Malaxiya 4 bob
1 – Mine, sol ku'n jaqınlap qaldı. Ol lawlap janıp turg'an tandırg'a megzeydi. Sonda menmenler menen jawızlıq qılıwshılar saban sıyaqlı bolıp qaladı. Sol ku'ni olardın' ha'mmesi jag'ıp jiberiledi, – deydi Jaratqan İye. – Olardın' tamırı da, shaqası da qalmaydı.
2 Al sizler, Menin' atıma hu'rmet ko'rsetetug'ınlar ushın, nurları menen shıpa beretug'ın a'dillik quyashı shıg'adı. Sonda sizler qoradan shıqqan buzawday sekirip oynap, shadlanasızlar.
3 Jawızlardı basqılap taslaysızlar. Awa, Men usılardı a'melge asırg'an ku'ni, olar ayag'ın'ızdın' astındag'ı topıraq sıyaqlı bolıp qaladı, – deydi A'lemnin' Jaratqan İyesi.
4 – Qulım Muwsanın' Nızamın, pu'tkil İzrail xalqı ushın Xoreb tawında Muwsag'a bergen qag'ıydalardı ha'm ko'rsetpelerdi esin'izge alın'.
5 Jaratqan İyenin' ullı ha'm qorqınıshlı ku'ni kelmesinen aldın, Men sizlerge payg'ambar İliyastı jiberemen.
6 Men kelip, pu'tkil eldi g'arg'ap, joq qılmawım ushın, ol a'kelerdin' ju'reklerin balalarına, balalardın' ju'reklerin a'kelerine qaratıp, jarastıradı.
