Sanlar 29 bob
1 «Jetinshi aydın' birinshi ku'ni muxaddes jıynalıs qılın', ku'ndelikli jumısların'ızdı islemen'. Sol ku'ni sizler ushın ka'rnay shertiletug'ın ku'n bolsın.
2 Jaratqan İyege xosh iyisli sıy bolıwı ushın minsiz bir bug'a, bir qoshqar ha'm bir jasardan bolg'an jeti erkek toqlı jandırılatug'ın qurbanlıq etip usının'.
3 Bug'a menen birge g'a'lle sadaqası ushın za'ytu'n mayı aralastırılg'an onnan u'sh efa sapalı un, qoshqar menen birge onnan eki efa sapalı un,
4 ha'r bir toqlı menen birge onnan bir efa sapalı un alıp kelin'.
5 O'zlerin'izdi gu'nalardan pa'klew ushın gu'na qurbanlıg'ı etip bir teke usının'.
6 Qag'ıyda boyınsha ha'r bir ayda ha'm ku'ndelikli beriletug'ın jandırılatug'ın qurbanlıq penen ishimlik sadaqası ha'm g'a'lle sadaqasınan tısqarı usılardı qurbanlıqqa berin'. Bular – Jaratqan İyege xosh iyisli sıy boladı».
7 «Jetinshi aydın' onınshı ku'ni muxaddes jıynalıs qılın'. Sol ku'ni oraza tutıp, hesh qanday jumıs islemen'.
8 Jaratqan İyege xosh iyisli sıy ushın bir bug'a, bir qoshqar ha'm ha'r biri bir jasardan bolg'an jeti toqlını jandırılatug'ın qurbanlıq qılıp usının'. Qurbanlıqqa beriletug'ın bul haywanlar minsiz bolsın.
9 Bug'a menen birge beriletug'ın g'a'lle sadaqası ushın za'ytu'n mayı aralastırılg'an onnan u'sh efa sapalı un, qoshqar menen birge onnan eki efa sapalı un,
10 ha'r bir toqlı menen birge onnan bir efa sapalı unnan usının'.
11 Gu'na qurbanlıg'ı ushın bir teke usının'. Bul qurbanlıqlar gu'naların'ızdan pa'kleniw ushın berilgen gu'na qurbanlıg'ınan, ku'ndelikli jandırılatug'ın qurbanlıq penen ishimlik ha'm g'a'lle sadaqalarınan tısqarı berilsin».
12 Jetinshi aydın' on besinshi ku'ni muxaddes jıynalıs qılın'. Sol ku'ni ku'ndelikli jumısların'ızdı islemen'. Jeti ku'n dawamında Jaratqan İyege arnap bayram qılın'.
13 Birinshi ku'ni Jaratqan İyege xosh iyisli sıy ushın on u'sh bug'a, eki qoshqar ha'm ha'r biri bir jasardan bolg'an on to'rt erkek toqlını jandırılatug'ın qurbanlıq etip usının'. Bul haywanlar minsiz bolsın.
14 Ha'r bir bug'a menen birge beriletug'ın g'a'lle sadaqası ushın za'ytu'n mayı aralastırılg'an onnan u'sh efa sapalı un, ha'r bir qoshqar menen birge onnan eki efa sapalı un,
15 ha'r bir toqlı menen birge onnan bir efa sapalı unnan usının'.
16 Gu'na qurbanlıg'ı ushın bir teke usının'. Bul qurbanlıqlar ku'ndelikli jandırılatug'ın qurbanlıq penen g'a'lle ha'm ishimlik sadaqalarınan tısqarı berilsin.
17 Ekinshi ku'ni on eki bug'a, eki qoshqar ha'm ha'r biri bir jasardan bolg'an on to'rt erkek toqlını usının'. Bul haywanlardın' ha'mmesi minsiz bolsın.
18 Ha'r bir bug'a, qoshqar ha'm toqlı menen birge sanına qaray belgilengen mug'darda g'a'lle ha'm ishimlik sadaqaların usının'.
19 Gu'na qurbanlıg'ı ushın bir teke usının'. Bul qurbanlıqlar ku'ndelikli jandırılatug'ın qurbanlıq penen g'a'lle ha'm ishimlik sadaqalarınan tısqarı berilsin.
20 U'shinshi ku'ni on bir bug'a, eki qoshqar ha'm ha'r biri bir jasardan bolg'an on to'rt erkek toqlını qurbanlıq qılın'. Bul haywanlardın' ha'mmesi minsiz bolsın.
21 Ha'r bir bug'a, qoshqar ha'm toqlı menen birge sanına qaray belgilengen mug'darda g'a'lle ha'm ishimlik sadaqaların usının'.
22 Gu'na qurbanlıg'ı ushın bir teke usının'. Bul qurbanlıqlar ku'ndelikli jandırılatug'ın qurbanlıq penen g'a'lle ha'm ishimlik sadaqalarınan tısqarı berilsin.
23 To'rtinshi ku'ni on bug'a, eki qoshqar ha'm ha'r biri bir jasardan bolg'an on to'rt erkek toqlını qurbanlıq qılın'. Bul haywanlardın' ha'mmesi minsiz bolsın.
24 Ha'r bir bug'a, qoshqar ha'm toqlı menen birge sanına qaray belgilengen mug'darda g'a'lle ha'm ishimlik sadaqaların usının'.
25 Gu'na qurbanlıg'ı ushın bir teke usının'. Bul qurbanlıqlar ku'ndelikli jandırılatug'ın qurbanlıq penen g'a'lle ha'm ishimlik sadaqalarınan tısqarı berilsin.
26 Besinshi ku'ni tog'ız bug'a, eki qoshqar ha'm ha'r biri bir jasardan bolg'an on to'rt erkek toqlını qurbanlıq qılın'. Bul haywanlardın' ha'mmesi minsiz bolsın.
27 Ha'r bir bug'a, qoshqar ha'm toqlı menen birge sanına qaray belgilengen mug'darda g'a'lle ha'm ishimlik sadaqaların usının'.
28 Gu'na qurbanlıg'ı ushın bir teke usının'. Bul qurbanlıqlar ku'ndelikli jandırılatug'ın qurbanlıq penen g'a'lle ha'm ishimlik sadaqalarınan tısqarı berilsin.
29 Altınshı ku'ni segiz bug'a, eki qoshqar ha'm ha'r biri bir jasardan bolg'an on to'rt erkek toqlını qurbanlıq qılın'. Bul haywanlardın' ha'mmesi minsiz bolsın.
30 Ha'r bir bug'a, qoshqar ha'm toqlı menen birge sanına qaray belgilengen mug'darda g'a'lle ha'm ishimlik sadaqaların usının'.
31 Gu'na qurbanlıg'ı ushın bir teke usının'. Bul qurbanlıqlar ku'ndelikli jandırılatug'ın qurbanlıq penen g'a'lle ha'm ishimlik sadaqalarınan tısqarı berilsin.
32 Jetinshi ku'ni jeti bug'a, eki qoshqar ha'm ha'r biri bir jasardan bolg'an on to'rt erkek toqlını qurbanlıq qılın'. Bul haywanlardın' ha'mmesi minsiz bolsın.
33 Ha'r bir bug'a, qoshqar ha'm toqlı menen birge sanına qaray belgilengen mug'darda g'a'lle ha'm ishimlik sadaqaların usının'.
34 Gu'na qurbanlıg'ı ushın bir teke usının'. Bul qurbanlıqlar ku'ndelikli jandırılatug'ın qurbanlıq penen g'a'lle ha'm ishimlik sadaqalarınan tısqarı berilsin.
35 Segizinshi ku'ni saltanatlı jıynalıs qılın', ku'ndelikli jumısların'ızdı islemen'ler.
36 Jaratqan İyege xosh iyisli sıy ushın bir bug'a, bir qoshqar ha'm ha'r biri bir jasardan bolg'an jeti erkek toqlını jandırılatug'ın qurbanlıq etip usının'. Bul haywanlar minsiz bolsın.
37 Ha'r bir bug'a, qoshqar ha'm toqlı menen birge sanına qaray belgilengen mug'darda g'a'lle ha'm ishimlik sadaqaların usının'.
38 Gu'na qurbanlıg'ı ushın bir teke usının'. Bul qurbanlıqlar ku'ndelikli jandırılatug'ın qurbanlıq penen g'a'lle ha'm ishimlik sadaqalarınan tısqarı berilsin.
39 9Usı qurbanlıqlardın' barlıg'ın – wa'de boyınsha beriletug'ın qurbanlıq ha'm ıqtıyarlı qurbanlıqların'ızdan tısqarı jandırılatug'ın qurbanlıq bolsın, g'a'lle ha'm ishimlik sadaqalar bolsın, tatıwlıq qurbanlıq bolsın Jaratqan İyege belgilengen waqıtta alıp kelin'».
