1 Timofey 5 bob
1 G'arrı adamg'a urıspa, al onı a'ken'dey ko'rip, na'siyat ber. Jas jigitlerdi inin'dey,
2 jası u'lken hayallardı anan'day, jas hayal-qızlardı a'japan' ha'm qarındasın'day ko'rip, tolıq pa'klik penen aqıl-na'siyat ber.
3 Haqıyqattan qa'wendersiz bolg'an jesir hayallardı hu'rmet et.
4 Biraq, eger bir jesir hayaldın' balaları yamasa aqlıqları bolsa, olar en' aldı menen Qudaydın' jolı menen ju'rip, o'z u'y-ishine g'amxorlıq ko'rsetiwdi, a'kesheshesi menen kempir apa ha'm atasının' aldında parızın o'tewdi u'yrensin. Sebebi bul Qudayg'a unaydı
5 Haqıyqattan qa'wendersiz, jalg'ız qalg'an jesir hayal Qudaydan u'mit qılıp, ku'ni-tu'ni Og'an jalbarınıp duwa etedi.
6 Biraq tek ka'yip-sapa menen jasaytug'ın jesir hayal – tiri o'lik.
7 Ayıplanbawı ushın, olarg'a usılardı eskertip qoy.
8 Eger kim de kim o'z ag'ayin-tuwg'anlarına, a'sirese u'y-ishindegilerge qaramasa, ol isenimnen ju'z burg'an adam bolıp, isenbeytug'ın adamnan da beter bolg'anı.
9 Eger kim de kim o'z ag'ayin-tuwg'anlarına, a'sirese u'y-ishindegilerge qaramasa, ol isenimnen ju'z burg'an adam bolıp, isenbeytug'ın adamnan da beter bolg'anı.
10 Sonday-aq, ol jaqsı isleri menen at shıg'arg'an bolıp: balaların jaqsı ta'rbiyalag'an, miymandos bolg'an, iseniwshilerge kishipeyillik penen xızmet etken, qıyınshılıqta bolg'anlarg'a ja'rdem bergen ha'm iygilikli islerge o'zin bag'ıshlag'an bolıwı tiyis.
11 Jas jesir hayallardın' atların dizimge jazba. O'ytkeni olardın' Masixqa degen sadıqlıg'ınan dene qa'lewleri u'stin bolıp, ja'ne turmısqa shıg'ıwdı oylaydı.
12 Solay etip, olar aldın bergen wa'delerin buzıp, jazag'a duwshar boladı.
13 Bunnan tısqarı, olar u'yme-u'y ju'rip, waqıtların biykar o'tkiziwdi a'detke aylandıradı. Olar tek erinshek bolıp qalmay, o'sek te aytadı ha'm kerek emes na'rselerdi so'ylep, basqalardın' isine aralasadı.
14 Sonlıqtan jas jesir hayallar turmısqa shıg'ıp, bala tuwıwın ha'm xojalıq jumısların men'gerip, dushpanlardın' o'sek qılıwına sebep tuwdırmawın qa'leymen.
15 Sebebi olardın' geybirewleri a'lle qashan azg'ırılıp, shaytannın' izine erip ketti.
16 Eger iseniwshi bir hayaldın' jesir qalg'an jaqınları bolsa, olarg'a ja'rdem etsin, iseniwshiler ja'ma'a'tine awırmanlıq salmasın. Sonda iseniwshiler ja'ma'a'ti haqıyqattan qa'wendersiz qalg'an jesirlerge ja'rdem ete aladı.
17 Ja'ma'a'tti jaqsı basqaratug'ın aqsaqallar, a'sirese Qudaydın' so'zin ja'riyalap ha'm u'yretip, miynet etip atırg'anlar eki ese hu'rmetke ılayıqlı bolsın.
18 O'ytkeni Muxaddes Jazıwda: «Tu'yek aydag'an o'gizdin' awzın buwma» ha'm «Jumısshı o'z miynet haqısına ılayıqlı», – delingen.
19 Eki yamasa u'sh gu'wa bolmasa, bir aqsaqalg'a qoyılg'an ayıplamanı qabıl etpe.
20 Basqalar qorqıwı ushın, gu'na islegenlerdi ha'mmenin' aldında a'shkara qıl.
21 Qudaydın', Masix İysanın' ha'm tan'lang'an perishtelerdin' aldında sag'an eskertip atırman: hesh kimdi ayırmay, tek bir ta'repke bolıspay, usı buyırg'anlarımdı orınla.
22 Birewdi xızmetke alıw ushın, onın' u'stine qol qoyıp duwa etkenin'de, asıg'ıslıq qılma. Basqalardın' gu'nalarına sherik bolma: o'zin'di taza tut.
23 Bunnan bılay, tek suw ishpey, asqazanın' ha'm jiyi-jiyi bolıp turatug'ın awırıwların' ushın, az g'ana sharap ta ish.
24 Ayırım adamlardın' gu'naları belgili bolıp, olardı hu'kim etiliwge alıp keledi. Basqalardın' gu'nası bolsa, son'ınan ma'lim boladı.
25 Sol sıyaqlı, jaqsı isler de belgili. Al ha'zir belgili bolmasa da, jasırın qalmaydı.
