Ниневия халқының тәўбе етиўи
Мухаддес Китап, Юнус китабы, 3-бап.
Бир неше ҳәпте өтип, Юнус Ниневияға кирди ҳәм үлкен қаланың көшелеринде жүрип, ўаз айтып:
«Қырық күннен кейин Ниневия қыйратылады», – деп жар салды.
Таң қаларлығы, оның үстинен ҳеш ким күлмеди. Ҳеш ким оған қол да көтермеди, қәўип те туўдырмады. Керисинше, адамлар оның сөзлерине исенди. Сол жердеги халық еситкен ҳүким, әдил еди: өйткени олар көплеген халықлар менен урысқа шыққан еди ҳәм жүдә көп жаўызлық ислеген еди. Соның ушын, олар сол қылмысларының жазасыз қалмайтуғынын билетуғын еди.
Бул хабар Ниневия патшасына жетип барғанда, ол тахтынан түсип, былай деди:
– Адамлар да, ҳайўанлар да аза кийиминде болсын. Ҳәр бир адам Қудайға бар күши менен жалбарынып, өзлериниң жаман жолларынан ҳәм жаўызлық ислеўден ўаз кешсин. Ким биледи, мүмкин, сонда Қудай пикирин өзгертер, лаўлаған ғәзебинен қайтар ҳәм бизлер набыт болмаспыз.
Сонда Қудай ниневиялылардың қылған ислерин ҳәм олардың жаман жолдан қайтқанын көрди. Сонлықтан оларға жаны ашып, жиберемен деген апатты жибермеди. Сонда Юнус буған қатты ренжип, ашыўланды. Ол таўдың басына шығып, Жаратқан Ийеге былай деп дуўа етти:
– О, Жаратқан Ийе! Усындай болатуғынын өз елимде болған ўақтымда-ақ айтпаған ба едим? Сонлықтан да мен Таршишке қашқан едим. Себеби Сениң мийримли, реҳимли, сабыр-тақатлы, сүйиспеншилиги шексиз ҳәм жазалаўдан ўаз кешетуғын Қудай екениңди билетуғын едим.
Ол турған төбешиктиң үсти жудә ыссы еди ҳәм буған да ол ашыўланды. Ертеңине азанда уйқыдан турғанда жанында өсип шыққан бир өсимликти көрди. Юнус бул өсимликке қатты
Бирақ келеси күни таң атқанда, Қудай бир қуртты жиберди ҳәм ол өсимликти кемирип, қуўратып таслады. Қуяш Юнустың басын қатты қыздырғанлықтан, ол ҳәлсизлене баслады ҳәм өзине өлим тилеп баслады.
Бирақ Қудай оған:
– Өсимлик ушын ашыўланыўға ҳақың бар ма? — деди. Юнус:
– Әлбетте, ҳәттеки, өлгенше ашыўланыўға ҳақым бар, — деди.
Сонда Жаратқан Ийе оған былай деди:
– Бул өсимлик бир түнде шығып, бир түнде жоқ болды. Сен мийнет етип, бул өсимликти өсирмеген болсаң да, оған жаның ашып атыр. Ал Ниневияда болса, ақ пенен қараны айыра алмайтуғын бир жүз жигирма мыңнан аслам адам ҳәм көп санлы ҳайўанлар бар. Усы уллы қала ушын Мениң жаным қалай ашымасын?
Сонда Юнус Қудайдың сабырлы, мийримли ҳәм қаншелли кеширимли екенин түсинди.
СОРАЎЛАР:
1. Юнус Ниневияда не туўралы ўаз айтты?
2. Ниневия халқы ол хабарды қалай қабыл етти?
3. Қудай Ниневияға не иследи?
