Sanlar 28 bob

Ku'ndelikli qurbanlıqlar(1-8),Shabbat qurbanlıqları((9-10),Jan'a ay qurbanlıqları(11-15),Qutqarılıw ası(16-25),Ha'pteler bayramında beriletug'ın qurbanlıqlar(26-31).

¹ Jaratqan İye Muwsag'a bılay dedi:

² İzraillılarg'a buyrıq berip, bılay dep ayt: «Mag'an usınatug'ın qurbanlıqtı, yag'nıy awqattı xosh iyisli sıy retinde belgilengen waqıtta alıp kelin'».

³ Olarg'a ja'ne bılay dep ayt: «Jaratqan İyege beretug'ın sıy mınadan ibarat: ku'ndelikli beriletug'ın jandırılatug'ın qurbanlıq ushın ha'r ku'ni bir jasar eki minsiz erkek toqlı alıp kelin'.

⁴ Toqlılardın' birewin azanda, ekinshisin keshte qurbanlıq qılın'.

⁵ Ha'r bir toqlı menen birge g'a'lle sadaqası etip to'rtten bir hin sapalı za'ytu'n mayı menen onnan bir efa sapalı unnan usının'.

⁶ Bul – Sinay tawında buyırılg'an ku'ndelikli beriletug'ın jandırılatug'ın qurbanlıq, Jaratqan İyege xosh iyisli sıy boladı.

⁷ Ha'r bir toqlı menen birge ishimlik sadaqası ushın to'rtten bir hin sharap usının'. İshimlik sadaqasın Jaratqan İyege arnap Muxaddes jerde quyın'.

⁸ Ekinshi toqlını keshte qurbanlıq qılın'. Azang'ı qurbanlıq sıyaqlı, bul qurbanlıqqa qosıp, belgilengen mug'darda g'a'lle ha'm ishimlik sadaqasın berin'. Bul qurbanlıqtı Jaratqan İyege xosh iyisli sıy retinde usının'».

⁹ «Al Shabbat ku'ni bir jasar minsiz eki erkek toqlı menen birge g'a'lle sadaqası etip za'ytu'n mayı aralastırılg'an onnan eki efa sapalı un ha'm ishimlik sadaqasın berin'.

¹⁰ Ku'ndelikli beriletug'ın jandırılatug'ın qurbanlıq penen ishimlik sadaqasınan tısqarı ha'r Shabbat ku'ni beriletug'ın jandırılatug'ın qurbanlıq usıdan ibarat».

¹¹ «Ha'r aydın' birinshi ku'ni Jaratqan İyege arnap jandırılatug'ın qurbanlıq ushın ha'r biri minsiz bolg'an eki bug'a, bir qoshqar ha'm bir jasardan bolg'an jeti erkek toqlı usının'.

¹² Bul qurbanlıqlarg'a qosıp belgilengen mug'darda za'ytu'n mayı aralastırılg'an sapalı undı g'a'lle sadaqası etip usının': ha'r bir bug'a menen onnan u'sh efa un, qoshqar menen onnan eki efa un,

¹³ ha'r bir toqlı menen onnan bir efa un. Bul – Jaratqan İyege xosh iyisli sıy ha'm jandırılatug'ın qurbanlıq boladı.

¹⁴ Ha'r bir bug'a menen birge ishimlik sadaqası etip yarım hin, ha'r bir qoshqar menen birge u'shten bir hin, ha'r bir toqlı menen birge to'rtten bir hin sharap usının'. Bul jıl dawamında jan'a ayda beriletug'ın jandırılatug'ın qurbanlıq boladı.

¹⁵ Ku'ndelikli beriletug'ın jandırılatug'ın qurbanlıq penen ishimlik sadaqasınan tısqarı, Jaratqan İyege gu'na qurbanlıg'ı ushın bir teke usının'».

¹⁶ «Jaratqan İyenin' Qutqarılıw asına arnalg'an qurbanlıq birinshi aydın' on to'rtinshi ku'ni shalınsın.

¹⁷ On besinshi ku'ni jeti ku'nlik bayram baslanadı, sizler usı jeti ku'n dawamında ashıtqısız nan jewin'iz kerek.

¹⁸ Bayramnın' birinshi ku'ni muxaddes jıynalıs qılın', ku'ndelikli jumısın'ızdı islemen'.

¹⁹ Jaratqan İye ushın jandırılatug'ın qurbanlıq etip eki bug'a, bir qoshqar ha'm bir jasardan bolg'an jeti erkek toqlı usının'. Bul haywanlardın' ha'mmesi minsiz bolsın.

²⁰ Ha'r bir bug'a menen birge g'a'lle sadaqası etip, za'ytu'n mayı aralastırılg'an onnan u'sh efa sapalı un, ha'r bir qoshqar menen birge onnan eki efa sapalı un,

²¹ ha'r bir toqlı menen birge onnan bir efa sapalı unnan alıp kelin'.

²² O'zlerin'izdi gu'nadan pa'klew ushın gu'na qurbanlıg'ı etip bir teke usının'.

²³ Bulardı ha'r ku'ni azanda usınatug'ın jandırılatug'ın qurbanlıg'ın'ız benen birge usının'.

²⁴ Solay etip, jeti ku'n dawamında ha'r ku'ni Jaratqan İyege awqat sıpatında xosh iyisli sıy usının'. Bunı ku'ndelikli jandırılatug'ın qurbanlıq penen ishimlik sadaqasınan tısqarı usının'.

²⁵ Solay etip, jeti ku'n dawamında ha'r ku'ni Jaratqan İyege awqat sıpatında xosh iyisli sıy usının'. Bunı ku'ndelikli jandırılatug'ın qurbanlıq penen ishimlik sadaqasınan tısqarı usının'.

²⁶ «Da'slepki o'nimdi nıshanlaytug'ın Ha'pteler bayramında Jaratqan İyege taza biyday zu'ra'a'tinen sadaqa usıng'anın'ızda, muxaddes jıynalıs qılın'. Sol ku'ni ku'ndelikli jumısların'ızdı islemen'ler

²⁷ aratqan İyege xosh iyisli sıy bolıwı ushın eki bug'a, bir qoshqar ha'm bir jasardan bolg'an jeti erkek toqlını jandırılatug'ın qurbanlıq etip usının'.

²⁸ Bul qurbanlıqlarg'a qosıp belgilengen mug'darda za'ytu'n mayı aralastırılg'an sapalı unnan g'a'lle sadaqası etip usının': ha'r bir bug'a menen onnan u'sh efa un, qoshqar menen onnan eki efa un,

²⁹ ha'r bir toqlı menen onnan bir efa un. 30O'zlerin'izdi gu'nadan pa'klewin'iz ushın bir teke usının'.

³⁰ O'zlerin'izdi gu'nadan pa'klewin'iz ushın bir teke usının'.

³¹ Bul qurbanlıqlardı ha'm og'an qosıp beriletug'ın ishimlik sadaqaların ku'ndelikli jandırılatug'ın qurbanlıq penen g'a'lle sadaqasınan tısqarı usının'. Qurbanlıqqa alıp keletug'ın haywanların'ız minsiz bolsın».