Efesliler 5 bob
1 Solay etip, Qudaydın' su'yikli balaları bolg'an sizler Og'an eliklen'ler!
2 Masix bizlerdi su'yip, bizler ushın Qudayg'a unaytug'ın sadaqa ha'm qurbanlıq bolıp, O'zin Qudayg'a bag'ıshladı. Sol sıyaqlı, sizler de usınday su'yispenshilik penen jasan'lar.
3 Hesh qanday buzıqshılıq, haramılıq ha'm na'psiqawlıq aran'ızda tilge de alınbasın. Bul iseniwshilerge mina'sip emes.
4 Aran'ızda uyat ha'm pa'tiwasız ga'pler, turpayı ha'zil de bolmasın. Bul sizlerge mina'sip emes. Bunın' ornına, Qudayg'a shu'kirlik bildirin'ler.
5 Mınanı anıq bilip qoyın'lar: hesh bir buzıq, haram, na'psiqaw, yag'nıy butparaz adam Masixtın' ha'm Qudaydın' Patshalıg'ın miyras etip almaydı.
6 Hesh kim sizlerdi o'tirik so'zler menen aldamasın. Joqarıda aytılg'an isler sebepli, O'zine boysınbaytug'ınlarg'a Qudaydın' g'a'zebi keledi.
7 Sonlıqtan bundaylarg'a sherik bolman'lar.
8 Sizler bir waqıtları qaran'g'ılıq edin'iz, biraq endi bolsa, İyemiz arqalı nur boldın'lar. Sol sebepten nurg'a tiyisli adamlarg'a say jasan'lar.
9 O'ytkeni nurdag'ı o'mirdin' jemisi – ha'r tu'rli jaqsılıq, haqlıq ha'm haqıyqatlıqtan ibarat.
10 Qudayg'a nenin' unaytug'ının ayırıp bilin'ler.
11 Qaran'g'ılıqtag'ı o'mirdin' jemissiz islerine qatnaspan'lar. Kerisinshe, olardı a'shkara etin'ler.
12 Qaran'g'ılıqtag'ı adamlardın' jasırın qılg'an islerin aytıwdın' o'zi qattı uyat.
13 Biraq, qaran'g'ılıqqa nur shashılsa, ha'mme na'rse anıq ko'rinedi.
14 ebebi Qudaydın' nurında ko'ringen ha'r bir adam – nur. Sol sebepten bılay delingen: «Oyan, ha'y uyqıda jatqan, O'liler ishinen tiril! Masix sag'an nur shashar».
15 Jaqsılıq islewge ha'r bir mu'mkinshilikten paydalanın'lar. O'ytkeni ha'zirgi ku'nler jawızlıqqa tolı.
16 Jaqsılıq islewge ha'r bir mu'mkinshilikten paydalanın'lar. O'ytkeni ha'zirgi ku'nler jawızlıqqa tolı.
17 Sol sebepten aqılsız bolmay, İyemizdin' qa'lewinin' ne ekenin tu'sinin'ler.
18 Araq-sharap iship, ma's bolman'lar, bul adamnın' buzılıwına alıp keledi. Al bunın' ornına, Muxaddes Ruwxqa tolın'lar.
19 Zabur jırlarındag'ı, alg'ıs-maqtaw qosıqlarındag'ı ha'm Muxaddes Ruwxtın' ilhamı menen jazılg'an qosıqlardag'ı so'zlerdi bir-birin'izge aytıp, İyemizdi qosıq-namalar menen ju'regin'izde alg'ıslan'lar.
20 Ba'rqulla ha'mme na'rse ushın, İyemiz İysa Masixtın' atı menen A'kemiz Qudayg'a shu'kirlik bildirin'ler.
21 Masixqa degen hu'rmetin'iz sebepli, bir-birin'izge boysının'lar.
22 Ha'y hayallar, İyemizge boysınatug'ının'ız sıyaqlı, ku'yewlerin'izge de boysının'lar!
23 Sebebi Masix iseniwshiler ja'ma'a'tinin' bası bolg'anı sıyaqlı, ku'yewi de hayalının' bası. Masix O'z denesinin', yag'nıy iseniwshiler ja'ma'a'tinin' Qutqarıwshısı
24 İseniwshiler ja'ma'a'ti Masixqa boysınatug'ını sıyaqlı, hayallar da ha'mme iste ku'yewlerine boysınsın.
25 Ha'y ku'yewler, Masix iseniwshiler ja'ma'a'tin su'yip, onın' ushın O'zin qurban etkeni sıyaqlı, sizler de hayalların'ızdı su'yin'ler.
26 Masix iseniwshiler ja'ma'a'tin suw menen juwıp ha'm Qudaydın' so'zi menen tazalap, onı muxaddes qılıw ushın, O'zin qurban etti.
27 Bunı Ol u'stinde hesh bir daq, jıyrıq yamasa bug'an uqsag'an bir na'rsesi joq, muxaddes ha'm minsiz bolg'an saltanatlı ja'ma'a'tti O'zine alıw ushın isledi.
28 Sol sıyaqlı, ku'yewler de hayalların o'z denesin su'ygendey su'yiwi sha'rt. O'z hayalın su'ygen o'zin su'ygen boladı.
29 Hesh kim hesh qashan o'z denesin jek ko'rmegen. Kerisinshe, Masix iseniwshiler ja'ma'a'tine g'amxor bolg'anı sıyaqlı, adam o'z denesin azıqlandırıp, onı ku'tedi.
30 O'ytkeni bizler Masixtın' denesinin' mu'shelerimiz.
31 «Sonlıqtan er adam ata-anasın qaldırıp, o'z hayalına qosıladı ha'm ekewi bir dene boladı».
32 Bul sır ullı. Men bunı Masixqa ha'm iseniwshiler ja'ma'a'tine baylanıslı aytıp atırman.
33 Solay etip, ha'r birin'iz o'z hayalın o'zin su'ygendey su'ysin. Hayal da ku'yewin hu'rmet etsin.
