Eshua 19 bob
1 Ekinshi shek Shimong'a, tiyre sanına qaray, Shimon urıwına tu'sti. Olardın' u'lesi Yahuda urıwının' u'lesine tiygen jerlerdin' ishinde edi.
2 Olarg'a mına qalalar berildi: Beer-Sheba yamasa Sheba, Molada,
3 Xasar-Shual, Bala, Esem,
4 Eltolad, Betul, Xorma
5 Siklag, BeytMarkabot, Xasar-Susa,
6 Beyt-Lebaot, Sharuxen. Ha'mmesi bolıp, awılları menen birlikte on u'sh qala.
7 Ayın, Rimmon, Eter ha'm Ashan. Bular awılları menen birlikte to'rt qala.
8 Baalat-Beer, yag'nıy Negebtegi Ramag'a qaray sozılg'an bul qalalardın' a'tirapındag'ı barlıq awıllar da Shimon urıwına tiyisli edi. Tiyre sanına qaray, Shimon urıwına tiygen u'les usı edi.
9 Shimon urıwına berilgen u'les Yahuda urıwının' u'lesinen alıng'an edi. O'ytkeni Yahuda urıwının' u'lesi kereginen artıq edi. Solay etip, Shimon urıwının' u'lesi Yahuda urıwına tiyisli jerdin' ishinde edi.
10 Tiyre sanına qaray, u'shinshi shek Zebulon urıwına tu'sti. Olardın' jerleri Saridke shekem sozılatug'ın edi.
11 Shegara sol jerden batısqa qaray, Maralag'a deyin barıp, Dabbeshetke jetetug'ın ha'm İoqneam qarsısındag'ı sayg'a deyin sozılatug'ın edi.
12 Son'ınan Saridtan ku'nshıg'ısqa, KislotTabordın' shegarasına barıp, ol jerden Daberatqa taqalatug'ın ha'm Yafiag'a shıg'atug'ın edi.
13 Shıg'ıs shegarası Yafiadan Gat-Xefer ha'm EtQasinge o'tip, Rimmong'a deyin sozılatug'ın, keyin Neag'a burılatug'ın edi.
14 Al arqa shegarası bul jerden Xannatong'a burılıp, İftax-El oypatlıg'ına kelip toqtaytug'ın edi.
15 Bul shegara Qattat, Nahalal, Shimron, İdala ha'm Beytlehemdi o'z ishine aladı. Ha'mmesi bolıp, olar awılları menen birlikte on eki qala edi.
16 Tiyre sanına qaray, Zebulon urıwına usı qalalar awılları menen birlikte u'les etip berildi.
17 To'rtinshi shek İssaxarg'a, tiyre sanına qaray, İssaxar urıwına tu'sti.
18 Olardın' jer shegarasının' ishine kirgen qalalar: İzreel, Kesullot, Shunem,
19 Xafarayım, Shion, Anaxarat,
20 Rabbit, Kishyon, Ebes,
21 Remet, EnGannim, En-Xadda ha'm Beyt-Passes.
22 Olardın' shegarası Tabor, Shaxasima ha'm Beyt-Shemesh arqalı sozılıp, İordan da'ryasına kelip toqtaytug'ın edi. Ha'mmesi bolıp, olar awılları menen birlikte on altı qala edi.
23 Tiyre sanına qaray, İssaxar urıwına usı qalalar awılları menen birlikte u'les etip berildi.
24 Tiyre sanına qaray, besinshi shek Asher urıwına tu'sti.
25 Olardın' jer shegarasının' ishine kirgen qalalar: Xelqat, Xaliy, Beten, Axshaf,
26 Allammelex, Amad ha'm Mishal bolıp, batısta Karmel ha'm ShixorLibnatqa deyin sozılatug'ın edi.
27 Bul jerden shıg'ısqa, Beyt-Dagong'a qaytıp, Zebulon shegarası ha'm İftax-El oypatlıg'ı boyınsha sozılatug'ın, al arqada Beyt-Emek ha'm Neielge jalg'asatug'ın edi. Keyin Kabuldın' arqa ta'repinen
28 Ebron, Rexob, Xammon ha'm Qanag'a o'tip, ullı Sidong'a jetetug'ın edi.
29 Usı jerden Ramag'a qaytıp, qorg'anlı Tir qalasına qaray sozılatug'ın, keyin Xosag'a burılıp, Axzib aymag'ında, Jer Orta ten'izinde tamamlanatug'ın edi.
30 Ja'ne de, Umma, Afek ha'm Rexob. Ha'mmesi bolıp, awılları menen birlikte jigirma eki qala.
31 Tiyre sanına qaray, Asher urıwına usı qalalar awılları menen birlikte u'les etip berildi.
32 Altınshı shek Naftaliyge, tiyre sanına qaray, Naftaliy urıwına tu'sti.
33 Olardın' shegarası Xelef ha'm Saanannimdegi terebinf ag'ashınan baslanıp, Adamiy-Nekeb ha'm Yabneel arqalı Laqqumg'a qaray sozılatug'ın ha'm İordan da'ryasında tamamlanatug'ın edi.
34 Shegara ja'ne Xeleften baslanıp, batısqa qaray Aznot-Tabordan o'tetug'ın ha'm Xuqoqqa jalg'asatug'ın edi. Qublada Zebulon jerlerine, batısta Asher jerlerine, al shıg'ısta İordan da'ryasına barıp tireletug'ın edi.
35 Olardın' qorg'anlı qalaları mınalar edi: Siddim, Ser, Xammat, Raqqat, Kinneret,
36 Adama, Rama, Xasor
37 Kedesh, Edrey, En-Xasor,
38 ron, MigdalEl, Xorem, Beyt-Anat, Beyt-Shemesh. Ha'mmesi bolıp, awılları menen birlikte on tog'ız qala.
39 Tiyre sanına qaray, Naftaliy urıwına usı qalalar awılları menen birlikte u'les etip berildi.
40 Tiyre sanına qaray, jetinshi shek Dan urıwına tu'sti.
41 Olardın' u'lesine tiygen jerler mına qalalardı o'z ishine aladı: Sora, Eshtaol, İrShemesh,
42 Shaalabbin, Ayyalon, İtla,
43 Elon, Timna, Ekron,
44 Elteke, Gibbeton, Baalat,
45 Ehud, Bene-Beraq, Gat-Rimmon,
46 Me-Yarqon ha'm Yafonın' qarsısındag'ı jerler menen birlikte Raqqon.
47 Jerlerinen ayırılıp qalg'anlıqtan, Dan urıwı Leshemge hu'jim jasadı. Olar qalanı alıp, pu'tkil xalqın qılıshtan o'tkizdi de, sol jerge ornalasıp aldı. Ja'ne de, babası Dannın' hu'rmetine sol jerdi Dan dep atadı.
48 Tiyre sanına qaray, Dan urıwına usı qalalar awılları menen birlikte u'les etip berildi.
49 Jerlerdi shegaralap bo'listirip bolg'annan son', izraillılar o'z jerleri ishinen Nun ulı Eshuag'a u'les berdi.
50 Jaratqan İyenin' buyrıg'ı boyınsha, olar Eshuag'a o'zi sorag'an qalanı, Efrayımnın' tawlı u'lkesindegi TimnatSeraxtı berdi. Eshua qalanı qaytadan salıp, sol jerge ornalastı.
51 Ruwxaniy Elazar, Nun ulı Eshua ha'm İzrail urıwlarındag'ı tiyre basshılarının' Shiloda, Jaratqan İyenin' aldında, Ushırasıw shatırının' kirer awzının' aldında shek taslap bo'listirgen u'les jerleri usılar edi. Solay etip, olar eldi bo'listiriw isin tamamladı.
