Ибрайым ҳаққында ўақыялар
Ўәде етилген жер
Мухаддес Китап,Жаратылыс китабы,12 бап, 1-9 аятлар.
Нухтың улларында көп балалар болып адамлар және көбейди ҳәм жер жүзи бойлап тарқады.Олар Қудайдан қорқатуғын адамлар болды ма ямаса жаўыз адамлар болды ма? Олардың көбиси ҳақыйқый Қудайды умытқан еди, себеби олар Оны көре алмайтуғын еди. Олар өзлерине үлкен ҳәм кишкене етип бутларды ҳәм жалған қудайларды ойлап таўып, қолдан ислеп алған еди. Бул бутларды ағаш ҳәм таслардан ислейтуғын еди. Олар өз бутларын ҳәр жерге койып, олардың алдында жығылып, сол мүсинлерге былай деп дуўа ететуғын еди: «Булар бизлердиң қудайларымыз, олар бизлерди жаратты ҳәм бизлерге жеўге азық-аўқат береди».
Ўақыттың өтиўи менен адамлардың көбиси бутқа табыныўшы болып кетти. Олар Қудайға емес, ал бутқа табынатуғын еди. Көбинесе олар бутларының кеўлинен шығыў ушын, мүсинлерди алтыннан ҳәм гүмистен ислейтуғын еди.
Қудай аспанда турып, адамлардың Оннан жүз бурып, бутларға табынып атырғанын көрди ҳәм буған қатты ғәзепленди. Бирақ Қудай адамларды жер жүзинен жоқ қылып жибермеди, өйткени дүньяға адамлардың гүналары ушын қурбан болатуғын Қутқарыўшы келиўи керек еди.
Қудай Өзине айрықша бир халықты жаратыў ушын Ибрайымды таңлады. Дүньяға тек ғана Ибрайымның урпағынан Қутқарыўшы келиўи керек еди.
Средиземное море = Жер Орта теңизи
о. Кипр = Кипр
Галилейское море = Галила теңизи
Хананская земля = Қанан жери
Мертвое море = Өли теңиз
река Нил = Нил дәрьясы
Египет = Мысыр
Красное море = Қызыл теңиз
Харран = Харан
Река Тигр = Тигр дәрьясы
Вавилон = Бабилон
река Евфрат = Евфрат дәрьясы
Ур Халдейская = Калдейлердиң Ур қаласы
Аравийская пустыня= Арабстан шөли
Қудай Ийе Ибрайымға:
- Өз елиңди, ағайин-туўғанларыңды ҳәм әкеңниң үйин қалдырып, Мен саған көрсететуғын елге бар. Мен сеннен уллы халық дөретемен. Сени жарылқайман ҳәм атыңды мәртебели қыламан, – деди.
Ибрайым ҳәм ҳаялы Сарай узақ ҳәм аўыр сапарға шықты. Олар менен бирге Ибрайымның ағасының баласы Лут та бар еди.
Жаратқан Ийе Ибрайымға Қанан жерине қарай жол көрсетти. Сол жерде ол және Қудайдың даўысын анық еситти:
– Бул жерди сениң урпағыңа беремен, – деди Қудай.
Ибрайым өзинде енди мақсет бар болғаны ушын, қуўанышлы болды ҳәм ол: «Мен барыўым керек болған жер – бул Қанан!» - деп ой жуўыртты. Кейин Ибрайым Қудай Ийеге қурбанлық бериў ушын, қурбанлық орын қурды.
Деген менен, Қудайдың урпақлар туўралы айтқан сөзи оған түсиниксиз еди. Өйткени Сарай екеўиниң перзенти жоқ еди. Бирақ Ибрайым Қудайға өз өмирин тапсырып, исениўин даўам етти.
Жаратқан Ийе бир неше мәрте Ибрайымға мынадай сөзлерди айтты: «Мен сени жарылқайман ҳәм қорғайман, ҳеш ким саған жаманлық ислемейди». Қудайдың Ибрайымнан кеўли толды ҳәм оны достым деп атады.
СОРАЎЛАР
1. Жер жүзиндеги адамлардың көбиси кимге табынып, хызмет ететуғын еди?
2. Қудай достым деп атаған адамның аты ким еди?
3. Қудай Ибрайымға нени ўәде етти?
