2 Korinfliler 8 bob
1 Tuwısqanlar, bizler sizlerge Qudaydın' Makedoniyadag'ı iseniwshi ja'ma'a'tlerge bergen miyrimi haqqında bildirgimiz keledi.
2 Olar awır qıyınshılıqlar menen sınalg'an bolsa da, quwanıshqa tolıp, ju'da' ka'mbag'al bolsa da, sheksiz saqıylıq ko'rsetti.
3 Jag'dayları ko'tergenshe, ha'tte, jag'daylarınan artıq da'rejede olardın' o'z qa'lewi menen saqıylıq ko'rsetkenine men o'zim gu'walıq beremen.
4 Olar Yahudiyadag'ı iseniwshilerge beriletug'ın ja'rdemge, yag'nıy usı qayırlı iske qatnasıwdı o'tinish etip, bizlerge jalbarıng'an edi.
5 Olar bizler u'mit etkenimizden de zıyat berip, Qudaydın' qa'lewi menen o'zlerin birinshiden İyemizge, son'ınan bizlerge bag'ıshladı.
6 Sonlıqtan burın sizlerdin' aran'ızda bul qayırlı isti baslag'an Titustan onı juwmaqlawın o'tindik.
7 Sizler Masixqa degen isenimde, Qudaydın' so'zin so'ylewde, haqıyqattı biliwde, inta menen xızmet etiwde, bizlerge degen su'yispenshilikte, ulıwma ha'mme na'rsede u'stinsiz. Sol sıyaqlı, bul qayırlı iste de sizlerdin' u'stin bolıwın'ızdı qa'leymiz.
8 Bunı buyrıq retinde aytıp atırg'an joqpan. Al, basqa ja'ma'a'tlerdin' intası haqqında aytıp, sizlerdin' su'yispenshiligin'izdin' haqıyqıylıg'ın sınap ko'rip atırman.
9 Sebebi sizler İyemiz İysa Masixtın' miyrimin bilesizler: Ol O'zi bay bola tura, sizler ushın bul du'nyada jarlı boldı. Onın' jarlılıg'ı menen sizler ruwxıy baylıqqa iye boldın'ız.
10 Bul boyınsha men sizlerge bir paydalı ken'es beremen. Sizler o'tken jılı o'z qa'lewin'iz benen ja'rdem aqshanı jıynawdı birinshi bolıp baslag'an edin'ler.
11 Eger sizler o'zlerin'izde bar na'rseni inta menen bersen'iz, Quday onı ırzashılıq penen qabıl etedi. Biraq, Ol sizlerde joq na'rseni talap etpeydi.
12 Eger sizler o'zlerin'izde bar na'rseni inta menen bersen'iz, Quday onı ırzashılıq penen qabıl etedi. Biraq, Ol sizlerde joq na'rseni talap etpeydi.
13 Basqalardın' awhalın jen'illetiw ushın sizlerge awırmanlıq salıw kerek, demekshi emespen. Al ten'lik bolıwı kerek, demekshimen.
14 Ha'zirgi sizlerdegi molshılıq olardın' jetpey turg'an na'rsesin tolıqtıradı. Al son'ınan olardag'ı molshılıq sizlerdegi jetpey turg'an na'rseni tolıqtıradı. Solay etip, ten'lik boladı.
15 Muxaddes Jazıwda: «Ko'p jıynag'an adamnın' artıq na'rsesi, az jıynag'an adamnın' kem na'rsesi bolmadı» , – dep aytılg'anday boladı.
16 Menin' kewlimdegi sizlerge degen intanı Titustın' da kewline salg'an Qudayg'a shu'kirler bolsın!
17 Onın' menen birge bir tuwısqanımızdı da jiberip atırmız. Ol Xosh Xabardı ja'riyalaw boyınsha barlıq iseniwshi ja'ma'a'tler ta'repinen maqtawg'a erisken adam.
18 Onın' menen birge bir tuwısqanımızdı da jiberip atırmız. Ol Xosh Xabardı ja'riyalaw boyınsha barlıq iseniwshi ja'ma'a'tler ta'repinen maqtawg'a erisken adam.
19 Bunın' u'stine, bul tuwısqanımızdı bizler islep atırg'an usı qayırlı xızmette joldas bolsın dep, iseniwshi ja'ma'a'tler saylap qoyg'an edi. Bizler İyemizdin' dan'qı ushın ha'm ja'rdem beriwge intalı ekenimizdi ko'rsetiwimiz ushın usı qayırlı xızmetti islep atırmız.
20 Ko'p aqshalar menen baylanıslı bolg'an bul xızmetimizde bizlerdi hesh kim ayıplay almawı ushın, bizler saqlıq penen is tutıp atırmız.
21 Sebebi bizler tek İyemizdin' na'zerinde emes, al adamlardın' na'zerinde de durıs bolg'an na'rseni islewge tırısıp atırmız.
22 Bizler jan'ag'ı tuwısqanlarımız benen birlikte ja'ne bir tuwısqanımızdı da jiberip atırmız. Bul tuwısqanımızdı talay ma'rtebe ha'm ha'r tu'rli jag'daylarda sınap, onın' intalı ekenin ko'rdik. Endi onın' sizlerge degen isenimi ku'sheygenlikten, intası da artıp atır.
23 Titusqa kelsek, ol menin' sherigim ha'm sizler ushın menin' menen birge miynet etetug'ın xızmetshi. Onın' qasındag'ı eki tuwısqanımız – iseniwshi ja'ma'a'tlerdin' wa'killeri ha'm Masixqa dan'q keltiretug'ın adamlar.
24 Solay etip, sizler bul adamlarg'a degen su'yispenshiligin'izdi da'lillen'ler. Bul arqalı olardı jibergen iseniwshi ja'ma'a'tlerge bizlerdin' sizler menen maqtanatug'ınımızdın' durıs ekenin ko'rsetin'ler.
