Ибадатхананың биринши мәрте тазаланыўы
Мухаддес Китап, Юхан 2-бап, 13-17аятлар
Кана қаласынан Ийса шәкиртлери, және де, Мәриям ҳәм туўысқанлары менен Галиладағы Капарнаҳумға қарай кетти ҳәм сол жерде қалды.
Бир неше күн Капарнаҳумда болып, Ийса Қутқарылыў байрамына Ерусалимге кетти.
Ибадатхананың ҳәўлисинде аламан халық толы еди. Ол жерде тек байрамға келген ҳәм Қудайға қурбанлық берип, дуўа етиў ушын келген адамлар ғана емес, ал саўда менен шуғылланыўға келген адамлар да бар еди.
Ийемиз Ийса байрам қатнасыўшыларынан пул ислеп қалыў ушын келген сол саўдагерлерди ҳәм ақша алмастырыўшыларды жақтырмады. Жаратқан Ийениң Ибадатханасының майданы базар майданына айланып қалған еди. Ҳеш кимде Қудайдың Үйине деген ҳүрмет жоқ еди.
Ийса арқанларды алды да, одан қамшы ислеп, саўдагерлерди мал ҳәм қойлары менен қосып қуўып жиберди. Кептер сатыўшысына Ол:
– Әкемниң Үйин саўдагерлер үйине айландырмаң! – деди.
Саўдагерлер үнсиз түрде Ибадатхананың майданынан сыртқа шығып кетти. Ақша алмастырыўшылар да Ийсаның бийлигин тән алды. Ол алмастыратуғын ақшалары турған столларын аўдарып таслады ҳәм ақшалары Ибадатхана майданында шашылып қалды.
Адамлар Ийсаның ислегенлериниң ҳәммесин көрип таң қалған еди, бирақ Оған қарсылық қылыўға жүрексинбеди.
СОРАЎЛАР:
1. Ийса Ибадатхана алдындағы майданда нени көрди?
2. Ийса буған қандай қатнаста болды? Саўдагерлерге Ол қандай сөзлерди айтты?
