2 Timofey 3 bob
1 Mınanı bilip qoy: du'nyanın' son'g'ı ku'nlerinde awır waqıtlar keledi.
2 Adamlar o'zin jaqsı ko'retug'ın, du'nyaparaz, maqtanshaq, menmen, Qudayg'a til tiygizetug'ın, ata-anasına boysınbaytug'ın, jaqsılıqtı bilmeytug'ın, qudaysız,
3 miyrimsiz, kekshil, jalaxor, o'zin tutıp bilmeytug'ın, jawız, jaqsılıqtın' dushpanı,
4 O'zlerin Qudaydın' jolı menen ju'rgen qılıp ko'rsetedi, biraq Onın' jolının' ku'shin ta'n almaydı. Bundaylardan awlaq bol.
5 O'ytkeni olardın' geybirewleri u'ylerge jasırın kirip, gu'nalarg'a batqan ha'm ha'r tu'rli jaman ha'weslerge berilgen sada hayallardı duzaqqa tu'siredi.
6 Bul hayallar haqıyqatlıqtı ba'rqulla u'yrenip, onı hesh qashan tu'sinip jete almaydı.
7 Yanis ha'm Yambris Muwsag'a qarsı shıqqanday, bul adamlar da haqıyqatqa qarsı turadı. Bundaylar – aqıl-oyları buzılg'an ha'm haqıyqıy isenimge iye emes adamlar.
8 Degen menen, olar uzaqqa barmaydı. Sebebi Yanis ha'm Yambris sıyaqlı, olardın' aqılsızlıg'ı ha'mmege a'shkara boladı.
9 Al sen menin' ta'liymatımdı, o'mir ta'rizimdi, maqsetimdi, isenimimdi, sabırlılıg'ımdı, su'yispenshiligimdi ha'm turaqlılıg'ımdı o'rnek tuttın'.
10 Al sen menin' ta'liymatımdı, o'mir ta'rizimdi, maqsetimdi, isenimimdi, sabırlılıg'ımdı, su'yispenshiligimdi ha'm turaqlılıg'ımdı o'rnek tuttın'.
11 Basımnan keshken quwdalanıwlarımda ha'm Antioxiya, İkoniya, Listra qalalarında shekken azaplarıma sherik boldın'. Men qanshama azaplarg'a shıdam berdim! İyemiz meni ha'mmesinen qutqardı.
12 Haqıyqatında, Masix İysag'a tiyisli bolıp, Qudaydın' jolı menen jasawdı qa'lewshilerdin' ha'mmesi de quwdalanadı.
13 Biraq, jaman ha'm jalatay adamlar aldap ha'm aldanıp, ele de beter jaman bolıp bara beredi.
14 Al sen o'zin' u'yrengen ha'm isengen haqıyqatqa sadıq qal. O'ytkeni bunı kimlerden u'yrengenin'di bilesen'.
15 Ja'ne de, sen Muxaddes Jazıwlardı balalıg'ın'nan beri bilesen'. Bul Jazıwlar sag'an Masix İysag'a degen isenim arqalı qutqarılıw ushın danalıq bere aladı.
16 Muxaddes Jazıwlardın' ha'mmesi Qudaydın' Muxaddes Ruwxının' ilhamı menen jazılg'an bolıp, ta'lim beriw, a'shkaralaw, du'zetiw ha'm haqıyqatlıq boyınsha ta'rbiyalaw ushın paydalı.
17 Olar tiykarında Qudaydın' adamı ha'r bir jaqsı iske tayar bolıw ushın jetilisip baradı.
