Ezekiel 11 bob
1 Ruwx meni ko'terip, Jaratqan İyenin' U'yinin' shıg'ıs da'rwazasına alıp keldi. Da'rwazanın' kirer awzında jigirma bes adam bar edi. Olardın' arasında men xalıq jetekshilerinen Azzur ulı Yazaniyanı, Benaya ulı Pelatiyanı ko'rdim.
2 Jaratqan İye mag'an: – İnsan ulı! Jawız niyetli mına adamlar qaladag'ılarg'a jaman ken'es berip:
3 «U'y salatug'ın waqıt jetken joq pa? U'yimiz qazan, al bizler onın' ishindegi go'shpiz», – dep ju'r.
4 Sonlıqtan olarg'a qarsı payg'ambarshılıq et, payg'ambarshılıq et, insan ulı!
5 Son'ınan Jaratqan İyenin' Ruwxı u'stime tu'sip, mag'an mınalardı aytıwdı buyırdı: «Jaratqan İye bılay deydi: İzrail xalqı, sizlerdin' ne aytqanın'ızdı ha'm ne oylag'anın'ızdı Men bilemen.
6 Sizler bul qalada ko'p adamlardı o'ltirip, ko'shelerin o'li denelerge toltırdın'ız.
7 Sonlıqtan Quday İye bılay deydi: Sizler qalada qaldırg'an o'liler – go'sh, al qala – qazan boladı. Biraq o'zlerin'izdi bul qaladan quwıp shıg'araman.
8 Sizler qılıshtan qorqasız, Men sizlerge qılısh jawdıraman, – deydi Quday İye.
9 – Sizlerdi qaladan quwıp shıg'arıp, o'zlerin'izdi basqalardın' qolına tapsıraman ha'm u'stin'izden hu'kim shıg'araman.
10 Sizler qılıshtan qırılasız, sizlerdi İzrail shegaraları ishinde hu'kim qılaman. Sonda Menin' Jaratqan İye ekenimdi bilip alasız.
11 Qala sizlerge hesh qashan qazan, al sizler onın' ishindegi go'sh bolmaysızlar. Sizlerdi İzrail shegaraları ishinde hu'kim etemen.
12 2Sonda Menin' Jaratqan İye ekenimdi bilip alasız. Sizler Menin' qag'ıydalarıma a'mel qılmadın'ız, nızamlarıma boysınbadın'ız. Kerisinshe, aynalan'ızdag'ı xalıqlardın' a'detlerine say jasadın'ız».
13 Men payg'ambarshılıq qılıp atırg'anımda, Benaya ulı Pelatiya jan tapsırdı. Men et betimnen jerge jıg'ılıp: – Ah, Quday İye, İzraildın' aman qalg'anların tolıq qırıp taslamaqshımısan'? – dep dawıslap jiberdim.
14 Mag'an Jaratqan İyeden so'z tu'sti:
15 – İnsan ulı! Tuwısqanların', qanlasların' ha'm pu'tkil İzrail xalqı tuwralı Erusalim turg'ınları bılay dep aytpaqta: «Jaratqan İyeden awlaq jasan', bul jer bizlerge mu'lik qılıp berildi».
16 – İnsan ulı! Tuwısqanların', qanlasların' ha'm pu'tkil İzrail xalqı tuwralı Erusalim turg'ınları bılay dep aytpaqta: «Jaratqan İyeden awlaq jasan', bul jer bizlerge mu'lik qılıp berildi»..
17 – Keyin olarg'a ayt: «Quday İye bılay deydi: Men sizlerdi xalıqlar arasınan jıynap alaman, tarqap ketken jerlerin'izden qaytaraman ha'm sizlerge İzrail jerin beremen.
18 Xalqım qaytıp kelgende, barlıq jerkenishli ha'm haram na'rselerdi ol jerden alıp taslaydı.
19 Olarg'a bir tutas ju'rek berip, jan'a ruwx sıylayman. Denesinen tas ju'rekti alıp taslap, jumsaq ju'rek beremen.
20 Sonda olar qag'ıydalarıma a'mel qılıp, nızamlarıma boysınıp, olardı orınlap jasaydı. Olar Menin' xalqım, Men olardın' Qudayı bolaman.
21 Al ju'rekleri jerkenishli ha'm haramı islerge qumar adamlardı islerine jarasa jazalayman, – deydi Quday İye».
22 Keyin kerublar qanatların jaydı, do'n'gelekler de olardın' janında edi. İzraildın' Qudayının' saltanatı olardın' u'stinde edi.
23 Jaratqan İyenin' saltanatı qalanın' ishinen ko'terilip, qala shıg'ısındag'ı tawdın' u'stinde toqtadı,
24 Qudaydın' Ruwxı arqalı ko'rgen ayanda Ruwx meni ko'terip, kaldeylerdin' elindegi su'rgin etilgenlerdin' arasına alıp keldi. Keyin men ko'rgen ayan meni ta'rk etti.
25 Men Jaratqan İyenin' ayan qılg'anlarının' ha'mmesin su'rgindegilerge aytıp berdim.
