1 Jılnama 27 bob

Ordadag'ı a'skeriy bo'limler(1-15),İzrail urıwlarının' ko'semleri(16-24),Patshanın' xızmetkerleri(25-34).

¹ To'mende İzrail xalqının' a'wlad basshıları, mın'basıları, ju'zbasıları ha'm patshalıq islerin alıp baratug'ın olardın' basqarıwshılarının' dizimi berilgen. Olar ha'r biri jigirma to'rt mın' adamnan ibarat bolg'an, gezek penen jılına bir ay xızmet etetug'ın a'skeriy toparlarg'a juwapker boldı.

² Birinshi ay ushın qoyılg'an birinshi bo'limge Zabdiel ulı Yashobam basshılıq etti. Og'an tiyisli bo'limde jigirma to'rt mın' adam bar edi.

³ Yashobam Perestin' urpag'ınan bolıp, ol birinshi ayda xızmet etetug'ın barlıq a'skerbasılarg'a basshı boldı.

⁴ Ekinshi ay ushın qoyılg'an ekinshi bo'limge axoxlı Doday basshılıq etti. Miklot onın' sa'rka'rdası boldı. Og'an tiyisli bo'limde jigirma to'rt mın' adam bar edi.

⁵ U'shinshi ay ushın qoyılg'an u'shinshi bo'limge ruwxaniy Ehoyadanın' ulı Benaya basshılıq etti. Og'an tiyisli bo'limde jigirma to'rt mın' adam bar edi.

⁶ Otız batırdın' biri ha'm otız batırdın' jetekshisi bolg'an Benaya usı edi. Onın' ulı Ammizabad ta onın' bo'liminde og'an ja'rdemshi edi.

⁷ To'rtinshi ay ushın qoyılg'an to'rtinshi bo'limge İoabtın' tuwısqanı Asahel basshılıq etti. Son'ınan onın' ornın ulı Zebadiya iyeledi. Og'an tiyisli bo'limde jigirma to'rt mın' adam bar edi.

⁸ Besinshi ay ushın qoyılg'an besinshi bo'limge izraxlı Shamhut basshılıq etti. Og'an tiyisli bo'limde jigirma to'rt mın' adam bar edi.

⁹ Altınshı ay ushın qoyılg'an altınshı bo'limge teqoalı İkkesh ulı İra basshılıq etti. Og'an tiyisli bo'limde jigirma to'rt mın' adam bar edi.

¹⁰ Jetinshi ay ushın qoyılg'an jetinshi bo'limge Efrayım urıwınan pelonlı Xeles basshılıq etti. Og'an tiyisli bo'limde jigirma to'rt mın' adam bar edi.

¹¹ Segizinshi ay ushın qoyılg'an segizinshi bo'limge Zerax urpag'ınan xushalı Sibbexay basshılıq etti. Og'an tiyisli bo'limde jigirma to'rt mın' adam bar edi.

¹² Tog'ızınshı ay ushın qoyılg'an tog'ızınshı bo'limge Benyamin urıwınan anatotlı Abiezer basshılıq etti. Og'an tiyisli bo'limde jigirma to'rt mın' adam bar edi.

¹³ Onınshı ay ushın qoyılg'an onınshı bo'limge Zerax urpag'ınan netofalı Maharay basshılıq etti. Og'an tiyisli bo'limde jigirma to'rt mın' adam bar edi.

¹⁴ On birinshi ay ushın qoyılg'an on birinshi bo'limge Efrayım urıwınan piratonlı Benaya basshılıq etti. Og'an tiyisli bo'limde jigirma to'rt mın' adam bar edi.

¹⁵ On ekinshi ay ushın qoyılg'an on ekinshi bo'limge Otnieldin' urpag'ınan netofalı Xelday basshılıq etti. Og'an tiyisli bo'limde jigirma to'rt mın' adam bar edi.

¹⁶ İzrail urıwların basqaratug'ın ko'semler mınalar boldı: Ruben urıwın Zixriy ulı Eliezer, Shimon urıwın Maaxa ulı Shefatiya,

¹⁷ Lebiy urıwın Kemuel ulı Xashabiya, Xaronnın' urpaqların Sadoq,

¹⁸ Yahuda urıwın Dawıttın' a'jag'ası Elihu, İssaxar urıwın Mixail ulı Omriy,

¹⁹ Zebulon urıwın Obadiya ulı İshmaya, Naftaliy urıwın Azriel ulı Erimot,

²⁰ Efrayım urıwın Azaziya ulı Hoshea, Menashshe urıwının' yarımın Pedaya ulı İoel,

²¹ Giladtag'ı Menashshe urıwının' basqa yarımın Zexariya ulı İddo, Benyamin urıwın Abner ulı Yasiel,

²² Dan urıwın Eroxam ulı Azarel basqaratug'ın boldı. İzrail urıwlarının' ko'semleri usılar edi.

²³ Dawıt jigirma ha'm onnan to'men jastag'ılardı sanamadı. Sebebi Jaratqan İye İzraildı aspandag'ı juldızlar kibi ko'p qılıwg'a wa'de bergen edi.

²⁴ Seruya ulı İoab ta xalıqtı sanaqtan o'tkeriwdi baslag'anı menen, onı aqırına jetkermegen edi. Sol sanaqtın' kesirinen Jaratqan İye İzrailg'a g'a'zebin shashqan edi. Sonlıqtan sanaqtın' na'tiyjesi Dawıt patshanın' jılnama kitabına kirgizilmedi.

²⁵ Seruya ulı İoab ta xalıqtı sanaqtan o'tkeriwdi baslag'anı menen, onı aqırına jetkermegen edi. Sol sanaqtın' kesirinen Jaratqan İye İzrailg'a g'a'zebin shashqan edi. Sonlıqtan sanaqtın' na'tiyjesi Dawıt patshanın' jılnama kitabına kirgizilmedi.

²⁶ Egislik jerlerdi ta'rbiyalaytug'ın diyxanlarg'a Kelub ulı Ezriy,

²⁷ ju'zim bag'larına ramalı Shimey, ju'zim bag'larındag'ı sharap saqlanatug'ın orınlarg'a shifamlı Zabdiy,

²⁸ batıstag'ı taw eteklerindegi za'ytu'n ha'm jabayı a'njir ag'ashlarına gederli Baal-Xanan, za'ytu'n mayı saqlanatug'ın orınlarg'a İoash,

²⁹ Sharonda otlaytug'ın mallarg'a sharonlı Shitray, oypatlıqlarda bag'ılatug'ın mallarg'a Adlay ulı Shafat,

³⁰ tu'yelerge İsmayıl urpag'ınan Obil, esheklerge meronotlı Exdeya,

³¹ mayda mallarg'a Ajar urpag'ınan Yaziz juwapker edi. Bulardın' ha'mmesi Dawıt patshanın' mal-mu'lki u'stinen qaraytug'ın xızmetkerler edi.

³² Dawıttın' a'kesinin' tuwısqanı İonatan ma'sla'ha'tshi boldı. Ol dana ma'sla'ha'tshi ha'm xatker edi. Xaxmon ulı Exiel patshanın' ullarının' ta'rbiyashısı boldı.

³³ Axitofel patshanın' ma'sla'ha'tshisi, al Ark tiyresinen bolg'an Xushay patshanın' dostı edi.

³⁴ Axitofelden keyin, onın' ornın Benaya ulı Ehoyada menen Abiyatar iyeledi. İoab patshanın' ordasının' sa'rka'rdası edi.