1 Timofey 3 bob
1 «Eger kim de kim ja'ma'a't jetekshisi bolıwdı an'sasa, jaqsı isti arzıw etkeni», – degen so'zler haqıyqat.
2 Solay etip, ja'ma'a't jetekshisi ayıpsız, bir hayallı, salmaqlı, o'zin tutıp biletug'ın, hu'rmetli, miymandos ha'm ta'lim beriwge qa'biletli bolıwı sha'rt.
3 Ja'ne de, ol ma'sku'nemlikke berilgen, qızba, ja'njelkesh, paydaku'nem bolmay, al mu'la'yim,
4 o'z u'yin jaqsı basqaratug'ın, balalarına so'zin tın'latıp, o'zin hu'rmet ettire alatug'ın adam bolıwı lazım.
5 Sebebi o'z u'yin basqara almaytug'ın adam Qudaydın' ja'ma'a'tine qalay g'amxorlıq qıla aladı?
6 Jetekshi jaqında isengen adam bolmawı tiyis. Olay bolsa, ol maqtanıp ketip, shaytan sıyaqlı jazag'a duwshar bolıwı mu'mkin.
7 Ja'ne de, ol ayıplanıp, shaytannın' duzag'ına tu'spewi ushın, ja'ma'a'ttin' sırtındag'ı adamlardın' aldında jaqsı atqa iye bolıwı kerek.
8 Sol sıyaqlı, ja'ma'a't xızmetshileri de ma'sku'nemlikke berilgen, haram paydanı go'zleytug'ın adam bolmay, bir so'zli ha'm hu'rmetli adamlar bolıwı sha'rt.
9 Olar isenimnin' teren' haqıyqatlıg'ın bilip, taza hu'jdan menen is-ha'reket etiwi tiyis.
11 Sonday-aq, olardın' hayalları da o'sekshi bolmay, hu'rmetli, salmaqlı ha'm ha'mme iste isenimli bolsın.
12 Ja'ma'a't xızmetshileri bir hayallı, balaların ha'm o'z u'y-ishin jaqsı basqaratug'ın adamlar bolsın.
13 Xızmetin jaqsı atqarg'an xızmetshiler joqarı ma'rtebege erisedi ha'm Masix İysag'a degen isenimde u'lken batırlıqqa iye boladı.
14 Men jaqın arada senin' janın'a barıwdan u'mit etemen. Biraq eger keshiksem, Qudaydın' shan'arag'ında iseniwshilerdin' qalay is tutıwı kerekligin biliwin' ushın, sag'an usı xattı jazıp atırman.
15 Qudaydın' shan'arag'ı – haqıyqat tiregi ha'm tiykarı bolg'an tiri Qudaydın' ja'ma'a'ti.
16 Qudaydın' jolının' sırı ullı ekeni so'zsiz. Keldi Masix adam denesinde, Muxaddes Ruwx ta'repinen haq dep tastıyıqlandı Ol, Perishtelerge ko'rindi, Ol haqqında ja'riyalandı milletlerge, Du'nyada Og'an isendi, Ol joqarıg'a alındı saltanat penen.
19 Bul xızmetshiler de da'slep sınaqtan o'tiwi lazım. Eger ayıpsız bolsa, xızmetke qoyılsın.
