Eshua 15 bob
1 Tiyre sanına qaray, Yahuda urıwının' shegine tu'sken jerler qublada bolıp, Edom shegarasına, en' qublada Zin sho'line deyin sozılatug'ın edi.
2 Olardın' qubla shegarası O'li ten'izdin' qubla ta'repindegi qoltıqtan baslanıp,
3 Aqrabbim biyikliginin' qublasına, ol jerden Zinge, Qadesh-Barniyanın' qublasınan Xesrong'a, Xesronnan Addarg'a o'tip, ol jerden Qarqag'a burılatug'ın edi.
4 Son'ınan Asmonnan o'tetug'ın edi ha'm Mısır shegarasındag'ı saydı boylap, Jer Orta ten'izine taqalatug'ın edi. Bul Yahuda urıwının' qubla shegarası edi.
5 Shıg'ıs shegarası O'li ten'iz boylap İordan da'ryasının' quyar qoltıg'ına qaray sozılg'an edi. Al arqa shegarası İordan da'ryasının' O'li ten'izge quyatug'ın qoltıg'ınan baslanatug'ın edi.
6 Ol keyin Beyt-Xoglag'a qaray sozılıp, Beyt-Arabanın' arqa ta'repinen o'tetug'ın edi ha'm Rubennin' ulı Bohannın' tası turg'an jerge deyin baratug'ın edi.
7 Son'ınan shegara Axor oypatlıg'ınan Debirge deyin barıp, oypatlıqtın' qublasındag'ı Adummim biyikligi qarsısındag'ı Gilgalg'a burılatug'ın, bul jerden En-Shemesh suwlarına deyin sozılıp, Rogel bulag'ına barıp taqalatug'ın edi.
8 Keyin Ebus qalasının', yag'nıy Erusalimnin' qubla ta'repi boylap Ben-Hinnom oypatlıg'ınan o'tetug'ın edi. Bul jerden Refaim oypatlıg'ının' arqa ta'repinde bolg'an Hinnom oypatlıg'ının' batısındag'ı tawdın' to'besine ko'terilip,
9 ol jerden Neftoax suw bulag'ına burılıp, Efron tawındag'ı qalalarg'a sozılatug'ın ha'm Baalag'a, yag'nıy Kiryat-Yarimge qaray burılatug'ın edi.
10 Al Baaladan batısqa, Seir tawına qaray Yarim tawı boylap, yag'nıy Kesalon tawının' arqa ta'repi boylap sozılıp, Beyt-Shemeshke qaray baratug'ın ha'm Timna arqalı o'tetug'ın edi.
11 Son'ınan Ekronnın' arqa ta'repindegi janbawırg'a sozılıp, Shikkarong'a qaray burılatug'ın, Baala tawına jetkennen keyin, Yabneelge baratug'ın ha'm Jer Orta ten'izine barıp taqalatug'ın edi.
12 Al batıs shegarası Jer Orta ten'izinin' jag'aları edi. Yahuda urıwının' tiyreleri usı shegaralar menen qorshalg'an edi.
13 Eshua Jaratqan İyenin' o'zine buyırg'anınday, Yahuda bo'legindegi Kiryat-Arba, yag'nıy Xebron qalasın Efunne ulı Kalebke u'les etip berdi. Arba – anaq xalqının' tu'p babası edi.
14 Kaleb anaqlardın' Sheshay, Aximan ha'm Talmay degen tiyrelerin ol jerden quwıp jiberdi.
15 Ol sol jerden eski atı Kiryat-Sefer bolg'an Debir qalasının' xalqına qarsı ju'ris qıldı.
16 Sonda Kaleb: – Kiryat-Sefer xalqın jen'ip, ol jerdi qolg'a kirgizgen adamg'a qızım Axsanı hayallıqqa beremen, – dedi.
17 Qalanı Kalebtin' inisi, Kenazdın' ulı Otniel qolg'a kirgizdi. Sonlıqtan Kaleb qızı Axsanı og'an hayallıqqa berdi.
18 Qız Otnieldin' janına barg'anda, ol ku'yewin u'gitlep: – A'kemnen bir atız sora, – dedi. Kaleb eshekten tu'sip atırg'an qızınan: – Qanday tilegin' bar? – dep soradı.
19 Qız a'kesine: – Mag'an bir enshi bersen'. Meni Negeb sho'line uzatqan ekensen', endi mag'an suw bulaqların ber, – dedi. Solay etip, Kaleb qızına joqarg'ı ha'm to'mengi suw bulaqların berdi.
20 Tiyre sanına qaray, Yahuda urıwı mına jerlerdi u'les qılıp aldı:
21 Yahuda urıwının' en' qublada, Edom jerinin' shegarasındag'ı qalaları to'mendegiler edi: Qabseel, Eder, Yagur,
22 Kina, Dimona ha'm Adada,
23 Kedesh, Xasor, İtnan,
24 Zif, Telem, Bealot,
25 Xasor-Xadatta, KeriyotXesron, yag'nıy Xasor,
26 Amam, Shema, Molada,
27 Xasar-Gadda, Xeshmon, Beyt-Pelet,
28 Xasar-Shual, Beer-Sheba, Biziotiya,
29 Baala, İyyim, Esem,
30 Eltolad, Kesil, Xorma,
31 Siklag, Madmanna, Sansanna,
32 Lebaot, Shilxim, Ayın ha'm Rimmon. Ha'mmesi bolıp, awılları menen birlikte jigirma tog'ız qala.
33 Batıstag'ı taw eteklerinde: Eshtaol, Sora, Ashna,
34 Zanoax, EnGannim, Tappuax, Enam,
35 Yarmut, Adullam, Soxo, Azeqa,
36 Shaarayım, Aditayım, Gedera yamasa Gederotayım. Ha'mmesi bolıp, awılları menen birlikte on to'rt qala.
37 Senan, Xadasha, Migdal-Gad,
38 Dilan, Mispe, İoqteel,
39 Laxish, Bosqat, Eglon,
40 Kabbon, Laxmas, Kitlish,
41 Gederot, Beyt-Dagon, Naama ha'm Makkeda. Ha'mmesi bolıp, awılları menen birlikte on altı qala.
42 Libna, Eter, Ashan,
43 İftax, Ashna, Nesib,
44 Keila, Axzib ha'm Maresha. Ha'mmesi bolıp, awılları menen birlikte tog'ız qala.
45 Qalaları ha'm awılları menen birlikte Ekron,
46 Ekronnan Jer Orta ten'izine shekemgi Ashdodtın' do'geregindegi barlıq awıllar,
47 Ashdod penen onın' qalaları ha'm awılları. Mısır shegarasındag'ı sayg'a ha'm Jer Orta ten'izine deyin sozılg'an Gaza menen onın' qalaları ha'm awılları.
48 Tawlı u'lkede Shamir, Yattir ha'm Soxo,
49 Danna, Kiryat-Sanna, yag'nıy Debir.
50 Anab, Eshtemoa ha'm Anim,
51 Goshen, Xolon ha'm Gilo. Ha'mmesi bolıp, awılları menen birlikte on bir qala.
52 Arab, Duma ha'm Eshan,
53 Yanum, Beyt-Tappuax ha'm Afeka.
54 Xumta, Kiryat-Arba, yag'nıy Xebron ha'm Sior. Ha'mmesi bolıp, awılları menen birlikte tog'ız qala.
55 Maon, Karmel, Zif ha'm Yutta.
56 İzreel, İoqdeam ha'm Zanoax.
57 Kain, Giba ha'm Timna. Ha'mmesi bolıp, awılları menen birlikte on qala.
58 Xalxul, Beyt-Sur ha'm Gedor.
59 Maarat, Beyt-Anot ha'm Elteqon. Ha'mmesi bolıp, awılları menen birlikte altı qala.
60 Kiryat-Baal, yag'nıy Kiryat-Yarim ha'm Rabba. Ha'mmesi bolıp, awılları menen birlikte eki qala.
61 Sho'lde Beyt-Araba, Middin ha'm Sexaxa.
62 Nibshan, Duz qalası ha'm En-Gediy. Ha'mmesi bolıp, awılları menen birlikte altı qala.
63 Yahuda urıwı Erusalimde jasag'an ebuslılardı quwıp shıg'ara almadı. Ebuslılar bu'gin de Yahuda urıwı menen birge Erusalimde jasamaqta.
