2 Korinfliler 9 bob
1 Yahudiyadag'ı iseniwshilerge jiberiletug'ın bul ja'rdemge baylanıslı sizlerge jazıwdın' ha'jeti joq.
2 O'ytkeni sizlerdin' ja'rdemge tayar ekenligin'izdi bilemen. «Axaya u'lkesindegiler o'tken jıldan beri tayar», – dep men Makedoniyadag'ılar aldında sizler menen maqtanıp ju'rmen. Sizlerdin' intan'ız olardın' ko'bisin ha'reketke keltirdi.
3 Sebebi ayırım makedoniyalılar menin' menen birge sizlerge barıp, sizlerdin' tayar emes ekenligin'izdi ko'rse, sizlerge qattı isengen bizler uyatqa qalamız, sizler de so'zsiz uyatqa qalasız.
4 Sebebi ayırım makedoniyalılar menin' menen birge sizlerge barıp, sizlerdin' tayar emes ekenligin'izdi ko'rse, sizlerge qattı isengen bizler uyatqa qalamız, sizler de so'zsiz uyatqa qalasız.
5 Sonlıqtan men usı tuwısqanlarımızdan o'zimnen burın sizlerge barıwdı ha'm sizlerdin' wa'de etken ja'rdemin'izdi aldın ala tayarlap qoyıwdı o'tinish etkenim durıs dep oyladım. Solay etip, sizler beretug'ın bul ja'rdem ma'jbu'riy tu'rde berilgen salıqtay emes, al ırazılıq penen berilgen sıyday bolsın.
6 Mınanı umıtpan'lar: sıqmarlanıp ekken adam az oradı, saqıylıq penen ekken adam ko'p oradı.
7 Ha'r bir adam qıynalıp yamasa ma'jbu'riy tu'rde emes, al kewlinen shıqqanın bersin. O'ytkeni Quday ırazı bolıp bergen adamdı su'yedi.
8 Ja'ne de, Quday sizlerdi mol miyrim menen bayıtıwg'a qu'diretli. Solay etip, barlıq waqıtta ha'mme na'rsen'iz jeterli bolıp, ha'r qanday jaqsı iske bay bolasızlar.
9 Sonlıqtan Muxaddes Jazıwda bılay delingen: «Ol o'zinikin saqıylıq penen tarqatıp, jarlılarg'a berdi, Onın' haqlıg'ı ma'n'gige bar boladı».
10 Diyxang'a sebiw ushın tuqım, jew ushın nan beretug'ın Quday sizlerdin' saqıylıq penen ekken eginin'izdin' zu'ra'a'tin mol qılıp beredi ha'm haqlıg'ın'ızdın' jemisin arttıradı.
11 Awa, Quday sizlerdi ha'r ta'repleme bayıtadı. Solay etip, sizler saqıy bolasızlar ha'm bizler sizlerdin' saqıylıq penen bergen sıyların'ızdı aparg'anımızda, alg'an adamlar Qudayg'a shu'kirlik bildiredi.
12 Sizlerdin' bul xızmetin'iz tek Yahudiyadag'ı iseniwshilerdin' mu'ta'jliklerin tolıqtırıp qoymay, ko'p adamlardın' Qudayg'a sheksiz shu'kirlik aytıwına sebep boladı.
13 Sizlerdin' bul xızmetin'iz sebepli, olar Qudayg'a alg'ıslar aytadı. Sebebi sizlerdin' bul xızmetin'iz o'zlerin'iz moyınlag'an Masixtın' Xosh Xabarına boysınatug'ının'ızdı, Yahudiyadag'ı muxaddesler ha'm ko'p basqa adamlar menen saqıylıq penen bo'lisip atırg'anın'ızdı da'lilleydi.
14 Ja'ne de, Qudaydın' sizlerge bergen mol miyrimi sebepli, Yahudiyadag'ılar sizlerdi ko'riwdi a'rman etip, sizler ushın duwa etedi.
15 So'z benen ta'riyiplep jetkiziw qıyın bolg'an Qudaydın' sıyı, yag'nıy Onın' Ulı ushın Qudayg'a shu'kirler bolsın!
