İyshaya 48 bob
1 1«Tın'la, ha'y, Yaqıptın' urpaqları! İzraildın' atı menen atalatug'ınlar, Yahudanın' belinen o'ngenler! Sizler Jaratqan İyenin' atı menen ant ishesiz, İzraildın' Qudayın shaqırasız. Biraq bunı shın ju'rekten ha'm a'dillik penen islemeysiz.
2 Sonda da, o'zlerin'izdi muxaddes qaladanbız dep, İzraildın' Qudayına su'yendin'iz. Onın' atı – A'lemnin' Jaratqan İyesi.
3 Bolıp o'tkenlerdi Men aldın ala ayttım, Menin' awzımnan shıqtı, Men olardı bildirdim. Keyin tosattan olardı isledim, Olar orınlandı.
4 Sebebi senin' qaysarlıg'ın'dı bilemen, Jelke tamırın' temirdey, Man'layın' qoladay qattı.
5 Bulardı sag'an aldın ala bayan ettim, „Bulardı menin' butlarım isledi, Ag'ash mu'sinlerim ha'm quyma qudaylarım, Bulardı buyırdı“, – dep aytpawın' ushın, Orınlanbastan aldın, olardı sag'an bildirdim.
6 Bulardı esittin', endi ha'mmesin ko'r. Bulardı moyınlamaqshı emespisen'? Bu'ginnen baslap, sag'an jan'a zatlardı, Sen bilmegen jasırın zatlardı aytaman.
7 Bular tap ha'zir jaratıldı, o'tmishte emes, Bu'ginge deyin, sen bular tuwralı esitpedin', Bolmasa: „Bulardı biletug'ın edim“, – deysen'.
8 Sen esitpedin' de, bilmeysen' de, A'zelden qulag'ın' ashıq emes edi. Men senin' satqın ekenin'di bilemen, Tuwılg'anın'nan beri, qozg'alan'shı dep atalasan'.
9 O'z atım haqı g'a'zebimdi tutıp, O'z dan'qım haqı onı tıydım. Bolmasa, seni joq qılar edim.
10 Mine, gu'mistey etip bolmasa da, seni tazaladım, Azap oshag'ında sınadım.
11 Bunı O'zim haqı, O'zim ushın isleymen. Nege atıma daq tu'siwi kerek? Dan'qımdı basqag'a bermeymen.
12 Ha'y, Yaqıp, shaqırg'anım İzrail, Meni tın'la! Men – Solman, birinshi de, son'g'ı da Menmen.
13 Qolım jerdin' tiykarın qoydı, On' qolım ko'klerdi jaydı. Men olardı shaqırsam, Ha'mmesi birge aldımda turadı.
14 Ha'mmen'iz jıynalıp, tın'lan'! Butlardın' qaysısı bulardı aldın ala bildirdi? Jaratqan İyenin' su'yiklisi, Onın' Babilong'a qarsı maqsetin a'melge asıradı, Onın' qolı kaldeylerge qarsı boladı.
15 Men, awa, Men og'an ayttım, Onı Men shaqırdım, Men alıp keldim, Ol o'z isinde tabısqa erisedi.
16 Mag'an jaqınlap, mınanı tın'lan'lar! Bastan-aq, Men jasırın so'ylemedim, Sonnan beri, Men sol jerdemen».Endi Quday İye meni ha'm Ruwxın jiberdi.
17 A'mengerin', İzraildın' Muxaddesi, Jaratqan İye bılay deydi: «Sag'an paydalı na'rselerdi u'yretetug'ın, Ju'riwin' kerek bolg'an joldan jetekleytug'ın, Qudayın' Jaratqan İye Men bolaman.
18 Eger Menin' buyrıqlarıma qulaq asqanın'da edi! Abadanshılıg'ın' da'ryaday, A'dilligin' ten'iz tolqınlarınday bolar edi.
19 Urpaqların' ten'iz qumınday ko'p, Na'sillerin' qum qıyırshıqlarınday sansız bolar edi. Atları da o'shirilmes, Menin' aldımda joq bolmas edi».
20 Urpaqların' ten'iz qumınday ko'p, Na'sillerin' qum qıyırshıqlarınday sansız bolar edi. Atları da o'shirilmes, Menin' aldımda joq bolmas edi».
21 Olardı sho'lden alıp o'tkende de, sho'llemedi, Olar ushın jartastan suw ag'ızdı, Ol jartastı jardı, suw atılıp shıqtı.
22 «Jawızlar ushın tınıshlıq joq», – deydi Jaratqan İye.
