerindey. Murnın' Damaskke qarap turg'an, Lebanon minarasınday.
6 Basın' Karmel tawınday tik bolıp, İlpildegen shashların' shım qızıl, Patsha shashların'a tutqın boldı.
7 Qanday sulıwsan', qanshelli su'ykimlisen', Ishqım ketken su'ykimli jamalın'a!
8 Turpatın' palma ag'ashına, Qos anarın' onın' solqım-solqım jemisine megzeydi.
9 Men: «Bul palmag'a o'rmeleyin, Uslayın miyweli shaqaların», – dedim. Anarların' ju'zim solqımlarınday, Demin' almanın' iyisindey jupar,
10 Erinlerin' en' jaqsı sharapqa uqsar.Bul sharap su'yiklime, Onın' uyıqlap atırg'an erinlerine qaray aqsın.
11 Men su'yiklimdikimen, Ol da meni qumsaydı.
12 Ju'r su'yiklim, atızg'a barayıq, Tu'ndi qına gu'lleri arasında o'tkereyik.
13 Erte turıp, ju'zimzarg'a barayıq, Ko'reyik, ju'zim putaları bu'rshik jardı ma, Olardın' gu'lleri ashıldı ma, Anar ag'ashları da gu'lledi me? Sol jerde ıshqımdı sag'an bag'ıshlayman.
14 Ma'rgiya sho'p xosh iyisin an'qıtpaqta, Esigimiz aldında, A'lwan tu'rli jaqsı miyweler bar.Jan'asın da, eskisin de, Sen ushın saqladım, su'yiklim!
