Sanlar 33 bob
1 Muwsa ha'm Xaronnın' jetekshiligi astında top-tobı menen Mısırdan shıqqan izraillılar to'mendegi jollar menen ju'rip o'tti.
2 Muwsa Jaratqan İyenin' buyrıg'ı boyınsha ko'ship-qonıp ju'rgen jollarında qonıs basqan jerlerinin' atların jazıp bardı. Bul jerler mınalar edi:
3 İzraillılar Qutqarılıw asınan keyingi ku'ni, birinshi aydın' on besinshi ku'ni mısırlılardın' ko'z aldında nıq qa'dem atıp, Ramses qalasınan jolg'a shıqtı.
4 Sol waqıtta mısırlılar Jaratqan İyenin' o'ltirgen tun'g'ısh ulların jerlep atırg'an edi. Sebebi Jaratqan İye olardın' qudayların jazalag'an edi.
5 Solay etip, izraillılar Ramsesten jolg'a shıg'ıp ketkennen keyin, olar Sukkotqa ornalastı.
6 Keyin olar Sukkottan shıg'ıp, sho'ldin' shetindegi Etamg'a ornalastı.
7 Etamnan shıg'ıp, olar Baal-Sefonnın' shıg'ısındag'ı Piy-Haxirotqa qaray burılıp, Migdolg'a jaqın jerge ornalastı.
8 Piy-Haxirottan shıg'ıp, ten'iz arqalı o'tip, sho'lge qaray jol aldı. Etam sho'linde u'sh ku'n jol ju'rgennen son', olar Marag'a ornalastı.
9 aradan shıg'ıp, olar on eki suw bulag'ı ha'm jetpis palma ag'ashı bolg'an Elimge barıp, sol jerde ornalastı.
10 Olar Elimnen shıg'ıp, Qamıs ten'izinin' boyına ornalastı.
11 Qamıs ten'izinin' boyınan shıg'ıp, Sin sho'line ornalastı.
12 Sin sho'linen shıg'ıp, olar Dofqag'a ornalastı.
13 Dofqadan shıg'ıp, Alushqa ornalastı.
14 Alushtan shıg'ıp, Refidimge ornalastı. Biraq ol jerde xalıq ushın ishetug'ın suw joq edi.
15 Refidimnen shıg'ıp, Sinay sho'line ornalastı.
16 Sinay sho'linen shıg'ıp, Kibrot-Hattaawag'a ornalastı.
17 Kibrot-Hattaawadan shıg'ıp, Xaserotqa ornalastı.
18 Xaserottan shıg'ıp, Ritmag'a ornalastı.
19 Ritmadan shıg'ıp, Rimmon-Pereske ornalastı.
20 Rimmon-Peresten shıg'ıp, Libnag'a ornalastı.
21 Libnadan shıg'ıp, Rissag'a ornalastı.
22 Rissadan shıg'ıp, Kehelatag'a ornalastı.
23 Kehelatadan shıg'ıp, Shefer tawına ornalastı.
24 Shefer tawınan shıg'ıp, Xaradag'a ornalastı.
25 Xaradadan shıg'ıp, Maqhelotqa ornalastı.
26 Maqhelottan shıg'ıp, Taxatqa ornalastı.
27 Taxattan shıg'ıp, Teraxqa ornalastı.
28 Teraxtan shıg'ıp, Mitqag'a ornalastı.
29 Mitqadan shıg'ıp, Xashmonag'a ornalastı.
30 Xashmonadan shıg'ıp, Moserotqa ornalastı.
31 Moserottan shıg'ıp, Bene-Yaaqang'a ornalastı.
32 Bene-Yaaqannan shıg'ıp, Xor-Hagidgadqa ornalastı.
33 Xor-Hagidgadtan shıg'ıp, İotbatag'a ornalastı.
34 İotbatadan shıg'ıp, Abronag'a ornalastı.
35 Abronadan shıg'ıp, Esion-Geberge ornalastı.
36 Esion-Geberden shıg'ıp, Zin sho'lindegi Qadeshke ornalastı.
37 Qadeshten shıg'ıp, olar Edom shegarasındag'ı Hor tawının' qasına ornalastı.
38 Ruwxaniy Xaron Jaratqan İyenin' buyrıg'ı boyınsha Hor tawına shıg'ıp, sol jerde qaytıs boldı. Bul waqıya izraillılar Mısırdan shıqqannan keyin qırqınshı jılı, besinshi aydın' birinshi ku'ninde boldı.
39 Xaron Hor tawında qaytıs bolg'anda 123 jasta edi.
40 Qanan elinin' Negebte jasaytug'ın qananlı Arad patshası izraillılardın' sol jerge kelgeninen xabar taptı.
41 İzraillılar Hor tawınan shıg'ıp, Salmonag'a ornalastı.
42 Salmonadan shıg'ıp, Punong'a ornalastı.
43 Punonnan shıg'ıp, Obotqa ornalastı.
44 Obottan shıg'ıp, Moab shegarasındag'ı İye-Abarimge ornalastı.
45 İye-Abarimnen shıg'ıp, Dibon-Gadqa ornalastı.
46 Dibon-Gadtan shıg'ıp, Almon-Diblatayımg'a ornalastı.
47 Almon-Diblatayımnan shıg'ıp, Nebog'a jaqın Abarim tawlarında ornalastı.
48 Almon-Diblatayımnan shıg'ıp, Nebog'a jaqın Abarim tawlarında ornalastı.
49 Olar oypatlıqtın' Moabqa tiyisli bo'leginde İordan boylap, Beyt-Eshimottan Abel-Shittimge deyin ornalasıp bardı.
50 Sol jerde, oypatlıqtın' Moabqa tiyisli bo'leginde, Erixonın' qarsısındag'ı İordannın' boyında Jaratqan İye Muwsag'a bılay dep ayttı:
51 – İzraillılarg'a bılay dep ayt: «Sizler İordan da'ryasınan o'tip, Qanan eline kirgenin'izde,
52 sol elde jasaytug'ın barlıq xalıqtı quwıp jiberin', but su'wretlerin ha'm mu'sinlerin joq qılıp, sıyınıw orınların buzıp taslan'.
53 Eldi iyelep alıp, ol jerge ornalasıp alın', o'ytkeni Men sizlerge sol jerdi mu'lik qılıp berdim.
54 Jerlerdi urıwlar ara shek taslap bo'lisip alın'. U'lken urıwg'a u'lken u'les jer, kishi urıwg'a kishi u'les jer berin'. Shek boyınsha kimge qaysı jer tu'sse, sol jer sol urıwg'a tiyisli boladı. U'les jerlerdi atababaların'ızdan tarag'an urıwlar boyınsha bo'listirip berin'.
55 Eger sol eldin' turg'ınların quwıp shıg'armasan'ız, onda sol jerde qalg'an xalıq ko'zlerin'izge tu'sken sho'p, bu'yirlerin'izge kirgen tikendey boladı. Olar jasaytug'ın jerin'izde sizlerdi qısqıg'a aladı.
56 Sonda Men olarg'a ne islewdi niyetlegen bolsam, sizlerge sonı isleymen».
