Sanlar 26 bob
1 Obadan keyin, Jaratqan İye Muwsa menen ruwxaniy Xaronnın' ulı Elazarg'a bılay dedi:
2 – İzrail ja'miyetindegi sawashqa jaramlı jigirma ha'm onnan joqarı jastag'ı barlıq er adamlardı a'wladları boyınsha sanap shıg'ın'!
3 Sol waqıtta İzrail xalqı oypatlıqtın' Moabqa tiyisli bo'leginde, Erixonın' qarsısındag'ı İordan da'ryasının' boyında edi. Muwsa menen ruwxaniy Elazar xalıqqa:
4 – Jaratqan İyenin' Muwsag'a bergen buyrıg'ı boyınsha, jigirma ha'm onnan joqarı jastag'ı er adamlardı sanap shıg'ın', – dedi. Mısırdan shıqqan izraillılar mınalar edi:
5 İzraildın' tun'g'ıshı Ruben urıwınan tarag'an tiyreler: Xanoxtan Xanox tiyresi, Palludan Pallu tiyresi,
6 Xesronnan Xesron tiyresi, Karmiyden Karmiy tiyresi.
7 Rubennen tarag'an tiyreler usılardan ibarat bolıp, olardın' sanı 43 730 adam boldı.
8 Palludın' Eliab degen ulı bar edi.
9 Eliabtın' ulları Nemuel, Datan ha'm Abiram edi. Bular ja'miyettin' saylandı adamları bolıp, Jaratqan İyege boysınbay, Muwsa ha'm Xarong'a qarsı shıqqan Qorax ha'm onın' sheriklerine qosılg'an Datan menen Abiram edi.
10 Sol waqıtta jer jarılıp, Qorax penen birge olardı da jer jutıp jibergen edi. Sol ku'ni ot Qoraxtın' eki ju'z eliw sheriklerin jag'ıp joq qılg'an edi. Solay etip, bul basqalarg'a eskertiw bolıp qaldı.
11 Biraq Qoraxtın' ulları aman qalg'an edi.
12 Shimon urıwınan kelip shıqqan tiyreler mınalar: Nemuelden Nemuel tiyresi, Yaminnen Yamin tiyresi, Yaxinnen Yaxin tiyresi,
13 Zeraxtan Zerax tiyresi, Shauldan Shaul tiyresi.
14 Shimon urıwınan tarag'an tiyreler usılardan ibarat bolıp, olardın' sanı 22 200 adam boldı
15 Gad urıwınan kelip shıqqan tiyreler mınalar: Sefonnan Sefon tiyresi, Xaggiyden Xaggiy tiyresi, Shuniyden Shuniy tiyresi,
16 Ozniyden Ozniy tiyresi, Eriyden Eriy tiyresi,
17 Arodtan Arod tiyresi, Areliyden Areliy tiyresi.
18 Gad urıwınan tarag'an tiyreler usılardan ibarat bolıp, olardın' sanı 40 500 adam boldı.
19 Yahudanın' Er ha'm Onan degen eki ulı Qanan elinde qaza bolg'an edi.
20 Yahuda urıwınan kelip shıqqan tiyreler mınalar: Sheladan Shela tiyresi, Peresten Peres tiyresi, Zeraxtan Zerax tiyresi.
21 Peresten tarag'an tiyreler mınalar: Xesronnan Xesron tiyresi, Xamuldan Xamul tiyresi.
22 Yahuda urıwınan tarag'an tiyreler usılardan ibarat bolıp, olardın' sanı 76 500 adam boldı.
23 İssaxar urıwınan kelip shıqqan tiyreler mınalar: Toladan Tola tiyresi, Puwadan Puwa tiyresi,
24 Yashubtan Yashub tiyresi, Shimronnan Shimron tiyresi.
25 İssaxar urıwınan tarag'an tiyreler usılardan ibarat bolıp, olardın' sanı 64 300 adam boldı.
26 Zebulon urıwınan kelip shıqqan tiyreler mınalar: Seredten Sered tiyresi, Elonnan Elon tiyresi, Yaxleelden Yaxleel tiyres.
27 Zebulon urıwınan tarag'an tiyreler usılardan ibarat bolıp, olardın' sanı 60 500 adam boldı.
28 Yusuptin' ulları Menashshe ha'm Efrayımnan kelip shıqqan tiyreler mınalar:
29 Menashshe urıwınan kelip shıqqan tiyreler mınalar: Maxirden Maxir tiyresi. Maxir Giladtın' a'kesi edi. Giladtan Gilad tiyresi.
30 Giladtan tarag'an tiyreler: İezerden İezer tiyresi, Xelekten Xelek tiyresi,
31 Asrielden Asriel tiyresi, Shexemnen Shexem tiyresi,
32 Shemidadan Shemida tiyresi, Xeferden Xefer tiyresi.
33 Xeferdin' ulı Selofexadtın' ul perzentleri bolmadı, onın' tek g'ana Maxla, Noa, Xogla, Milka ha'm Tirsa degen qızları boldı.
34 Menashshe urıwınan tarag'an tiyreler usılardan ibarat bolıp, olardın' sanı 52 700 adam boldı.
35 Efrayım urıwınan kelip shıqqan tiyreler mınalar: Shutelaxtan Shutelax tiyresi, Bexerden Bexer tiyresi, Taxannan Taxan tiyresi.
36 Shutelaxtan tarag'an tiyre: Erannan Eran tiyresi.
37 Efrayım urıwınan tarag'an tiyreler usılardan ibarat bolıp, olardın' sanı 32 500 adam boldı. Tiyreleri boyınsha Yusuptin' urpag'ınan kelip shıqqan tiyreler usılar edi
38 Benyamin urıwınan kelip shıqqan tiyreler mınalar: Beladan Bela tiyresi, Ashbelden Ashbel tiyresi, Axiramnan Axiram tiyresi,
39 Shefufamnan Shefufam tiyresi, Xufamnan Xufam tiyresi.
40 Belanın' ulları Ard ha'm Naamannan kelip shıqqan tiyreler: Ardtan Ard tiyresi, Naamannan Naaman tiyresi.
41 Benyamin urıwınan tarag'an tiyreler usılardan ibarat bolıp, olardın' sanı 45 600 adam boldı.
42 Dan urıwınan kelip shıqqan tiyreler mınalar: Shuxamnan Shuxam tiyresi. Dan urıwınan tarag'an tiyre usıdan ibarat edi.
43 Dan urıwı Shuxam tiyresinen ibarat bolıp, olardın' sanı 64 400 adam boldı.
44 Asher urıwınan kelip shıqqan tiyreler mınalar: İmnadan İmna tiyresi, İshwiyden İshwiy tiyresi, Beriadan Beria tiyresi.
45 Beriadan kelip shıqqan tiyreler: Xeberden Xeber tiyresi, Malkielden Malkiel tiyresi.
46 Asherdin' Serax atlı bir qızı bar edi.
47 Asher urıwınan tarag'an tiyreler usılardan ibarat bolıp, olardın' sanı 53 400 adam boldı.
48 Naftaliy urıwınan kelip shıqqan tiyreler mınalar: Yaxsielden Yaxsiel tiyresi, Guniyden Guniy tiyresi,
49 Eserden Eser tiyresi, Shillemnen Shillem tiyresi.
50 Naftaliy urıwınan tarag'an tiyreler usılardan ibarat bolıp, olardın' sanı 45 400 adam boldı.
51 Solay etip, esaptan o'tken izraillı er adamlardın' barlıg'ı 601 730 adam boldı.
52 Jaratqan İye Muwsag'a bılay dedi:
53 – Olarg'a adam sanı boyınsha jerdi u'les etip bo'lip ber.
54 Adam sanı ko'p bolg'an urıwg'a u'lken, sanı az bolg'an urıwg'a kishi u'les jer beresen'. Ha'r bir urıwg'a esaptan o'tken adam sanına qaray jer u'lesi berilsin.
55 Jer shek boyınsha bo'listirip berilsin. Ha'r bir urıw o'z u'les jerin babasının' atı boyınsha alıwı tiyis.
56 Ha'r bir urıwdın' u'lesi u'lkenkishisine qarap, shek boyınsha bo'listirip berilsin.
57 Tiyreleri boyınsha esaptan o'tken Lebiy urıwının' urpaqları mınalar: Gershonnan Gershon tiyresi, Qohattan Qohat tiyresi, Merariyden Merariy tiyresi.
58 Mınalar da Lebiyge tiyisli tiyreler: Libniy tiyresi, Xebron tiyresi, Maxliy tiyresi, Mushiy tiyresi, Qorax tiyresi. Qohat Amramnın' a'kesi edi.
59 Amramnın' hayalı İoxebed edi. Ol Lebiy urıwınan bolıp, Mısırda tuwılg'an edi. İoxebed Amramg'a Xaron ha'm Muwsa degen eki ul ha'm Ma'riyam degen bir qız tuwıp bergen edi.
60 Xaronnın' Nadab, Abihu, Elazar ha'm İtamar degen ulları bar edi.
61 Nadab penen Abihu Jaratqan İye buyırmag'an ottı Onın' aldına alıp kelgeni ushın o'lgen edi.
62 Lebiy urıwındag'ı bir aylıq ha'm onnan joqarı jastag'ı barlıq er adamlardın' sanı 23 000 boldı. Olar basqa izraillılar menen birge esaptan o'tpedi. O'ytkeni olarg'a basqa izraillılar menen bir qatar u'les jer berilmegen edi.
63 Oypatlıqtın' Moabqa tiyisli bo'leginde, Erixo qarsısındag'ı İordan da'ryasının' boyında Muwsa menen ruwxaniy Elazardın' esaptan o'tkergen İzrail xalqı usılardan ibarat edi.
64 Biraq bul esaptan o'tkenlerdin' arasında Muwsa menen ruwxaniy Xaronnın' Sinay sho'linde esaptan o'tkergen izraillılardan birewi de joq edi.
65 Sebebi Jaratqan İye sol waqıtta olardın' sho'lde pu'tkilley qırılıp ketetug'ının aytqan edi. Olardan Efunne ulı Kaleb penen Nun ulı Eshuadan basqa hesh kim aman qalmag'an edi.
