Sanlar 7 bob
1 Muwsa Shatırdı tigip bolg'annan son', Shatırg'a ha'm onın' barlıq buyımlarına, ja'ne de, qurbanlıq orıng'a ha'm og'an tiyisli barlıq buyımlarına may serpip, olardı bag'ıshladı.
2 Keyin İzraildın' ko'semleri, dizimge alıw wazıypasın alıp barg'an a'wlad ha'm urıw basshıları o'z sıyların alıp keldi.
3 Olardın' Jaratqan İyege alıp kelgen sıyları u'sti bastırılg'an altı arba ha'm on eki o'gizden ibarat edi. Ha'r bir ko'sem bir o'gizden ha'm ha'r bir eki ko'sem bir arbadan alıp kelgen edi. Ko'semler bul sıyların shatırdın' aldına a'kelip qoydı.
4 Keyin Jaratqan İye Muwsag'a bılay dedi:
5 – Bul sıylardı olardan qabıl etip al. Bulardı Ushırasıw shatırındag'ı xızmetlerde qollanın'. Lebiylilerdin' isleytug'ın xızmetlerine qarap, bulardı olarg'a bo'lip ber.
6 Sonda Muwsa arba ha'm o'gizlerdi alıp, lebiylilerge bo'listirip berdi.
7 İsleytug'ın xızmetleri boyınsha Gershon urpag'ına eki arba menen to'rt o'giz,
8 Merariy urpag'ına to'rt arba menen segiz o'giz berdi. Merariy ha'm Gershon urpaqları ruwxaniy Xaronnın' ulı İtamardın' baqlawı astında xızmet qılatug'ın edi.
9 Qohat urpag'ına bolsa, hesh na'rse bermedi. Sebebi olardın' isleytug'ın xızmeti muxaddes buyımlardı iyninde ko'terip, alıp ju'riw edi.
10 Qurbanlıq orın maylanıp, bag'ıshlang'an waqıtta, ko'semler o'zlerinin' basqa sıyların alıp keldi ha'm bulardı orınnın' aldına a'kelip qoydı.
11 Bul haqqında Jaratqan İye Muwsag'a: «Qurbanlıq orınnın' bag'ıshlanıwı ushın ha'r ku'ni bir ko'sem o'zinin' sıyın usınsın», – degen edi.
12 Birinshi ku'ni Yahuda urıwınan Amminadab ulı Naxshon sıyların usındı.
13 Onın' a'kelgen sıyları mınalardan ibarat edi: Muxaddes orın o'lshemi menen 130 shekel awırlıg'ındag'ı bir gu'mis jalpaq tabaq, 70 shekel awırlıg'ındag'ı bir gu'mis qırma. Bul ekewi de g'a'lle sadaqası ushın za'ytu'n mayı aralastırılg'an sapalı ung'a tolı edi.
14 Tu'tetki toltırılg'an 10 shekel awırlıg'ındag'ı bir altın tostag'an,
15 jandırılatug'ın qurbanlıq ushın bir bug'a, bir qoshqar, bir jasar erkek toqlı,
16 gu'na qurbanlıg'ı ushın bir teke,
17 tatıwlıq qurbanlıg'ı ushın eki bug'a, bes qoshqar, bes teke, ha'r biri bir jasardan bolg'an bes erkek toqlı. Amminadab ulı Naxshonnın' alıp kelgen sıyları usılar edi.
18 Ekinshi ku'ni İssaxar urıwının' ko'semi Suar ulı Netanel sıyların usındı.
19 Onın' alıp kelgen sıyları mınalar edi: Muxaddes orın o'lshemi menen 130 shekel awırlıg'ındag'ı bir gu'mis jalpaq tabaq, 70 shekel awırlıg'ındag'ı bir gu'mis qırma. Bul ekewi de g'a'lle sadaqası ushın za'ytu'n mayı aralastırılg'an sapalı ung'a tolı edi.
20 Tu'tetki toltırılg'an 10 shekel awırlıg'ındag'ı bir altın tostag'an,
21 jandırılatug'ın qurbanlıq ushın bir bug'a, bir qoshqar ha'm bir jasar erkek toqlı,
22 gu'na qurbanlıg'ı ushın bir teke,
23 tatıwlıq qurbanlıg'ı ushın eki bug'a, bes qoshqar, bes teke ha'm ha'r biri bir jasardan bolg'an bes erkek toqlı. Suar ulı Netaneldin' alıp kelgen sıyları usılar edi.
24 U'shinshi ku'ni Zebulon urıwının' ko'semi Xelon ulı Eliab sıyların usındı.
25 Onın' alıp kelgen sıyları mınalardan ibarat edi: Muxaddes orın o'lshemi menen 130 shekel awırlıg'ındag'ı bir gu'mis jalpaq tabaq, 70 shekel awırlıg'ındag'ı bir gu'mis qırma. Bul ekewi de g'a'lle sadaqası ushın za'ytu'n mayı aralastırılg'an sapalı ung'a tolı edi.
26 Tu'tetki toltırılg'an 10 shekel awırlıg'ındag'ı bir altın tostag'an,
27 jandırılatug'ın qurbanlıq ushın bir bug'a, bir qoshqar ha'm bir jasar erkek toqlı.
28 Gu'na qurbanlıg'ı ushın bir teke,
29 tatıwlıq qurbanlıg'ı ushın eki bug'a, bes qoshqar, bes teke ha'm ha'r biri bir jasardan bolg'an bes erkek toqlı. Xelon ulı Eliabtın' alıp kelgen sıyları usılar edi.
30 To'rtinshi ku'ni Ruben urıwının' ko'semi Shedeur ulı Elisur sıyların usındı.
31 Onın' alıp kelgen sıyları mınalardan ibarat edi: Muxaddes orın o'lshemi menen 130 shekel awırlıg'ındag'ı bir gu'mis jalpaq tabaq, 70 shekel awırlıg'ındag'ı bir gu'mis qırma. Bul ekewi de g'a'lle sadaqası ushın za'ytu'n mayı menen aralastırılg'an sapalı ung'a tolı edi.
32 Tu'tetki toltırılg'an 10 shekel awırlıg'ındag'ı bir altın tostag'an,
33 andırılatug'ın qurbanlıq ushın bir bug'a, bir qoshqar ha'm bir jasar erkek toqlı.
34 Gu'na qurbanlıg'ı ushın bir teke,
35 tatıwlıq qurbanlıg'ı ushın eki bug'a, bes qoshqar, bes teke ha'm ha'r biri bir jasardan bolg'an bes erkek toqlı. Shedeur ulı Elisurdın' alıp kelgen sıyları usılar edi.
36 Besinshi ku'ni Shimon urıwının' ko'semi Surishadday ulı Shelumiel sıyların usındı.
37 Onın' alıp kelgen sıyları mınalardan ibarat edi: Muxaddes orın o'lshemi menen 130 shekel awırlıg'ındag'ı bir gu'mis jalpaq tabaq, 70 shekel awırlıg'ındag'ı bir gu'mis qırma. Bul ekewi de g'a'lle sadaqası ushın za'ytu'n mayı menen aralastırılg'an sapalı ung'a tolı edi.
38 Tu'tetki toltırılg'an 10 shekel awırlıg'ındag'ı bir altın tostag'an,
39 jandırılatug'ın qurbanlıq ushın bir bug'a, bir qoshqar ha'm bir jasar erkek toqlı.
40 Gu'na qurbanlıg'ı ushın bir teke,
41 tatıwlıq qurbanlıg'ı ushın eki bug'a, bes qoshqar, bes teke ha'm ha'r biri bir jasardan bolg'an bes erkek toqlı. Surishadday ulı Shelumieldin' alıp kelgen sıyları usılar edi.
42 Altınshı ku'ni Gad urıwının' ko'semi Dewel ulı Elyasaf sıyların alıp keldi.
43 Onın' alıp kelgen sıyları mınalardan ibarat edi: Muxaddes orın o'lshemi menen 130 shekel awırlıg'ındag'ı bir gu'mis jalpaq tabaq, 70 shekel awırlıg'ındag'ı bir gu'mis qırma. Bul ekewi de g'a'lle sadaqası ushın za'ytu'n mayı aralastırılg'an sapalı ung'a tolı edi.
44 Tu'tetki toltırılg'an 10 shekel awırlıg'ındag'ı bir altın tostag'an,
45 jandırılatug'ın qurbanlıq ushın bir bug'a, bir qoshqar ha'm bir jasar erkek toqlı.
46 Gu'na qurbanlıg'ı ushın bir teke,
47 tatıwlıq qurbanlıg'ı ushın eki bug'a, bes qoshqar, bes teke ha'm ha'r biri bir jasardan bolg'an bes erkek toqlı. Dewel ulı Elyasaftın' alıp kelgen sıyları usılar edi.
48 Jetinshi ku'ni Efrayım urıwının' ko'semi Ammihud ulı Elishama sıyların usındı.
49 Onın' alıp kelgen sıyları mınalardan ibarat edi: Muxaddes orın o'lshemi menen 130 shekel awırlıg'ındag'ı bir gu'mis jalpaq tabaq, 70 shekel awırlıg'ındag'ı bir gu'mis qırma. Bul ekewi de g'a'lle sadaqası ushın za'ytu'n mayı menen aralastırılg'an sapalı ung'a tolı edi.
50 Tu'tetki toltırılg'an 10 shekel awırlıg'ındag'ı bir altın tostag'an,
51 jandırılatug'ın qurbanlıq ushın bir bug'a, bir qoshqar ha'm bir jasar erkek toqlı.
52 Gu'na qurbanlıg'ı ushın bir teke,
53 tatıwlıq qurbanlıg'ı ushın eki bug'a, bes qoshqar, bes teke ha'm ha'r biri bir jasardan bolg'an bes erkek toqlı. Ammihud ulı Elishamanın' alıp kelgen sıyları usılar edi.
54 Segizinshi ku'ni Menashshe urıwının' ko'semi Pedasur ulı Gamaliel sıyların usındı.
55 Onın' alıp kelgen sıyları mınalardan ibarat edi: Muxaddes orın o'lshemi menen 130 shekel awırlıg'ındag'ı bir gu'mis jalpaq tabaq, 70 shekel awırlıg'ındag'ı bir gu'mis qırma. Bul ekewi de g'a'lle sadaqası ushın za'ytu'n mayı aralastırılg'an sapalı ung'a tolı edi.
56 Tu'tetki toltırılg'an 10 shekel awırlıg'ındag'ı bir altın tostag'an,
57 jandırılatug'ın qurbanlıq ushın bir bug'a, bir qoshqar ha'm bir jasar erkek toqlı.
58 Gu'na qurbanlıg'ı ushın bir teke,
59 tatıwlıq qurbanlıg'ı ushın eki bug'a, bes qoshqar, bes teke ha'm ha'r biri bir jasardan bolg'an bes erkek toqlı. Pedasur ulı Gamalieldin' alıp kelgen sıyları usılar edi.
60 Tog'ızınshı ku'ni Benyamin urıwının' ko'semi Gidoniy ulı Abidan sıyların usındı.
61 Onın' alıp kelgen sıyları mınalardan ibarat edi: Muxaddes orın o'lshemi menen 130 shekel awırlıg'ındag'ı bir gu'mis jalpaq tabaq, 70 shekel awırlıg'ındag'ı bir gu'mis qırma. Bul ekewi de g'a'lle sadaqası ushın za'ytu'n mayı menen aralastırılg'an sapalı ung'a tolı edi.
62 Tu'tetki toltırılg'an 10 shekel awırlıg'ındag'ı bir altın tostag'an,
63 jandırılatug'ın qurbanlıq ushın bir bug'a, bir qoshqar ha'm bir jasar erkek toqlı.
64 Gu'na qurbanlıg'ı ushın bir teke,
65 tatıwlıq qurbanlıg'ı ushın eki bug'a, bes qoshqar, bes teke ha'm ha'r biri bir jasardan bolg'an bes erkek toqlı. Gidoniy ulı Abidannın' alıp kelgen sıyları usılar edi.
66 Onınshı ku'ni Dan urıwının' ko'semi Ammishadday ulı Axiezer sıyların usındı.
67 Onın' alıp kelgen sıyları mınalardan ibarat edi: Muxaddes orın o'lshemi menen 130 shekel awırlıg'ındag'ı bir gu'mis jalpaq tabaq, 70 shekel awırlıg'ındag'ı bir gu'mis qırma. Bul ekewi de g'a'lle sadaqası ushın za'ytu'n mayı aralastırılg'an sapalı ung'a tolı edi.
68 Tu'tetki toltırılg'an 10 shekel awırlıg'ındag'ı bir altın tostag'an,
69 jandırılatug'ın qurbanlıq ushın bir bug'a, bir qoshqar ha'm bir jasar erkek toqlı.
70 Gu'na qurbanlıg'ı ushın bir teke,
71 tatıwlıq qurbanlıg'ı ushın eki bug'a, bes qoshqar, bes teke ha'm ha'r biri bir jasardan bolg'an bes erkek toqlı. Ammishadday ulı Axiezerdin' alıp kelgen sıyları usılar edi.
72 On birinshi ku'ni Asher urıwının' ko'semi Oxran ulı Pagiel sıyların usındı.
73 Onın' alıp kelgen sıyları mınalardan ibarat edi: Muxaddes orın o'lshemi menen 130 shekel awırlıg'ındag'ı bir gu'mis jalpaq tabaq, 70 shekel awırlıg'ındag'ı bir gu'mis qırma. Bul ekewi de g'a'lle sadaqası ushın za'ytu'n mayı aralastırılg'an sapalı ung'a tolı edi.
74 Tu'tetki toltırılg'an 10 shekel awırlıg'ındag'ı bir altın tostag'an,
75 jandırılatug'ın qurbanlıq ushın bir bug'a, bir qoshqar ha'm bir jasar erkek toqlı.
76 Gu'na qurbanlıg'ı ushın bir teke,
77 tatıwlıq qurbanlıg'ı ushın eki bug'a, bes qoshqar, bes teke ha'm ha'r biri bir jasardan bolg'an bes erkek toqlı. Oxran ulı Pagieldin' alıp kelgen sıyları usılar edi.
78 On ekinshi ku'ni Naftaliy urıwının' ko'semi Enan ulı Axira sıyların usındı.
79 Onın' alıp kelgen sıyları mınalardan ibarat edi: Muxaddes orın o'lshemi menen 130 shekel awırlıg'ındag'ı bir gu'mis jalpaq tabaq, 70 shekel awırlıg'ındag'ı bir gu'mis qırma. Bul ekewi de g'a'lle sadaqası ushın za'ytu'n mayı aralastırılg'an sapalı ung'a tolı edi.
80 Tu'tetki toltırılg'an 10 shekel awırlıg'ındag'ı bir altın tostag'an,
81 jandırılatug'ın qurbanlıq ushın bir bug'a, bir qoshqar ha'm bir jasar erkek toqlı.
82 Gu'na qurbanlıg'ı ushın bir teke,
83 tatıwlıq qurbanlıg'ı ushın eki bug'a, bes qoshqar, bes teke ha'm ha'r biri bir jasardan bolg'an bes erkek toqlı. Enan ulı Axiranın' alıp kelgen sıyları usılar edi.
84 Solay etip, qurbanlıq orın maylang'an waqıtta, İzrail ko'semlerinin' orındı bag'ıshlaw ushın alıp kelgen sıyları mınalar edi: on eki gu'mis jalpaq tabaq, on eki gu'mis qırma, on eki altın tostag'an.
85 Ha'r bir gu'mis jalpaq tabaqtın' awırlıg'ı 130 shekelden, ha'r bir qırmanın' awırlıg'ı 70 shekelden edi. Muxaddes orın o'lshemi menen gu'mis ıdıslardın' barlıg'ının' awırlıg'ı 2400 shekel boldı.
86 Tu'tetki toltırılg'an on eki altın tostag'annın' ha'r birinin' awırlıg'ı Muxaddes orın o'lsheminde 10 shekel edi. Barlıq altın tostag'anlardın' awırlıg'ı 120 shekel boldı.
87 Jandırılatug'ın qurbanlıq ushın g'a'lle sadaqası menen birge usınılg'an haywanlardın' sanı on eki bug'a, on eki qoshqar ha'm bir jasardan bolg'an on eki erkek toqlı, gu'na qurbanlıg'ı ushın da on eki teke.
88 Tatıwlıq qurbanlıg'ı ushın usınılg'an haywanlardın' sanı jigirma to'rt bug'a, alpıs qoshqar, alpıs teke ha'm ha'r biri bir jasardan bolg'an alpıs erkek toqlı edi. Qurbanlıq orın maylang'annan son', orınnın' bag'ıshlanıwı ushın berilgen sıylar usılar edi.
89 Muwsa Jaratqan İye menen so'ylesiw ushın Ushırasıw shatırına kirgende, Kelisim sandıg'ının' qaqpag'ının' u'stindegi eki kerub* mu'sinleri arasınan o'zine so'ylegen dawıstı esitetug'ın edi. Jaratqan İye Muwsa menen usı ta'rizde so'ylesetug'ın edi.
